بشرتك دهنيه وفيها حبوب و بقع وزهقتى منها خلاص؟! يبقي لازم تدخلى بسرعه 2024.

:X_hell1: هاى بنات ازيكم انشالله تكونوا بخير
عندى النهارده وصفات سهله جداااا وبسيطه ورخيصه للبشرة الدهنيه وانشالله كمان الوصفات دى هتعالج مشاكل الحبوب والرؤس السودا والدهون الزايده الى بتسبب الحبوب بس عندى ليكوا الاول شويه نصايح ومعلومات عن البشرة الدهنيه

طبعا البشرة الدهنيه ليها عيوب كتير ومتعبه جدااا :angry::angry: لصاحبتها بس فيها ميزة كويسه وهى انها موش بيظهر عليها علامات التجاعيد والشيخوخه بسرعه زى اى نوع بشرة تانى لانها موش بتكون جافه و بتتحمل اكتر العوامل الى بتسبب التجاعيد واهم حاجه للبشره الدهنيه هى النضاااااااااااافه ثم النضافه اولا واخيرااا لان اساسا البشرة الدهنيه بتكون المسامات بتاعتها واسعه ومفتوحه ومعرضه دايما للأتربه والقاذورات ودة طبعا بيزود الحبوب اكتر الى هى اساسها البكتريا وعدم النضافه … والى بيزود الامور اكتر هو الرؤوس السودا الى سببها الاساسى طبعا هو تجمع لكميه كبيرة من القاذورات فى منطقه واحده بسبب الاهمال فى النضافه فبتتجمع على هيئه رؤوس سودا والى بيزيد الامور سوء اكتر واكتر هو ان البنات دايما بتلعب فى بشرتها كتير يعنى بتلعب فى مناطق الحبوب ودة طبعا بيهيج البشرة اكتر ويخليها تفرز دهون اكتر والدهون تفتح المسام والمسام تجيب قاذورات وبكتريا اكتر وكل دة طبعا بيزيد زى ما قلت مع عدم العنايه والنضافه ………….. عشان كدة يا بنات دايما بلاش نلعب فى اى حبايه فى وشنا مهما كان احساسنا بيها لانو كمان ايدينا ممكن تكون موش نضيفه وتنقل البكتريا للبشرة وابسط شيء ممكن نعمله هو اننا نحاول دايما نغسل وشنا اكتر من مرة بماء عادى والافضل كمان لو استعملنا اى نوع من الصابون الطبي المخصص للبشرة الدهنيه ودة متوفر فى كل الصيدليات وفيه انواع منه بتحتوى على الكبريت علشان ينشف مناطق الحبوب ويشيل منها الدهون …. وفيه هنا موضوع فى المنتدى عن نوع صابون كتبت عنه بنت وجربته بس بصراحه انا موش فاكرة اسمها بس كانت بتشكر عن نوع صابونه بتشيل خلايا الجلد الميته وبتنضف البشرة الدهنيه وجزاها الله خير عن كتابتها لاسم الصابونه واسمهاتقريبا acne-aid وياريت تقروا موضوعها لان فيه شرح اكتر ………….. كمان احب انصح اى بنت بشرب كميات كبيرة من الماء على قد ما تقدر وانا عارفه انو المعلومه دى بنسمعها كتير بس حاولوا بجد تعملوها حتى ولو بالتدريج يعنى مثلا هاتوا اى زجاجه ماء وحطوها هدف امامكم انكوا تخلصوها كلها فى اليوم وكمان بيبقي طعمها لذيذ جدا لو اضيفتي عليها ملعقه كبيرة ماءورد الخاص بماء الشرب ودة فوايده كتيرة لانه بيورد الجسم من جوة وكل اما تفتكرى اشربي منها كوبايه صغيرة ومع الوقت هتلاقي الزجاجه بتخلص وعدد الاكواب بيزيد وفعلا شرب الماء النقي بينقي البشرة وبيغسل الجسم كله وينقيه من السموم .
معلش طولت عليكوا أنا عارفه انكوا عاوزين تخنقوني دلوقتى وبتقولولي يلااااا اخلصي ……..:sm215::sm215: بس انا بحب دايما انى اقول كل المعلومات الى اعرفها عن اى موضوع بكتبه :21_184: عشان كلنا يكون عندنا وعى وفهم كامل لبشرتنا واحتياجتها ورغم انى بشرتى جافه وتعبانى جدا:cry: بس النهارده جبت لكم وصفات هااايله للبشرة الدهنيه جبتها لكم من دكتور وكمان اصحابي جربوها وكمان انا عارفه من مكوناتها انها مفيدة اوى للبشرة الدهنيه وبتوفرلها كل العنايه اللازمه
اول وصفه هى :

