ابي اعرف اللي ناقصني 2024.

اولا السلام عليكم نفرايه نفرايه

ثانيا اختكم عروس متوهقه وماعندها فكره عن التجهيز ومستحيه اسال رفيجاتي وقلت مالي غير خواتي في عروس

انا ابتديت تجهيز بس مادري الشغلات اللي جبتها كافي او لا انا بقولكم لحد الحين شنو جبت وانتو قولولي كافي والا يبيلي بعد

ها اشرايكم بتساعدوني؟ وياريت كل عروس تدخل وتقولي بعد شنو جهزت

نبتدي:

جبت قميص نوم ابيض للزفاف وواحد سكري لثاني يوم

2 قميص نوم قصار مع اني ماعتقد بلبسهم استحي :shy:

وغيرهم 6 طوال محترمين ( تقريبا ) :bigsmile:

وجبت بعد 3 فساتين من اللي بالي بالكم :bigsmile:

وبنطلون جنز و 4 برمودات وباديات وايد

و 4 تنانير قصيره

وعشر بجايم

و 15 دشداشه عاديه للبيت بين حفر ونص كم وقصير وطويل

وعبايتين راس فخمين وعبايه عاديه وعبايتين كتف

هذا اللي جبته لحد الحين ابيكم تقولولي كافي والا بعد

انا لاني مركزه على دراريع الحموله والفخمه

فبيكم تعلموني قمصان النوم كانها شوي صح؟ والا انتو اشرايكم؟

بليز تجاوبو معاي

ولنا لقاء اخر

هلا الغالييييييييييييه……

الله يعيينج لأني أنا عانييت واايد في هالسالفه بس انت أهل الكويت أسهل منا في اللبس…

أنا عني أشووف قمصاان النوم شويه يعني لازم تاخذين قمصاان قصاار فييهن موديلات حلوه إذا عندكم لاسنزا بتلقين عنده أشيااء حلوه..وخذي بجيم نوم من عند نعومي إذا عندكم عنده بجايم روعه بس شفافات يعني مب عاديات…صدقييني عقب يتندمين إنج ماشريتي قمصان قصاار حلوه..مب لازم قصاار قصار خذي طوال وفيهن فتحااات وهالأشيااااااااء…

والله يوفقج ويهنييج

طبعاً ثياب النوم قلال مرة على الأقل يبي لج عشرين

وأنت ما ذكرتي غير الثياب يعني عطور مب ماخذه :cool2:؟؟

أمزح بس بغيت أقول لج لا تكثرين ثياب تيورات وجنزات حق الطلعات

لأن الموديلات بالسوق ما توقف

ومثلها مثل الجزم والجنط خذي لج أربعة أطقم ولا تكثرين

ترى تندميييييييييييين :shy:

زين ديري بالج على العطور والشغلات لتنعيم الجسم والكريمات

ترى وايد ينفعونج

ولا تنسين من الحين يبي لج تهتمين ببشرتج وشعرج زيادة

على فكرة ما قلتي أي شهر بتتزوجيييييييييين

وبس ولا ذكرت شي بقولج

مشكورين بنات عالتجاوب

انا قلت بعد شكلهم شوي بس انا تو الناس على عرسي بس بديت التجهيز عشان ماحتاس بالاخير ادري بنسى

عرسي اول 9 انا بس اللي مستعجله عالتجهيز :shy:

المشكله ماعندنا نعومي وانا مريت على اغلب محلات الكويت بالغصب القى شي يعجبني فياريت لو وحده من الكويت تقولي وين احسن محلات قمصان النوم

اي اخت غايب حبيبي ليش قلتي لبسنا بالكويت اسهل تقريبا احنا نفس الشي

اخت مرايم انا توه في بداية تجهيزي مابلشت بالمكياج والعطور بس حبيتكم تكونون معاي لحظه بلحظه

وشكراااااااااااااااااااا

مرحبتين حبوبة
أولا ألف مبروووووك على الزواج :smile::smile:
ثانيا: الله يعينج على التجهيز ، أما عن خصوص موضوع الملابس فكل شي معقول إلا قمصان النوم من صجك لأن حيل شوي مع أني أحبذ إنج ما تكثرين ليمن تشوفين زوجج بعدين شنو يحب لأن في رياييل ما يحبون الشغلات (المشخلعة):eek2:وفي رياييل يحبون الفناتك والشغلات اليديدة يعني ييبي الشورتات القصيرة حيل الستان أو شيفون وايد حلوة وناعمة أما عن محلات القمصان في الكويت عندج نعومي موجود تلاقينة في كويت ماجيك وعندة شغلات حلوة في محل أنور والطاهرفي السالمية عندج القاسم في المهلب وليش تروحين بعيد عندج مجمع الأيوب فحولي كله قمصان نوم وحلو.
ونفس ما قلتلج لا تكثرين وايد واشتري على مزااج ريلج أحسن..:shy::shy:
لف مليووووووووووووووون مبرووووك………

