السواد اللي تحت عيني و الكونسيلر التعبان 2024.

ساعدوني يا بنات الله يجزاكم خير :confused:

مشكلتي ان تحت عيني في هالات سوداء

و حاولت بشتى الطرق اني اخفيها و بعد تبين :ss:

باقول لكم شنو اسوي :

جربت كذا نوع من الكونسيلر مثل ماكس فاكتور و بوبي براون و ماك .. و كنت استخدمهم كلهم قبل الفاونديشن .. بس المشكله ان السواد يبقى مبين و بعد ربع ساعه تصير لي خطوط من الكونسيلر تحت عيني (( ان شا الله فهمتو ؟؟؟ قصدي ان الكونسيلر تتجمع كميه منه في التجاعيد الصغيره اللي تحت العين و تصير خطوط ))

و لما احط البودره فوقه تصير المنطقه اللي تحت عيني فاااااتحه و باقي ويهي اغمق بدرجه واضحه حتى لو حطيت لون بودره اغمق تحت عيني عروس

بنات و الله تعبت و تمللت من هالشي
اللي كانت عندها نفس المشكله و حلتها الله يخليييييييييها تقول لي شلون ؟؟

انا فهمت قصدج هاي من الكونسيلر

تدرين جربي الكونسيلر الستك اللي من اف سان لوران وايد خفيف وحلو حق تحت العين

بس حطيه بعد ماتحطين كريم الاساس ولاتحطين فوقه بودره انا استخدم رقم 3

وعندج بعد الستك من ماك رهيب بس اهم شي اتضبطين اللون على بشرتج انا استخدم NC30 بس نفس ماقلت لج لاتحطين فوقه بودره عشان مايتكتل معاج

بصراحه مشكلتج مثل مشكلة إختي و هي بعدها تدور الحل ..

بس إنتي إبدي حسني نوعية أكلج و نومج .. و خذي كريمات طبيه للمنطقه .. عالجيها بدال ما تخفينها

جربي نوع كونسيلر يكون فيه إضاءه عشان ما تبان عيونج جامده و تعبانه

الستيك كونسيلر بيزيد الطين بله
تحتاجين درجتين من الكونسيلر وحده اغمج منج بدرجه او اورنج ووحده نفس لونج بالضبط

1-تحطين الدرجه الغامجه بالطبطبه طبقه خفيفه وتخلينها تنشف
2- تحطين الدرجه الفاتحه بالطبطبه طبقه خفيفه وتخلينها تنشف
3-تكملين اساسج عادي وتحطين تحت العين خفيف وبعد بالطبطبه
4-تكملينها بالبودره وخفيف طبعا ع كامل الوجه

اي استفسار انا حاظره

شكرا لكم خواتي على ردودكم

جزاكم الله خير

انا اليوم جربت احط الكونسيلر فوق الاساس مثل ما نصحتني اختي اشجاني و ما حطيت فوقه بودره
حسيت فرق وااااايد عن قبل مع ان السواد مبين بس شكلي اوفر اول كان طبيعي احسن بوايد من قبل

اختي سمعت خبيرة تجميل تقول ان الكونسيلر لازم يكون غامج… علشان يعطيج نفس لون البشره وتضيفين عليه شوي من البودرا…
نفس مشكلتي الهالات والتخطوط الوراثيه مع اني صغيره بس تكون باينه لمن احط الكونسيلر والفاونديشن يعني احط الكونسيلر ابي الهالات تختفي لكن تبان الخطوط واا ماحطيت تكون المنطقه غامقه بس الحمد للله تغلبت ع الهالات يوم واظبت عدل ع حبوب الحديد للان فيني فقر دم وصرت انام ساعات اكثر يعني ظلت عندي مشكلة الحطوط تحت العين قمت مااحط كونسيلر عشان ماتبان واكتفي بالاساس مع اني اعالجها بالكريمات من ماركات كثيره واسوي مساج خفيف بس يالله الشكوه للله
الخطوات:
1-وزعي كريم اساس نفس لون وجهك على كامل البشره بس لا تكثرين منه تحت العين
2-اخذي كونسيلر مايل على بيج او اصفر او زعيه تحت العين بطريقة الضغط وليس المسح <—-درجة الاساس الاصفر من افضل الدرجات لاخفاء الهالات تحت العين
3-وزعي البودرة اللي بتستخدمينها على كل وجهك وحوالي عينك على طول بطريقة الضغط ويفضل انها تكون مرطبه بالماء شي بسيط بس عشان تعطي ليونه للبودرة وتتوزع اكثر
4-اخذي بودرة مضغوطه بفرشاة صغيره تكون افتح من بودرتك اللي على وجهك بدرجه او درجتين ويكون لونها مايل(( للبيج المصفر ))<—–هاذي اهم خطوه ولاتنسين ان البودرة المضغوطه تعطي تغطيه اكثر من الحره تحت العين وتخفف من الخطوط لانها سميكه وتجمد الاساس والكونسيلر على الخطوط انا احب بودرة ماك المضغوطه
حبيبتي انت يناسبك كونسيلر كيرولان لأنه علبة فيها 5 درجات من الكونسيلر يعني تحطين الغامق وتتدرجين الى الأفتح ……
مشكورين يا بنات على الردود

جزاكم الله خير

من بكرا راح اروح و اخذ لي كونسيلر غير عن اللي عندي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.