انا عرسي شهر 12..و محتاره مب عارفه عندد منو اتمكيج…
كان في خاطري اتمكيج عند سلفي..مكيجت خمس من ربيعاتي..و كل وحده كان
مكياجها احلى عن الثانيه بس للأسف سليفي مب في البلاد في كندا..
وحده من ربيعاتي نصحتني بماغي..انامره جربت مكياج ماغي و كان حلو عليا..
بس بعدني محتاره.
و حد قالي مادونا..بصراحه شفت مكياجها ما عيبني…نصحنوني بليز
– وصالون لاروش (بوظبي) مكياجهم وااايد حلووو ربيعتي جربت عندهم يوم عرسها.
– وفي وحده إسمها فاطمة البلوشي (بالعين) تسوي مكياج وتساريح, لكن أسعارها غالية ممكن توصل الـ 4 – 5 ألاف, وممكن تيج للبيت.
– وسمعت عن وحده خبيرة تجميل إمارتيةإسمها منيرة شفت مكياجها بصراحة في مجلة جميلات 2024 واشوفه حلووووو المهم إنتي ممكن تجربين عندهم وتشوفين إللي يناسبج.
– وصالون حنان شقير (بالعين) صحيح مكياجها حلو بس بصراحة أنا حضرت 3أعراس هي مسويتلهم في منهم الحلووو ومنهم كان مكياجهم جدا بسيط يعني لو علاقتج فيها أوكي بتسويلج TOP , وهي مشكلتها لو مزحومة ما ترد حد وهذا الشي يخليها ما تلتزم بالمواعيد أحيانا بصراحة..المهم ما أنصحج فيها.
وبالنسبة لأرقام منيرة و فاطمة البلوشي أنا ممكن أطرشلج في الخاص لو تبين.
ولو لقيت مكان ثاني اوكــــــــــــي إن شاء الله بخبرج..
انا تمكيجت عند مورا وعند دولا بس ابداع مثل ابداع
صالون عروس الخليج مااااااااااشفت ميك أب شغل عدل
ومواطنه تعرف ذوق الموطنات , وهي في الشارجه ..
وعندج بدريه السويدي بعد هذى في الخان ..
افضل تتمكيجين عند مواظنات لانهم يعرفون اذواق البنات ويشتغلون
بالضمير.
تحياتي
بنت ديره
انا بعد انصحج بـ هيفاء صفر …
بصراااحه تغير الوحده معروفه بالشيء
ان العروس تصير وحده ثانيه …
وهي على فــكره خطيرة ماشاء الله عليها في رسم العين
ماشاء الله عليها ..
وربي يوفقج ..وتطلعين احــلى عرووووس ..قولي آمين …
اختج في الله
منو بيضبطلج المكيب أكثر انا جربتهم وشغلهم مرتب وحلو
بس الكريم الاساس ما تضبطه عدل ,,,
في وحدة من أهلي سوت عندها و طلعت روعة ،،،،
بس اللي خرب عليها الكريم الاساس كان وايد أبيض ،،،
بس أقول لج صالون مورا وايد روعة ,،،
و صالون بافان ,,, ( بس ما أعرف إذا للعرايس حلو و الا لا ),,,
شفت مكياج منيرة في المجلة ,,, وايد حلو ,,,
و على العموم انتي قرري من البروفات ,,,
علشان لا تحملين هم ،،،
انت عروس و المفروض ما تتضايجين وايد علشان ما يأثر على ويهج و الا جسمج ,,,
و مبروك مقدما ,,,
أختج
هلا lura
انا سمعت غن هيفا صفر..بس مب كل حد يمدحها و يقولون مكياجها يناسب البيض اكثر و انا حنطيه …
هلا رمز المحبه
ممكت تخبريني وين صالون عروس الخليج..و مورا انا مستحيل اتمكيج عندهم ما يعيبوني