اشحالكم حبوبات ان شاء الله بخير وسهاااالة
اليوم عندي موضوع شيق اتمنى من كل ام او وحدة عندها تجربة او سامعة تخبرنا وتزيدنا
والموضوع هو هل صحيح انه بعض الحركات ممكن تغير من شكل الطفل خلال نموه
اقصد مثلا عند ولادته بعض الناس تضغط على الخدود عشان تطلع له غمازات
وبعضهم يدهنون البنت بالمرة عشان ما يطلع لها شعر في جسمها او يطلع خفيف
وبعضهم يدهنون حواجب الطفل بحليب الام لتعديل شكله وتقويسه
وبعضهم يضغط على الانف حتى يكون شكله ملتم او طويل
فهمتن علي
يالله كل وحدة تخبرنا هل استوت لها قصة ولا شافت تجربة او متاكدة انه هالامور ممكن تفيد
وبانتظار مشاركاتكن الحلوة
والله انا شفت هذي الاشياء بس ما اعتقد فيها.. لأن الخلقة من الله سبحانه وتعالى تكتمل في شهور الحمل ولا يمكن تعديلها بعد الولادة..
وايضا لا يمكن تغيير الجانب الوراثي في هذا الامر…
اذكر يوم كانت بنت اخوي صغيرة كان خشمها مرتفع على فوق ومو حلو عكس ابوها وامها.. وتمت جدتها كل يوم تسحب ارنبة انفها اليما كملت السنة!
مسكينة بنت اخوي!
الحين تقول هذه الجدة بفخر انه لولا هالشيء اللي سوته ما اعتدل خشم بنت اخوي… والحقيقة ان الجانب الوراثي من الطرفين هو السبب! فالاب والام اثنينهم خشومهم طوال!
اعتقد مجرد تفكير جاهل لاجدادنا نظراً لعدم التنور بنور العلم.. 
شكراً اختي .. مشاركتج حلوة فعلاً
الراس وشكله من الخلف لو صار ينام على احد جوانبه بتلاحظين الجنب داخل وتشوفين شكل ميلانه واضح بس ممكن يتعدن لو نام بالجهه الثانيه و هكذا اللي ينام على ظهره يصير راسه مرصوع من الخلف هههههه(عفوا )
انا خالتي كانت تبا دهن خشم ولدي وتمطع على برع ليش ؟؟
عشان يطول خشمه ويصير مثل خشمي … عكس ابووه الي خشمه :pain:
وفالنهاية طلع كوبي بيست من ابوه :dd:
يقولون كحلي عيون الياهل عشان توسع :dd:
لكن عجبتني هاي الحركه ((( بعض الناس تضغط على الخدود عشان تطلع له غمازات )))
bj3a تصدقين انا خالتي لما انولدت بنت اختها راحت وسوت فيها هالحركات بقو يعني ضغطت عليهم بقو عشان يطلع لها غمازات والحين من تضحك شوي تبين الغمازات وعلى فكرة كل عيالها تسوي فيهم جيه
يالله بنااااااااااااات اتريا مشاركات اكثر وينكم زعلتوني الصراحة
الي سمعت انه تمسحين جسم الطفل علشان ما يطلعله شعر من حليب الام الي اول شي الاصفر اما المره ما سمعت
الراس الي صج جربتها ولدي اول ما نولد راسه روعه لانه قيصريه اخترب لاني دايما انومه علي ظهرا وقالتلي عمتي عدلي راسه لاكبر يعيبون عليه وفعلا قمت انومه علي جنب لين تعدل
بصراحة ما اصدق
انه بنتي اول ما ولدتها خشمها خنافر مثل ما نقول والكل مستعجب لان انه وبوها خشمنا طوال وام زوجي على طول تسحب فيه تقول عشان يطول وهو فعلا طول بس لان هذا الطبيعي كان جذاك من ترعص البطن
والشي الثاني الي سمعته عن الكحل يقولون يكبر العين وعمتي اخت ابوي من تشوف بنتي تقول لي حرام ما تكحلينها ….. كحليها عشان تكبر عينها مثلج ……….بس بنتي عينها صغيره على ابوها يعني سويت او ما سويت بتضل جذي
انزين بالنسبة للمرة يوم يدهنون جسم الياهل بالمرة صدج ما ينبت الشعر في الجسم؟؟
وتحديد الحواجب بحليب الام طول فترة الرضاعة هل صحيح يحدد الحواجب بالشكل المرغوب اعرف وحدة مصرية تسوي جيه حق عيالها وماشاء الله حواجبهم واااايد حلوة