بخور للفم طبيعي 2024.


]بسم الله الرحمن الرحيم

بكتب لكم الليوم بخور الفم ويارب ينال اعجاب الجميع وهذه اللخلطه يستخدمونها اجدادي بشكل رهيب من ايام زمان
واحلا مافيها انها كلها طبيعيه يعني مامنها ضرر ابدا

المكونات
ملعقه كبيره قرنفل اللي هو المسمار
ملعقة كبيره مستكه
فنجان هيل
بشر ليمونه مبشور ناعم بقياس ملعقتين كبيره
فنجان دارسين
فنجانين سكر بني النوع الجيد الاصلي
ماء الزهر ليس ماء الورد لان ماء الورد خفيف وماء الزهر يجي قوي ومركز وتحسون فيه من طعم العطر

الطريقه
تطحن جميع المكونات بشكل ناااااااااعم جدا جدا جدا ماعدا السكر حيث انها تصير مثل البودره وتخلط مع السكر البني الناعم المذوب بفنجان ماء الزهرويوضع معها بشر الليمون وتعجن جيد لين ماتتكون عندك مثل العجينه ولاتسيحينها حيل لان السكر البني يختلف عن بعض بعضه يسيح ويصير عندك خليط طري جد وهذا اللي مانبيه وبعضه يصير مثل العجين وهذا هو المطلوب وكل ماشفتي الخليك لين زيدي شوي من المقادير والسكر لين تصير عجينه وبعدين تاخذين العجينه ويكون عندك قدح فيه ماء الزهر تحطين ايدك فيه وترطبينها قليلا علشان مايلزق فيها العجين وتكورينها صغار مثل بخور المعمول بس اصغر شوي وتحطينها بمكان جاف مثلا فوق الثلاجه يومين لين تجف وبعدين ترصينها بعلبه محكمة الاغلاق
وتاخذين منها كل ماحتجتي وتحطينها جمب راسك وإنتي نايمه علشان اذا قعدتي من النوم تعطر رائحة الفم

ويارب تجربونها وصدقوني بتعجبكم وهذي طريقة جدتي اللي مشهوره بصناعة البخور والعطور وكانو يسمونها الفواحه من جمال ريحتها والحين كبرت ومريضه الله يشفيها وتوارثنا شغلتها وحبيت افيدكم]


مشكوره اختي الحبيبه
والله يشفي جدتك ان شاء الله

ينقل لركن البشرة والجسم


مشكورة يالغالية الله يعطيك العافية

الله يشفي جدتك ويعافيها ويبارك بعمرها

يعطيج العافيه على هالخلطه والله يشافي جدتج ويعطيها الصحه والعافيه
بس بعرف شنو المستكة؟؟ في لها اسم ثاني واذا ممكن صورة لها .
تسلمينعروس
شكرا غاليتي على الطريقه

وربي يشفي جدتك ويعافيها

وعندي معلومه بسيطه ان السكر في مطيبات الفم يؤدي الي التسوس

لان بقاياه تظل بالفم وكل معطرات الفم الجيده تكون بلا اضافة سكر حتى لاتضر بدل النفع

وتتكدس على السن وتسبب تجمع بكتيري وبالتالي تسوس والتهابات فمويه

واذا لاحظتي كل مطيبات الفم طعمها لاذع وغير محلاه للحفاظ على فم واسنان صحيه

وفي حفظ الله ورعايته

mashkoora
الله يشفي جدتك ويعطيها الصحه
بس شو هو دارسين ؟
مشكورة
مشكووووووووره يالغاليه والله يشفي جدتك ويعافيها ويوفقك
شكرا ان شاء الله نجربها على ضمانتك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.