المكونات : 1- نصف كوب شرش اللبن ( ودة ممكن نجيبه من اى واحده فلاحه او ممكن نجيب اللبن القديم الرايب الى عندنا وبدل ما نرميه هنصفيه و هتنزل منه ماء خفيف كدة اخف من اللبن وهو دة الشرش ولو تعبنا ومعرفناش نعمل حاجه خالص ممكن ناخد الماء المنقوع فيه الجبنه الى بنشتريها ونصفيه كويس من اى بواقي للجبنه وناخد منه نصف كوب ) :21_11: أظن كدة سهلتها عليكوا خااالص ماالص وأكيد بااالص :2_106: عشان انا عارفه انو الكل هيسألنى عن منين يجيب شرش اللبن

2- 4 ملاعق صغيرة عصير ليمون الطريقه : نخلط المكونات مع بعضها فى زجاجه ونرجها كويس ونحفظها فى التلاجه وكل يوم مرة الصبح ومرة بليل ناخد كميه وفيرة على صوابع ايدينا ونوزعها براحه على البشرة ونتأكد انو كل البشرة اتغطت بالمستحضر وبعد كدة نمسحه بقطنه ناعمه براحه من تحت لفوق ومن جوة لبرة من غير ضغط جامد وبعد كدة نحط طبقه كمان خفيفه على الوش و ممكن نسبيه على وشنا والبشره هتتشربه بس الافضل نكون قاعدين ومنتحركش كتير لحد اما البشرة تمتصه وسبب دة هو اننا لو اتحركنا كتير المستحضر هيتفاعل مع الجو ويعمل اكسدة وتسبب هياج واحمرار ودة هو السبب ورا احساسنا بالحساسيه والاحمرار من وضع الليمون على وشنا …

الوصفه التانيه :

1- 3 ملاعق كبيرة من اوراق النعناع الطازجه المخرطه

2- 3 ملاعق كبيرة من اوراق البقدونس الطازجه المخرطه

3- كوب صغير لبن حليب منزوع الدسمالطريقه : ننقع البقدونس والنعناع فى اللبن لمدة 12 ساعه ثم يصفي بعدها ويعبأ فى زجاجه ويحفظ بالثلاجة ………….. وطريقه استعماله هنوزع طبقه منه على الوجه بنفس الطريقه السابقه وبعدين نغسل وشنا عادى وننشفه كويس ونحط طبقه كمان ونسيبه على وشنا البشرة تمتصه يعنى مرة قبل غسيل الوش الصبح ومرة بعدها …. والمرة الاخيرة هتكون قبل النوم نغسل وشنا وننشفه كويس ونضع طبقه كمان ونسيبه
فوائد المستحضر : النعناع فعال فى ازاله اى اصابات فى البشرة زى أثار الحبوب مثلا وكمان البقدونس فعال جدااا فى مقاومه زيادة افراز الدهون فى البشرة والاتنين مع بعض لما بيمزجوا باللبن بيكونوا مستحضر فعال جداااااااااا للبشرة الدهنيه خاصه المعرضه للحبوب والبقع

الوصفه التالته :
دى بقي وصفه سهله جداااا وفعاله جداااااااا ولازم كلنا نجربها وهى عبارة عن خل التفاح
الطريقه : هنجيب اى زجاجه بخاخه قديمه وفاضيه وجافه ونملأ حوالى ثلثها بخل التفاح والثلثين ماءورد او ماء عادى بس يكون مغلي قبلها وطريقه الاستعمال بسيطه جدااا وهى اننا كل شويه او كل اما نفتكر نرش وشنا بالبخاخه ونوزع طبقه من المستحضر على وشنا ونسيبه ….. :21_8: والطريقه دى حلوة جدااااااا ومضمونه ولازم نعملها بجانب الوصفات الى قبل كدة عشان نرتاح خالص من مشاكل البشرة الدهنيه ونضمن نضافتها علطول … لأن خل التفاح معروف بانه مضاد للأكسدة وبينقي البشرة من السموم وكمان علاج فعال للرؤوس السودا لانه بينضفها ويشيل منها الدهون

