ويهي احترق الا اشوي!! صج ماركه تعبانه 2024.

السلام عليكم ورحمة الله

بدش في الموضوع على طول لاني منقهره على هالماركه الجيب

تعرفون clean and clear??

انا من زمااااااااااان اسمع عنها ومسووين لها هيصه ودعايه وحاله لكن ما عمري جربتها عاد امس رايحه السوبر ماركت قلت خل اجرب الكريم تخيلو خذت كريم مرطب بسسسسس يعني لاصابون ولا تقشير ولاخرابيط

حطيته في ويهي واحترررررق :pain: والله مت قعدت ربع ساعه بس اغسل فيه بماي بااارد ابيه يخف

في الاخير تعبت حطيت لي فوطه بارده ونقعتها في ماي وحطيتها على ويهي

والله توبه اعرف وحده من اهلنا ويها بهق مسكينه والسبب اي كريم تحطه في ويهها حمدلله والشكر

بنات منو منكم جرب هالماركه؟؟

انا جربت هالماركه

استعمل صابونتها للويه

وعندي الكريم بعد

ووايد حلوه

صح اول ماتحطين الكريم تحسين بحرقان خفيف

شوي ويروح
كأن فيه مانيثول (نفس المادة اللي في الفيكس)

وانتي لازم ما تكثرين من الكريم

يعني كمية صغيييييييييييييره منه تكفي الويه كله

انا مره استخدمت غسول الوجه و بصراحه كان زين صج اذا تغسلين الوجه تحسين ببروده مثل علك النعناع اذا تاكلينه تحسين بحراره بس النفس يصير بارد ههههههه خوش تشبيه 😮 المهم حسين ويهي شاب بس ينفع حق الحرار و بعد استخدمت التنظيف و مثل الشي مثل ما قالت وطن كأن فيه منثول وكان زين

بس وقفت عنه الحين

أنا جربت الصابونه الصراحه نفعتني وايد ونظفت وجهي من النقاط السوده وحب الشباب..
تره يا بنات مو كل ماركه تناسب كل بشره وحده تنفعها والثانيه لا..
😮

انا ما قط استخدمته و الله

مع انه ذبحونا من الاعلانات و مسوين ذبحه علي

انا استخدم صابونه و مرتاحه عليها وايد وايد

وصفي لي اياها الدكتور يوم كان عندي حبوب في ويهي و قالي خلج عليها

خاصه انا ويهي يدهن

بس لما استخدمها وقف الدهن

و مره كنت رايحه صالون و الفيليبينيه اللي هناك كل ساعه تطالع ويهي مع ان ويهي مو صافي صافي بس هي عجبها الظاهر ويهي ههههه

الا تقولي انتي شنو تحطين في ويهج

قلت لها ولا شي

جان تقولي تستخدمين صابونه " acne aid" ؟

قلت لها اي شدراج؟

تقول اي الصابونه ذي وايد زينه

وتمنع الحبوب من انها تطلع بعد

بس صج بصراحه وايد حلوه هالصابونه

و خاصه للي بشرتها دهنيه و تطلع لها حبوب ساعات

تحسين بجفاف اول ما تغسلين ويهج

بس بعدين عادي

انا بعد استخدمها علشان اغسل ويهي من الميك اب سريييعه

ما استخدم مزيلات المكياج تحرق الويه و الله

و سعرها هالصابونه وااايد رخيص اعتقد 900 فلس بس

لكنها وايد حلوه

طبيه و خاليه من المواد المعطره

و تصلح حق البشره الحساسه يعني

تشااو

هلا والله اختي وطن

اي صاجه حتى ريحته نفس الفيكس اشوي

شكر على مرورج وردج

هلا هلا اصايل خوش تشبيه والله

اشكر لج مرورج حبيبتي

هلا عسووووله الظاهر هالماركه ماتناسبني ذبحتني والله مو حرقان خفيف مثل ما قالت اختي وطن

لا وااايد حرقني

ومشكوره يا بنت المنامه 😉

هلا سمبوسه انا سمعت عن ance aid رفيجتي تستخدمه وقالت لي عنه بس انا بشرتي واااااايد جافه

انا استخدم صابون نيتروجينا السائل ance wash

بس الحين قالو لي عن صابون وايد زين بعد قلت بجربه اسمه seba med

ومشكووووره على الرد والتوضيح ..

اهلين نورة

انا رايي من رأيك

انا استخدمت المسحات المزيلة للمكياج

ومنظف البشرة 3في 1

بصراحة بشرتي انعدمت وطلع لي حبوب كبيرة بالوجة واحمرار

مع ان بشرتي جافة وعمري ماعانيت من الحبوب