اليــوم قررت اني اسوي حمام مغربي … بعد فتره طويله مع الاهمال … قلت ياانا ياجسمي اليووووم:angry:
وقبل لابدأ أول من طرى في بالي حبيباتي بنات منتدى عروس وقلت لازم اشارككم بتجربتي للحمام المغربي بالصور
بديت اجمع الاغراض المتواجده عندي والي لها فوايد وقريت عنها من قبل
وكانت هذي النتيجــــهـ
والحين بسم الله نبدأ بخطوات الحمام المغربي
صحنـــ الخلطـــات >> صحني المفضل لاحد يضحك عليــه
صابون مغربي والليفه الخاصــهـ فيهـ
بيكربونات الصودا
زيت اللوز وماء الورد
وهذي صورة الخلطهـ بعد اضافة جميع المقاديــر
فوائد الخلطهـ :
الصابون المغربي غني عن التعريف حيث انه يعيد للجسم شكله الطبيعي بازالته للجلد الميـت بعد عدة مرات من الاستعمال
بيكربونات الصودا : ضعي منها كميه قليله وذلك لتساعد في عملية التقشير والله يجزيها الخير بنت عذاري الي دلتنا على فائدته
زيت اللوز : يقضي على جفاف الجسم وخشونتــهـ
** اولا شغلت الماء الحار _اعلى درجة حراره يستحملها الجسم_ لمدة خمس دقايق حتى تتفتح المسام
** بعدهــا بدأت بتوزيع الخلطه على الجسم كامـــل وخليتها تقريبا مدة عشرين دقيقه
ملاحــظهـ :
** بعد خلط المقادير خليتها تقريبا 10 دقايق عشان تتماسك
الان بتقوليـــن شاسوي في هالعشرين دقيقه ؟؟ او نصف ساعه لوكان عندك وقت
فترة الانتظار استغليتها بعمل خلطتين وحده للشعر والاخرى ماسك للوجهـ
نبدأ بماسك الوجـهـ وهو ماسك بنت عذاري الي فعلا اعشقه لنتايجه المبهره
في هذا الرابط
بشرتك تعبانه؟ باهته؟مسمرة؟بنت عذارى عندها الحل!!
والمقادير عباره عن
روب وعسل وبرتقـــال
شكل الماسكـ :
ماســك الشعـــر
هذا الماسك دايم اسويه وهو روعــهـ للشعر يغذيهـ ويخلــي ملمسه يجنــن ولمعته حلوه نتيجة اضافة المايونيــز
عباره عن ( ملعقتين روب + ملعقتين عسل + ملعقه مايونيز + ملعقتين زيت خروع+ ملعقه كبيره فاشكول باللوز )
شكل الماسك قبل الخلط
وبعد الخلــط
ملاحــظات :
** يفضل لف الشعر بفوطة ماء حار لنتائج افضـــل
طيب الحيــن حطيتي ماسك الوجه وماسك الشعر :clap:
نبدأ خطوة الدعـــك … تاذخين الليفه المغربيه وتبدأين بدعك الجسم وهو عليه الخلطه طبعا بحركات دائريهـ كأنك تعملين مساج للجسم وذلك لتحفيز الدوره الدمويـــهـ …
عملية الدعك تستمر خمس دقائق تقريب لغاية ماتحسين انك وصلتي لكل مناطق الجسم وركزي على المناطق الغامجــه
الان وتحت الماء الحار نبدأ بازالة الخلطه
بعد هذه الخطوه عندك خيارين
اما تستخدمين مقشر المشمش (الي مكتوب عليه مقشر مبيض )
او كريم كاب وهو كريم سنفره مبيض للجسم
انا هالمره استخدمت مقشر المشمش … وزعته على الركب والاكواع والمنطقه الحساسه والاباط وجميع مناطق الجسم … وبأصابع اليد بديت اعمل مساج للجسم عشان يتوزع المقشر ويقوم بوظيفته …
لحد ماتحسين انك تعبتي قومي بالخطوات الاخيره
** بعد غسل الجسم عن المقشر وغسل الشعر بالشامبو المفضل وانا انصح بشامبو لوريال الوردي
نغسل الجسم بالشور جل والليفه
انا استخدم شور جل الباباياا من بودي شوب ريحتـهـ روعــه
الان اخــر خطوه وهي بعد الاستحمام
كريــم مرطـــب بعد الحمام المغربي رووووعهـ يخلي الجسم كأنه زبده
مكونــاتهـ :
**لوشن جليسوليد بالمــسك
**لوشن زبدة الكاكاو ( مكتوب عليه لصقل البقع وترطيب البشره الجافـــهـ )
**جل بيبي اويل من جونســن
صورة الخلطــه في صحني الغالي وميكي يأشر عالخلطه شوفوا يسوي دعايه هههههه
وبصراحه كنت ناويه اصورها بعد الخلط بس اغراني شكل الكريم وحطيته على جسمي ويوم خلصت قلت ياويلي ماصورتها
المهم النتايج كانت اروع من الروعهـ طلعت من الشور وانا حاسه اني غيــر وجسمي نعووووم
والفال لكـــــــــم
طولت عليكــم بس اخر شي نصيحـه عالسريع :
** ممكن تضيفون أي مقادير اخرى للحمام المغربي وانصح بالكركم لما له فوائد كبيره في تفتيح الجسم .. والاستمرار في العنايــه هو اسهل طريقه لجسم رائع
الي يعجبها الموضوع بس تدعي لي ان ربي يوفقني في الجامعــه ماطلبت شي :shy:
أنا بسوي طريقتك باكر إن شاء الله لأن مب كل الأغراض عندي:sad:
بس إن شاء الله أجربه باكر وأخبرك بالنتايج..
(f) (f) (f)
ومصوره الخطوات بعد حركااااااااااااااات
فديتج
الله يوفقج في الجامعه 
واتييبين A في كل المواد
وشدي حيلج في الفاينل ماباقي شي عالكورس ^_*
مشكووووووره عالموضوع وايد حلووو وانشالله اجربه
بس بغيت اسالج وين حصلتي الصابون المغربي الاصلي؟؟
ايه الهمه دى ماشاء الله شكل حمامك كان حمام الهنا تتهى بيه يا قمر ويتجحك فقى دراستك وينصرك على من يعاديكى خخخخخخخخ انا نفسى اعمل الحمام المغربى ده بس الى انا متفقه معاكى عليه ان الكركم هايل للبشرة وللتفتيح وتوحيد الون وعن تجربه
مبروك حمامك يا قمر:shy: :shy: :shy:
وتفتكين وتجين تشتغلين معاي ههههه:bigsmile:
ولا شرايج:shy:
ماشاء الله عليك
طريقتك اتجنن وسهله مع شرحك التوحفه
وبالصور بعد تبارك الرحمن..روعه روعه روعه
شوقتيني اسوي وخلط بلط <<<<<يا حبها للقيله والتلوص
احس كني في طشت خخخخخخ الكلمه توراثيه حدها :dd:
وربي يوفقك بدراستك ويسعدك بنجاحك ويرزقك الزوج الصالح اللي يسر قلبك
بقلد وبصور وباراويك (r) بس مو اليوم
مميـــــــــــــز
ما شاء الله عليج ..
والله يوفقج حبيبتي 