اسوداد الرقبه 2024.

السلام عليكم ورحمه الله وبركاته

اخواتي العزيزات

هذه اول مره اشارك معاكم ولكن دايما اقرا مشاركاتكم الجميله والمفيدة…

بغيت اعرض عليكم مشكله صديقه عزيزه على قلبي ..بتعرس انشالله عالصيف بس تعاني من مشكله اللي هي اسوداد حوالين الرقبه..وااااااااااااايد متضايقة ما تعرف شو تسوي ..طرحت علي مشكلتها تباني اساعدها بس ما عرفت شو اقول اللها وما فكرت الا فيكم قلت محد بيساعدني غير اخواتي اللي في منتدى العروس وقلت الها عطيني فرصه اشوف لج الحل وانشالله نعرفه..

فاتمنى من عندها الحل تخبرني وتفرح هالعروس المتضايقة…

تحياتي

اختكم

شجون الروح

هلا بك اختي وحياك الله معانا

في خلطات واجد حق الرقبه

جربي هذي
عندي وصفة رهيييييييييييييبة تزيل سواد الرقبة وانا مجربتها بنفسي وهي كالتالي

1 ملعقة كبيرة عسل
1 ملعقة كبيرة عصير ليمون
نصف ملعقة كبيرة زيت زيتون
بياض بيضة وحدة

تخلطينهم مع بعض ثم تحطينها على الرقبة لمدة ربع ساعة

ثم اغسليها وضعي كريم مرطب اي نوع مو مهم

النتيجة من اول استعمال

==========

الخلطه الثانيه

خلطة تبيض الرقبة ومن أول مرة تشوفون الفرق وهي:

تخلطين فنجانين سكر مع فنجان ماء زين وبعدين تدهنين فية رقبتك و قبل

لا تنشف زين تفردين عليها حلاوة وتبدين تشلين 6 مرات لكل جهة من

الرقبة وداومي عليها من بين اليومين مرة وراح يروح كله هالسواد وراح

===========

وان شاءالله البنات يفيدونج

اختك

مرحبااااااااااااااااا،،،،،،،،،انصحيها اترووح للدكتور وهو بيعطيها بعض الوصفات المكونة من بعض الكريمات اللي تساعد على تخفيف السواد مع مزاولة عمل حمام مغربي وانشالله بيخف السواد
:flower:صباح الخير اختي ترانيم قطر تسلمين على هالوصفه شكلهارهيب وراح اجربها ان شاء الله

لان رقبتي صاير فيها خطوط سواد وتفشل ودائما ابو الشباب يتريق على رقبتي

يقول نظفي رقبتك بسلك المواعين امكن تنفع معك وتنظفعروس2عروس2 <>>>>>وحده تعاني:sad:

الله يحييج ويديمج الغالية اختي ترانيم قطر

واشكرج جزيل الشكر على هذه الخلطات وان شالله اوصل اللها الخلطات عشان تنسى الهم اللي هي فيه..

تحياتي لج

اختج شجون

تسلمين الغالية مهرة دبي على الرد

وانشالله بخبرها …

اختج شجون الروح

الغاليه رهههههههف يسعدني وجودج في مشاركتي وانشالله نصايح الاخوات تفيدج

تحياتي لج…

شجون الروح

شو رايكم يا بنات عن طريق هذي المشاركه ما دامنا نتكلم عن نظافة الرقبه
نضيف معلومات ثمينه وهي كيفية المحافظة على نظافة الرقبة لانها اساس الجمال اكيد في اشياء اجمل في البنت تحليها بس الرقبه تكمل الجمال

تحياتي

شجونه

فيه قناع جربته وادني

الي هو ملعقه كبيره حليب سائل مثل البوني ابو قوس مع عدة قطرات ليمون

طبعا بيتخثر تدهنه على الوجه والرقبه يوميا لما ينشف بعدين تحكه بيدها وتغسل الوجه بماء بارد وبعدين اذا تحب تحط ما ورد

وبعد اسبوع يبان التحسن ملحوض

بعد فيه خلطه ثانيه الي هي ملعقه كبيره هرده "سلطة طحينه" مع ليمون معصور الي يخلي قوامه مقبول تدهنه يوميا على الرقبه

اذا حطة عليه ملعقه صغيره لبن زبادي الي هو الروب بيصير احسن

وباركيلها بدالي

تسلمين الغالية مالي مثيل على هذي الخلطة وانشالله يبلغ ..

تحياتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top