مرحبا خواتي حبيت اسأل اللي جربت الليزر لشعر جسمها شو احسن مركز بهالمجال وياليت يكون المركز بالعين أو دبي
والشعر اختفى للأبد والا طلع بعد فترة مرة ثانيه؟
وشو الأسعار وكم جلسة ( يعني الساق مثلا كم جلسه أخذ منها ) الخ ……
ياليت تردون بأسرع وقت ممكن
ممنونه لكم
أنا من أبوظبي.. لكن أعمل ليزر في مركز كوسمبرج اللي عنده فرع في دبي.. بالنسبة للأسعار:
* الأبط: 500 درهم
* نصف الرجل: 1000 درهم
* الرجل كاملة: 2000 درهم
* نصف اليد: 1000 درهم
* اليد كاملة: 1200 درهم
وانا ما خلصت جلسات يعني لسه خلصت جلستين للأبط وجلسة واحدة لنصف الرجل.. والنتيجة روعة تظهر من أول جلسة الشعر يبدأ يتساقط ويصير خفيف..
أتمنى أكون أفدتك 
أهلاً بالجميع
بالنسبة لليزر بالطبع هو أفضل طريقة لإزالة الشعر ، ومراكز وعيادات الليزر كثيرة لكن الأجهزة تختلف وبتلاحظين الفرق في الأسعار بحسب كل جهاز وكفاءة الاستخدام. فمثلاً بتلاقين مراكز تسوي الليزر للوجه بالكامل بـ 1000 درهم ومراكز بـ 500 و 600 درهم ، الأهم من هذا كله الالتزام بجلسات الليزر في مواعيدها ، والأفضل تسألين الدكتورة أو الاخصائية و تخبرج كل شيء عن هالطريقة وشو الممنوع والمسموح خلال جلسات المعالجة.
مركز د. جنيفر للعناية بالبشرة في الشارقة والفرع الوحيد في الإمارات مركز جيد للليزر وشغلها معروف ومضمون
كذلك د. سمين أهاري في مركز جميرا
كوزمسيرج بعد زين.
اختاري الأقرب لمقر إقامتج عشان تلتزمين بمواعيد الجلسات وما تأجلينها.
بالتوفيق
خالص تحياتي
يعني التكلفة النهائية للعلاج حق نص الريول تقريبا كم بتطلع وياج؟
ومشكورة اختي من الامارات على المعلومات
لنصف الرجل: 3000 درهم
للإبط: 1500 درهم
التكلفه الاجمالية للريول بس بتكون 12000
مكلف صراحه
يعني الوحده يبالها 40 او 50 الف علشان تسوي جسمها كامل عدة جلسات
ثلاث جلسات تكفي لأي مكان بالجسم… يعني:
رجلك كاملة تكلف 2000 × 3 = 6000 درهم
الإبط 500 × 3 = 1500 درهم
إيديك كاملة 1200 × 3 = 3600 درهم
المجموع تقريبا 11100 (احد عشر ألف ومائة درهم)
ولا تنسي إنك ما بتدفعي المبلغ كله مرة واحدة.. بين كل جلسة والثانية حوالي شهر ونص إذا فرضنا إنك بدأت في منتصف شهر 11 راح يكون الجدول كالتالي:
12/11/2005 جلسة أولى (رجلين كاملة + إيدين كاملة + الإبط) وتكلف: 3700 درهم
24/12/2005 جلسة ثانية (رجلين كاملة + إيدين كاملة + الإبط) وتكلف: 3700 درهم
4/2/2006 جلسة ثالثة (رجلين كاملة + إيدين كاملة + الإبط) وتكلف: 3700 درهم
بصراحة أنا بعدما شفت نتائج الليزر على رجلي وإبطي كثير متحمسة له.. وإن شاء الله راح أعمل إيدي لكن بعد ما أخلص رجولي والإبط عشان التكاليف..
وبالنسبة للأماكن اللي تعمل ليزر في أبوظبي أنا أعرف مستشفى السلامة ومراكز علاج الطبي ومركز كوسمبرج وأنا اخترت كوسمبرج لأنه قريب على البيت..
أتمنى أكون أفدتك..
انتي الحين خلصتي ثلاث جلسات ؟
يوم بتخلصين ياليت تكتبين عن النتيجه
يعني الشعر خف بنسبه كم في الميه