السلام عليكم ورحمة الله وبركاته
كيفكم يا بنات عروس وعيدكم سعيد مع إنها متأخره
حبيباتي اواجه مشكله مستعصيه في نظري مع طفلي الاول
الذي هو الان في شهره الرابع
1- لازم ينام بجنبي وبحضني ونهائي ما يرقد على سريره
يعني كل ما حطيته على السرير يقوم اكثر مده ينامها عليه ربع ساعه
لا تقولون انتي السبب في اخذ هذه العاده
هو اسبوع نيمته جنبي الشهر اللي فات ومسك الولد عليها
2- المشكله الثانيه
ان الله يهديه لما يصحى يبغاني جنبه وما يخليني اعرف اشتغل اي شي بالبيت او حتى الله يكرمكم اروح الحمام
ولو خليته يبكي يطرش
3-المشكله اللي ذابحتني من يوم ما انولد للحين
الاستفراغ الكثير من فمه ومن خشمه
يعني يرضع من هنا يطرش من هنا واحيانا يطرش وهو يرضع
وبعدين يبكي يبغى يرضع ثاني لانه طرش كل اللي رضعه
ولهذا السبب موب عارفه انظم رضعاته ..:confused:
4- الولد صار عمره 4 شهور ونصف وما اعرف ايش ااكله ..؟
علموني بليز كيف اعد له الطعام وايش المناسب له بهالسن
شاكره مساعدتكم مقدماً
اختكم لوليتا
بصراحة اختي اول ما ولدتصادتني نفس المشاكل بالضبط مع بنتي، وبصراحة اكثر تعبت والكل ينصحني نصيحة شكل ومن زود ما زادت النصايح المتضاربة تخربطت افكاري وما عرفت اسوي شي الى بنتي، ونومتها للحين جنبي، والترجيع ظل لين ما وقف بروحه يوم صار عمرها ستة شهور، سوري على الاطالة ما ابغى احبطج بس من جد اتمنى احد يعلمنا الصح من الخطأ عشان في المرات المقبلة ما نتعب مثل جذيه
بالنسبه لسالفه التطريش هذي ما تقدرين تسوين فيها شي… هي تخف من روحها ولا ينفع تسوين شي……
بالنسبه للنوم الله يعينك هذي مشكله…
انا ماادري كيف تخلون البيبي ينام معكم بالسرير ما تخاف تدفونهم والا شي؟؟؟
انا امس جربت انوم بنتي معاي بالسرير ما نمت كله خايفه اني وانا ما ادري انقلب والا شي …
عموما حطيه في السرير حقه وراح يصيح يوم يومين لما يرضى
احسن من لما يكبر وتتوهقي
انا توهقت مثلكم في بنتي البكر ساره الله يحفظها ونفس المشكله اللي عندك لوليتا بس الحمد لله اخذت خبره الحين وطبقتها على اولادي التوأم اللي عمرهم 6 شهور الحين لان المشكله تكررت معي .
1_ بيالنسبه لاهم مشكله وهي الترجيع من الفم و الانف كانت عندهم و رحت لدكتور شاطر في العيادات الشامله أخصائي جهاز هضمي للاطفال وكان عمرهم شهرين وتمنيت اني رحت من زمان عطاهم :
*شراب اسمه (موتيليم)وقال اعطيهم منه 2ونص ملي قبل الرضعه بربع ساعه 3 مرات وعموما الصيدلي ممكن يقول لك الجرعه حسب العمر وقال لي الدكتور ان هذا العلاج آمن جدا لدرجة انه قال لو جاهم ترجيع باوقات ثانيه عطيهم بدون ما تقلقين وسالت دكتور ثاني و قال نفس الكلام بس للاحتياط و الراحه النفسيه لك ولتكوني مطمئنه اسالي دكتور بالتليفون او الصيدلي.
