امهات دكتورتي نصحتني بحليب 26 اس الذهبي للبيبي وقالت هو احس نوع وفيه مادة يحتاجها طفل والخ
المهم حبيت اسئلكم:
اليوم زوجي راح جمعيه ماعرف اي نوع ياخذ يقول فيه انواع كثير
سويت بحث ولقيت انواع كثيرة منه
اس 26 جولد مسحوق حليب للرضع منذ الولادة مقوى بالحديد
اس 26 جولد 1 – مسحوق حليب منذ الولادة
اس 26 ال اف -مسحوق حليب للرضع خال من اللاكتوز
اي نوع اخذ؟
وحابه اسئلكم شنو يعني خالي من الاكتوز شو هو الاكتوز
وماهو مناسب مدعم بالحديد ام عادي؟
هالحليب ابغي اعرف انواعه من ولادة لحد فوق سنه ؟
ابغي جميع معلومات عن هالحليب وانواع موجودة بسوق
و الله ما عندنا منه هني
ان شاء الله البنات ما بيقصرون
انتي خذي النوع الاول العادي بدون الحديد لان الحديد احيانا يسوي امساك عند الاطفال
اذا الطفل بدا يرجع كميات من الحليب بعد كل رضعة مباشرة ممكن يكون السبب انه متحسس من اللاكتوز
فخذي النوع اللي خالي من اللاكتوز
حليب اس 26 من احسن انواع الحليب وهو الوحيد اللي ناسب ابني
بس انا اخذتله الخالي من اللاكتوز
الله يسلمج بوقتج حبيبتي ..
بالنسبة للحليب انا استخدم لبنوتاتي S-26 جولد اللي مدعم بالحديد من عمر من لمن كانو 3 شهور بالبداية خذت لهم عشان الترجيع لانهم على طول يرجعون احس خففه نسبياً بس كان وااااايد ثقيل حتى الحلمات M كانو ضيقين بالنسبة له ..المهم ماطول عليج بعدين رديت على جولد اللي مدعم بالحديد ومن هالشهر ان شاءالله بانتقل الى رقم 2 من 6 شهور للسنة ..
وعلى فكرة الرسوم اللي عالعلب تفرق من بلد للثاني لاني اخذه من البحرين عليه رسم اسد بس من السعودية عليه مكعبات لما سألت الصيدلاني قال عادي المكونات نفس الشي ..
وسوري طولت عليج 
لانكم خوفتوني قلتولي مدعم بحديد يسبب امساك
اني أستخدم لولدي أس 26 مدعم بحديد والحمدلله ما سبب له أمساك
بالنسبه لاس 26 جولد ما ناسب بنتي سببلها امساك وصارت ترجعه
ويختلف من طفل لاخررر كل طفل وله حليب يناسبه جربيه يمكن يناسب طفلك
والحين بالسوق الموجود فقط اس 26 جولد ولا يوجد غير مدعم بالحديد
ويوجد اس 26 للترجيع وللحساسيه وخالي من الاكتوز
وطبعا اس 26 منذ الولاده الى عمر سته اشهر وبعدها تنتقلي الى حليب بروميل جولد من سته اشهر الى سنه وبعد سنه تنتقلي الى بروجرس جولد
لان بنتي بعد ماناسبها الحديد سبب له امساك
والله ولي التوفيق