واخيرا القناع الى هنعمله مرة واحده فى الاسبوع وعندى وصفتين للقناع : :21_102:

قناع الطين ومكوناته : 1- نصف كوب زبادى

2- 2 ملعقه صغيرة طين مغربي او طينه البحر الميت او اى نوع متوفر هتلاقوه عند العطار
3- 2 ملعقه صغيرة ماء بطاطس ( نغلي ثمرة واحده بطاطس فى كميه ماءقليله ونتركه قليلا بعد الغليان وناخد من الماء ملعقتين )
الطريقه : نخلط المكونات الثلاثه جيدا لعمل عجينه متجانسه ونضعها على الوجه مع تجنب منطقه حول العين ثم نسترخى مدة حوالى من 15 الى 20 دقيقه ثم يشطف الوجه بالماء الفاتر ويوضع بعدها اى مرطب او لوشن خفيف او ممكن زيت لوز حلو

القناع ده بيعمل على التنظيف العميييييييق للبشرة والمسام مما يساعد على التخلص من الحبوب والرؤوس السودا وكمان الطين بيجدد بناء الخلايا ويعمل طبقه جديده للجلد ………………….. ومننساش القناع دة مرة واحده بس فى الاسبوع عشان كثرة استعماله ممكن تجفف البشرة جدا

قناع الخميرة البيرة ومكوناته : ملعقه صغيرة خميرة بيرة او ممكن خميرة فوريه( بس الافضل هو الخميرة البلدي العاديه ودى ممكن نجيبها ونقسمها قطع صغيرة ونحفظها فى الفريزر وناخد منها قطعه كل مرة وندوبها مع مكونات القناع ) +ملعقه صغيرة عسل ابيض + ملعقه كبيرة زبادى منزوع الدسم +ملعقه صغيرة ماء ورد يفضل يكون مركز +ملعقه صغيرة ترمس مر مطحون ناعم
ونوزعه على بشره الوجه ونسيبه لمده تلت ساعه ونشطف الوجه بالماء العادى بعدها [/color]***** اى ماسك هنعمله من دول مرة فى الاسبوع وبعدها بكام يوم هنعمل حاجه صغيرة وهى نجيب نصف قطعه طماطم ونهرسها ونضع عليها ملعقه صغيرة جلسرين ورشه ملح ونوزعه على وشنا ونتركه على حسب وقتنا يعنى اى وقت ممكن بس موش اقل من 10 دقايق وبعدها نشطفه عادى ………… يعنى مثلا لو عملنا ماسك الطين فى اول الاسبوع من الافضل والضرورى اننا نعمل ماسك الطماطم مثلا قبل اخر الاسبوع ودة لانه بيفيد اكتر فى علاج الحبوب وكمان ازاله اثارها [/SIZE]
*** وحتى لو كسلنا ومعملناش اى ماسك ياريت بس نواظب على ماسك الطماطم مع اللوسيونات وخل التفاح باستمراااار …….. واظن مفيش اسهل من كدة :21_207:[/
[SIZE=4]يلا جربوا وادعوولى …………………… وكمان مستنيه ردودكم وتعليقاكم الحلوة عشان تشجعونى اجيب لكم مواضيع اكتر وكلها مضمونه ومتجربه :handup::handup::handup: ………. ولو محدش رد عليه هزعل مووووت 😥 بس هفضل اجيبلكوا فى مواضيع برده لحد اما تردوا :21_140:

مشكووووووووووووورة حبيبتي ع الوصفات الرائعة

ربي يرزقك باللي تتمنيه ويوسع في رزقك

ان شاء الله أحاول أعدل في جدولي واستعمل بعض من وصفاتك

مشكورة تسلميين على الكم الهائل من المعلوماااااات الاكثر من رائعة…
يعطيك العافيه يسلمووووووووووووو
مشكووووووووووووره على الوصفات انشالله بجربها
تسلمين حبيبتي على الخلطات والوصفات الروعه

يعطيك العافيه

الله يجزاك كل خير

مشكوره جدا عالوصفات وراح اجرب ماسك الطماطم واعطيلك النتيجه وجزاك الله كل خير عالمعلومات القيمه
مشكوره على الموضوع.وانشاء الله نجرب وصفاتك.
thank you so much
مشكووووووووووووووووورة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.