هذي تشكيلة معجنات رهيبة عملتها قبل أيام بمساعدة خدامتنا المسكينة
حبيت أني أشكل لكم أكثر من نوع كي تعم الفائدة أكثر 
وعملت 3 أنواع ولو قدرت بعمل لكم أنواع أخرى مرة أخرى ..
طبعاً العجينة المستخدمة هي عجينتي الذهبية الرائعة – وهذي إعادة لها :
لعمل العجينة نحتاج /
1 جيلة طحين رقم 1 ( 500 جرام طحين معجنات ) (( تقريباً 3 كاسات وربع ))
4 ملاعق ط حليب بودرة
1 فنجان زيت
1 فنجان سكر
1 م ك خميرة فورية
1 ملعقة ص ملح
1 م ك بيكنج باودر
ماء دافئ للعجن ( المقدار كاس وربع ولو حسيتيها محتاجة أكثر زيدي بس بشويييييييش )
الطريقة يا حلوات /
تعجن العجينة بخلط كل المقادير حتى تتشكل لك عجينة طرية
وانتبهي أن تستمري بالعجن لمدة لا تقل عن عشرة دقائق
وكلما زادت مدة العجن كلمات زادت طراوة العجينة
الآن غطي العجينة في مكان دافيء لمدة ساعة
ومن ثم شكليها بعد أن تتضاعف ..
فطاير سبانخ تجننننننننننن وأحلى من الجاهزة والتجربة خير برهان ..
ماشاء الله لاقوة الا بالله
حضري حشوة السبانخ
( وللأمانة الحشوة عملتها الشغالة مش أنا ، وراح أجيب لكم طريقتها إن شاء الله لأني الآن بالدوام )
وشكلي الفطائر بالشكل المعتاد ، وهنا شكلها قبل دخولها الفرن
وهنا بعد ما طلعت
وهذه صورة أخرى مقربة
ما شاء الله تبارك الله
يمييييييييييي والله طرية ولذييييييييييييذة بشكل والأهم من ذلك مفيدة جداً جداً
تعالوا نشوف المعجنات نمبر تو >>>
بيتزا بالجبن والثوم من إخترااااااااااااااعي
لا تضحكون علي
بس جت في بالي أسويها وطبقتها بالفعل وطلعت والله روووووووووووعة وخفيفة وعليها طعم جونااااااااااان
طبعاً الصلصة هي صلصة الجبن بالثوم اللي نسوي فيها خبز الثوم
وطريقتها كالتالي بس هالمرة غيرت شوي :
( على النار احمسي فص ثوم مطحون مع ملعقة زبدة ثم أضيفي 3 ملاعق جبن كرافت سائل + ملعقتين مايونيز ، وعند تمازج الخليط اضيفي بعض الشبت المفروم ويميييييييي على طعم الشبت كيف طلع رهيب )
هنا شكل الصلصة لما جهزت
وهنا شكلت دوائر من العجين على شكل بيتزا ودهنتها بالصلصة
ورشيت شوية موزيريلا
صورة أقرب
ودخلتها الفرن
وهذا شكلها لما طلعت
ما شاء الله تبارك الله
يميييييييييييييي وهنا صورة أقرب
تعالوا نشوف المعجنات نمبر ثري والأخيرة >>>
بيتزا لذييييييييييذة بالصلصة الشهية
هذي البيتزا اللي تعودنا نسويها في البيت
ووالله لذيييييييييذة جداً وحلاتها بالصلصة اللي نسويها
وهذا شكلها
طريقتها يا خواتي سهلة :
اخلطي كاتشاب + مايونيز ( ما يكون كثير ) + زعتر + بصل مفروم
وادهني بها وجه البيتزا
( هالخطوة نسيت أصورها )
وبعدين رشي على الوجه زيتون وطماطم وجبن موزيريلا
( بالنسبة للجبن الموزيريلا : أنصحكم بالجبن الغير مبشورة ، يكون ألذ ويذوب وفعلا رائع ، وأفضل من المبشور الجاهز )
هنا شكلها لما فتحت الفرن
ما شاء الله تبارك الله
وهنا لما تحمرت من فوق ( شكلها تحمرت زيادة خخخخخخخخ )
وهذي صورة مقربة
وخلصنا
يا رب أكون قدرت أفيدكم ولو بالقليل
ودعواتـــــــــــــكم أتمنى ما تحرموني منها بظهر الغيب
ياحلاتها هالمعجنات تجنن …
تسلم يدينك ياعسل ,,,
ما شاء الله ..
طاحت في خاطري الفطاير ..
تسلم يدج أخت هند .. و ما شاء الله عليج فنانة ..
كما عهدناك متميزة
والله يعطيج العافيه أنتي والخدامة
بس خليها تعطينا طريقة السبانخ
ما شا الله عليج فنانه في الطبخ
ربي يعطيج العافيه
ماشاءالله عليج شكلج طباخه ماهره
الله يعطيك العافيه
ولا يحرمنا منك ولا من مواضيعك المميزه
ربي يوفقج إن شاءالله