حبيبتيي انا بعد مخطوبه وزواجي بعد شهرين تقريبا..بالنسبه لقمصان النوم من تجارب البنات قبل مره شويه عندك…يعني انا اخذت حوالي 30 قطعه متنوعه بين قمصان قصير,بجامات,شورتات……..و7 تيورات فخمه الصراحه ع حسب حمولتك اذا يفهمون في الزين لاتقصرين واذا مايفهمون طنشيييييييعروس2

ملابس سهره مااخذت لانه اكيد بيكون عندك خبر عن المناسبه اقل شي قبلها باسبوعين ويمديك تتصرفين…..حراام لا تتكلفين
المكياج والعطور الأفضل قبل الزواج باسبوع

انا الموضوع اللي شاغلني شنطة السفر اشلون اجهزهااا؟؟؟؟:sad:

يسهلها ربك ان شالله…..اذا عندك سؤال انا حاضره ومستعده اسأل لك
بالتوفيق…..

عدنــــــــــــــــــا اليكم من جديد

مشكورين بنات

سفيره انا اللي اعرفه ان نعومي اللي بكويت ماجيك تقليد المهم انا رحته بس كل اللي عندهم ماينفع عروس يبيله وحده مطيحه الميانه مع زوجها يعني تو الناس علي انا :shy:

رحت انور والطاهر فتشت بالغصب لقيت شغلات عجبتني بس مامريت القاسم ولا الايوب انشالله بمرهم وشكرا جزيلا على اهتمامج

جمرانه الله يتتملج على خير ويهنيج انشالله خلاص ولا يهمج بروح اشيل السوق كله :bigsmile:

انا توني ماجبت التيورات بس حمولتي كشيخه يعني يبيلهم ميزانيه هذا غير الدراريع الله يعيني ماعرف اتصرف عروس

انا شفت اكثر من مضوع بخصوص تجهيز شنطة السفر اكيد بيفيدونج

وشكرااا جزيلا

اييييييييييييييه ابي ارد هني

عروس

راجعه لك الغاليه ..

قمصان النوم شويه

كثري منهم يعني شي قصير وشي طويل ،، شي مع روب و شي بدون روب

و نوعي بالألوان

خذي لك اندر ويرز و اطقم كشخه ،، دانتيلات ومن هالحركات

وهم اخذي لج اندر ويرز قطن

و نوعي بالموديلات و الألوان

امممم لا تنسين كولكشنات العطور الفرنسيه والعربيه ودهن العود و الدخون

و المكياج بعد مهم

و بدلات للطلعه

و ماشوفج شريتي احذيه و شنط

هم نوعي فيهم لا تخلينهم ستايل واحد

شي للسهرات ،، وللطلعات العاديه ،، وجذي

كل شي تاخذينه نوعي فيه

لا تنسين تاخذين طقم روب وفوط لك و لزوجك مع السليبرات للبيت

هالووووووووووز

في في انطر ردج حبيبتي

رعبوب شكرا عالرد انا توني باديه بالتجهيز وقاعد اقولكم خطوة خطوة انشالله حاطه في بالي الشغلات اللي قلتيها وانا مسويتلي دفتر مخصوص للتجهيزات كل ماقريت

شي او اتذكرت شي اكتبه عشان مانسى

ابي اقولكم الحين عن البخور ودهن العود بس توني ماجبت العطورات الفرنسيه:

2 عود مبخر من اجمل

1 عود معمول من جنيد

1 عود من جنيد

1 عود ملكي من امل الكويت

عطر المعلقه من الفودري

دهن عود فضه من جنيد

دهن عود عنبر من الرصاصي

عطر خشب من اجمل

خمرية شعر من جنيد

خمرية جسم من جنيد

5 خلطات للبيت والسرير

طبعا توه باقالي المباخر

صج تذكرت بنات الكويت يقولون الحين لازم العروس تشتري ديباج فخم للسرير مع التجهيز اشرايكم اجيب والا؟

لا تقولولي كثري دهني العود لان انا اصلا ماحبهم بس جبتهم عشان مايكون ناقصني شي

لا تنسون تردون علي

اشوفكم بالليل انشالله

سلامووووووووز

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top