*وعطاهم وهذا الاهم حليب للارتجاع قال اي حليب يكون خاص بالارتجاع (ER)وكتب لنا حليب (نان للارتجاع تلاقينه بكل الصيدليات و للامانه ناسب عيالي وقال موتيليم استعمليه اسبوعين او 3 اسابيع والحليب مو مشكله لو حبيتي تكملين عليه بس كنت اقول في نفسي اذا خف الترجيع بغيره بعد شهر لكن للامانه اقول لك عيالي صحصحو عليه بشكل واضح وكل اللي يشوفهم من اهلي و اهل زوجي يحس بالتغيير لدرجة اني كملت عليه الى الان وانا استعمله والحمد لله اوزانهم مره كويسه لانهم كانو صغار مره ولدتهم واوزانهم واحد كيلوين ..والثاني كيلوين و 200 جرام يعني شكلهم مثل بعض الله يحفظهم وتذكرت بنت عمي كانت تقول اي حليب للارتجاع يصير فيه نشا و بطاطا علشان لما يكون ثقيل يركد على كبد الطفل و يفيده .
هذا من ناحية الارتجاع و صدقيني الطفل اللي يرجع ما يكبر ولا يقوى.
2_ اما مشكلة النوم مااتوقع ان الحل عندي لان المشكله عندي و اعاني منها الى الان مع انهم كبرو الله يعيننا و اتمنى الاقي حل عند الاخوات.
3_والاكل انا كنت اعطيهم من الولاده مع الحليب (ماء تمر )انقع تمرتين او 3 في ماء دافي 5قايق و اهرسها بالشوكه و اصفيها بالرضاعه )يوم ويومين لا لان عندهم امساك والتمر يساعد طبعا ( وعصير برتقال مخفف بمويه) ربعه ماء و الباقي عصير يمكن شهر بعدين صارو يشربونه مركز و بعمر 4 شهور اعطيهم (زبادي عادي مخفف) لان الملون اللي بالنكهات ثقيل عليهم للاطفال الاكبر اتوقع وانا مادري بس الزبادي العادي أحليه بشوية سكر واخففه بنمره مويه و 3 زبادي .
ملاحظه مهمه((اي شي تعطيه بنتك لاول مره من هالاشياء او غيرها عطيها منه ملعقه صغيره وبكره 3 وبعدين عادي لو ما تاثرت و لارجعته))
والفواكه توني بديت اعطيهم بس ماادري اذا ممكن تعطي قمرك او بدري عليها.
آســــــــــــــــــــــــــــــــــــــــــــــــ ــفه على الاطاله بس تفاعلت معك غصب عني لاني مريت بضروفك و بنتك المسكينه واتمنى أكون أفدتك و لو بشي بسيط واذا نفعتك بشي( ادعي لبنتي ساره الله ينحفها
) أكبر قلب
مشكوره حبيبتي على ردك
:
:
bent^cute
عزيزتي طفلي ما كان يرقد جنبي تصدقين عاد ان بفترة الاربعين كان نظامه مره حلو
كان يرضع رضاعه .. وينام بسريره .. ويقعد عن امي واخواتي .. بس الحين الحال اتغير صار متعلق فيني بشكل غير طبيعي
تسلمين على ردك
:
:
شماني فله
الله يكون بعونك وعوني
:
:
يا هــــــ وسهلا ــــلا
أصغر ماما
مشكورة حبيبتي على تفاعلك وتسلمين يا عمري
اقولك وين العيادات الشامله باي منطقة بالمملكة..؟..
ووين مكانها بالضبط (( يعني باي شارع))؟؟
حبيبتي ولدي ما يرضع صناعي طبيعي ما شاء الله
الله يعطيك الف عافيه ويسعدك وينحف لك بنتك
والله يهدي لك اطفالك
ويكبروا في طاعته ان شاء الله
تسلمين يا عمري على ردك جزاك الله خيرا
عزيزتي
المشلكة انه ما يبكي على طول يصرخ يعني يزعق يصوت عالي ولو طنشته يستفلاغ
وانا من كثر الارهاق انا وانا ارضعه ولما اصحى احطه على سريره فيصحى على طول
الله يعين
مشكورة على ردك