*¤®§§®¤* 2024.

السلام عليكم ورحمة الله وبركاته

ادري بكم اتحبون هالنوع من المواضيع :22: انا مثلكم بعد

كنت متملله وماعرف شسوي .. قلت خل اجرب كيمرتي اليديده :42: باركوا لي عاد

اقول يا بنات

شنهي مدائن صالح؟؟ 😮 هذا يقول مدائن صالح من الاثار الجميله وما يدخلونها الا بتصريح

ليش؟؟ عاد جاوبوا توه مخلص طاش ماطاش عني وصادني الفضول

نرجع لمحور حديثنا

ترى اكتشفت ان اهم شي في حياتنا هو المكياج

هو الشي الوحيد الي ممكن نشتري منه بالآلاف :42: ولا وحده تقدر تنكر هالشي

ياطوله من محور

خل نرد له احسن من سوالف طاش ماطاش وغيره

المهم بعلمكم على اشياء حلووه اليوم

وان شاء الله تستفيدون مني

اول شي بقولكم على كونسيلر حلو للاستخدام اليومي

من ميك اب فور ايفر

يستخدم لاخفاء الهالات السودا الي تحت العين

وبعد الاستخدام المستمر

بتلاحظون ان الهالات صارت افتح .. وبدت تختفي بشكل تدريجي

تعرفون ليش؟

لان هالمستحضر العجيب يقوم بشد هالمنطقه وبذلك يعمل على تفتيح اللون على طول

ومع الاستخدام بتظل هالمنطقه مشدوده

حلو؟؟

نكمل بعد باقي الدرس

من منكم شافت هالكونسيلر؟؟

وكم وحده تعرف ليش هالالوان؟؟

اللون البرتقالي هذا يستخدم لاخفاء المناطق الداكنه

مثل الهالات السوداء الي تحت العين

نحط منها طبقه وحده لين ما تغطي المساحه الداكنه الي عندنا

وننتظر شوي حتى يثبت

طبعاً في لونين للبرتقالي .. هو مب برتقالي 100% بس مايل للون البرتقالي

المهم في منه لونين داكن وافتح شوي الداكن للاماكن الداكنه جداً والافتح منه للاماكن الي درجتها افتح شوي << ماعرفت اشرح بس عاد انتو فهموها انا اقصد ان الفاتح للفاتح والداكن للداكن

:42: يووه

بس خلوني اكمل الدرس

الحين نحط لون افتح بدرجه من لون الفاونديشن الي نستخدمه للوجه

وبالطريقه هاذي بكون وحدنا لون البشره كله

وبتشوفون ان مافي اثر للهالات السودا .. صدقوني جربوا بعد وبتشوفون ان كلامي صحيح

انزين

واللون الاخضر ليش؟؟

في احد يستخدم اللون الاخضر؟؟

ليش؟؟ بنتسوي مهرجين؟

انا مينونه استخدم كونسيلر اخضر؟؟

اتحداكم اذا ما تقولون هالكلام

كل هالكلام بتعرفون انه غلط

بس بعد شوي

مرات نصحى نلاقي بشرتنا شاحبه

وتتحطم احلامنا

ونلغي خطه وضع المكياج

لاااا

ماله داعي

بس استخدمي الكونسيلر الاخضر

حطيه على الوجه بشكل كامل

انتي جربي بس؟؟

المهم طبقه خفيفه منه

بطير لج هالشوحب كله وبتصير بشرتج نظره وحلووه

بعدها حطي الاساس الي تستخدمينه

على البشره كلها وبعدها انثري اللوز باودر

وخليه لمدة اقل من دقيقة

حتى يمتصه كريم الاساس ونمسح الزايد منه بالفرشاه

الحين انتهينا من الاساس ودوخته بعون الله وبحمده

نشوف الفستان الي حابين نلبسه في سهرتنا اليوم؟؟

انا احب الوردي وكل البنات يحبون الوردي

لان الوردي لون البنات وناعم وحلو ووو الخ

وعشان هالشي اخترته

بعد ما حطيت مثبت الاي شدو

استخدمت هاللون

LU – 16

وهاللون

LU – 7

وهاللون

دمجتهم وطلعت برسمه حلوه وسهله

وحددت داخل العين باللون الابيض

ورسمت تحت بالاي لاينر بنسل خط خفيف باللون البني

وما حددت العين عشان الحين صيف

والرسم و (( العك )) :22: في المكياج بيطلع دمه ثقيل

شوفوا الدمج هني واضح

هالمره صوري واضحه لاتقولون لي مب بليز

على فكرة ترى رسمت الحاجب تأثر على المكياج بشكل مب طبيعي

انا هني مسويه تشقير للحاجب .. وراسمته باللون البني

وما نستغني عن الماسكرا في الاخير

ان شاء الله عجبكم الدرس ومكياجي ؟؟

لاتبخلون علي بالردود

ونلتقي في دروس قادمه وأجمل

تحياتي

:26:

وناسه انا اول وحده شفت الموضوووووووووووع الرووووووووووووووووووعه

تسلم ايدج والله… :clap: :clap: :clap: :clap: :clap: :clap:

وعلى اللون الاخضر انا شفت الاجانب يستخدمون حق شحوب الويه اللون الازرق …ولا صدقت لين ما شفت …بس يمكن الازرق لان بشرتهم وايد بيضا

وعلى العموم مشكوووووووووووووووره على الموضوع وعلى الصور …ونتريا المزيد.. الف شكر …

تسلميين حبيبتي

على الموضوع الجمييل

دمتي بودعروس

مشكوووووووووره عالدرس الحلو00وبأنتظار باقي دروسك في المكياج يالغلا(f)
حلو ومكياج بناتي….
يعني هادي……
بس اما وااااااااااااااااااااااااااااااااايد عيبتني رسمة حواجبج كشخه…..يا حلو انته…
تسلم ايدينج…وعويناتج…
ما شاء الله على الدرس الحلوووو
بستوي خبيرة مكياج والسبب هالمواضيع :shy:
تسلميــــــــــــــ :clap: :clap: ــــــن
ماشاءالله عليج عيني عليج بارده

وموضوعج وااااااايد حلو تسلمين خاصة اني احب ادمج الوردي مع تدرجات الذهبي

شكرااااااااا

روووووووووووووووووعة
تسلمين على هذا الإبداع

:clap: :clap: :clap: :clap:

ما شاء الله عليج حلو مكياجج والشرح احلى واحلى …

فديتج ممكن تخبريني بشنو راسمه حواجبج ؟؟؟

والكحل الابيض اللي استخدمتيه اي ماركه ؟؟؟

وهل يستمر لمده طويله داخل عيونج ولا لاا ؟؟

اسمحيلي على كثر الاسئله خخخخخخخخخخخخخخ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.