ارجوكم ساعدوني بحليب لبنتي 2024.

السلام عليكم
شخاركم حبيباتي؟ اتمنى الجميع بخير وصحه وعافيه والبيبيات سالمين يارب
بنتي عمرها شهر و خمس ايام تعبت وانا ادور حليب يناسبها واي نوع يسبب لها امسسسساك والاخراج يتم بصعوبه واضطر استخدم تحميلت الجلسرين وزيت زيتون
وبنتي حجمها صغير ونحيفه وابي حليب يمتنهاااااا
سالت عدة دكاتره وكل دكتور يقول جربي الين تحصلي اللي يناسبها !!
جربت بليميل بلاس الاصفر لنافص الوزن بدا زين وتغير صار يجيها امسااك مع انه زاد وزنها شوي
بدلته ب سيميلاك ونفس الشئ كان زين وفجاه صار يجيها امساك
بدلته ب اس 26 والامسسساك مو طبيعي
وكل حليب استخدمته كان بوصفه من طبيب مو لحالي افيدووووني اخواتي
ابي حليب مناسب ما يسبب لها امساك وبنفس الوقت يزيد وزنها شوي

شوفي جولد الأزرق اتمنى ان افدج
ياحياتي والله شكلك متعذبه معاها بس الصراحه ماعندي خبره

وسيميلاك كنا نستخدمه لاختي بس مافاد معاها نفس حالت بنتك كان كله فيها امساك بس بعدين تعودت عليه وصار تمام معاها

انشالله البنات يفيدونك

ليش ما ترضعينه حليب طبيعي
رضعيها طبيعي الغالية بعدها صغيره ع الصناعي الا اذا كنتي عاملة فالامر يختلف

انا بنتي لما كانت فسن بنتج نفس الحاله كله امساك بس استخدمتلها ابتاميل كمفورت وااايد نفع معاها

وربي ييسر لج

حبوبة عن نفسي استعملت S26 لبنتي لما كانت صغيرة وكان ماشي معاها زين وزاد وزنها وصارت مربربة … بس بعد الستة شهور حولت لبروميل … ولعوزها ولعوزني … امساك وغازات وعافت اللبن خير شر … حولت للبن صحة ممتاااااااااااااااااز من ذاك اليوم والحمدلله بطنها تمام لاشفنا اسهال ولا امساك … بس ما احسه يزيد الوزن … يعني لساها ضعييفة … بس تحسيها طبيعية في حركتها ولعبها

المهم حبوبة استشيري طبيبك وحاولي جربي صحة .. وان شاء الله نسمع عنكم كل خير

حبيبتي انا عبوودي كاان مثل بنتك والله يقعد بـ3و4 اياام ماايتبرز وديته المستشفى قالت لي الدكتوره لا تغيري حليب ولا شي ,,,الاطفال قبل عمر الشهرين يصير معااهم كذا ,,,
وقالتلي في اطفال يتبرزو في اليووم 7 مرات وفي اطفال قي ال7 ايام مرره واحده
واللحين عمره شهرين و4 ايام ماشاء الله يوميا يتبرز من مره الى مرتين

استملي حليب نان جداا ممتاز يزيد الوزن شووفي انا بنتي يارا كنت استعمل معااها حليب نان وماشاء الله هي صحتها احسن من اوخوانها ,,,

موفقه عزيزتي

هلا اختي عادي بها السن يجي امساك انا ابني كان كذا بعدين صاريخرج عادي على كلام كبارالسن لانه ها الفترة يخزن وانا كنت استعمل سيميلاك ادفانس وماشي معاه تمام لحد 6شهور ولما غيرت الى2 ماناسبه

ولازم تاخذي فترة من اسبوعين الى شهر حتى تتاكدي انه يناسب طفلك والا لا

بيبيلاك ممتاز ويخلي صحة الطفل زينة.. ونان مجربته زين بعد
الله يخليها يارب ..
أنا أم قديمة شوي،، أنا ماستخدمت لولدي غير نان 1 ونان 2 وبعدها بروجرس والحمدلله ماحصلت مشاكل,, عاد على أيامي منتجات صحة للحين مانزلت عندنا بالديرة.. آشوف وايد يمدحونها والأهم أنها عربية,,,

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.