تخطى إلى المحتوى
الرئيسية » بنات البحرين,,ممكن سؤال؟؟

بنات البحرين,,ممكن سؤال؟؟

السلام عليكم,,
شخباركم حبيباتي ؟؟اتمنى انكم بخير,,

الله يسلمكم اني بعد شهر بإذن الله راح اتزوج وابغيكم يا طويلااات العمر تدلوني على اماكن راقية حق اشتري لي:

*قمصان نوم,,
*جلابيات,,
*شنط ونعل,,
مكياج وعطور,,

ياليت تدلوني على اماكن اقدر احصل فيها اللي طلبت,,وكل الشكر لكم مقدما,,

تحياتي,,

هلا اختي صمت الامل
ومبرووووووك الزواج مقدما
منه المال ومنج العيال
انشااااااااااااااااااالله
انه راح اساعدج بلي في بالي الحين والي اتذكره
واذا تذكرت راح اقولج
قمصان النوم
الحواج.السعد.لاسينزا.بي اج اس.دبنهامز.ماركس اند اسبنسر
جلابيات
محلات في شارع بو كوارة وااااااااااايد مثلا السعفة.ميرا.نهر الفنون.انمار
في محرق باندا عند حديقة الكازينو.وفي سوق محرق في محل للجلابيات حلوييين واسعارهم مناسبة على يمين السديم للعبايات
شنط ونعل
عندج ميلانو .وناين وست.زارا.مانجو.ومجمع العدلية(الحذاء الاحمر.الحذاء الاخضر)على الشارع
مكياج وعطور
الحواج.ماك.وجود.ذا بدي شوب.القرشي .اجمل.العربية للعود
هاذلين الي اتذكرهم الحين
اتمنى اني افدتج اختي صمت
الغالية صمت الامل مبروك مقدما …

% قمصان النوم %

لاسنزا
الحواج
دبنهامز
ماركس سبنسر
بي اج اس
اسرار سارة
جميلة فرع العدلية
وعندج محل فاتح جديد في مجمع يتيم
عنده قمصان نوم روعة (( حركات يعني ))
وعندج محل بالسيف بالقرب من السعفة
عنده حركات وملابس حلوة بس مو ذاكره اسمه

% جلابيات %

شارع البوكوارة بس الاسعار نار
ماتحصلين شيء اقل من 50 دينار

الغالية راح يتم افتتاح محل خياطة
حق الدراعات والجلابيات في المحرق
تعالي مري وشوفي نهاية الشهر ..

اسم المحل (( مهاي )) ………………

% شنط ونعل %

ميلانو
مانجو
زارا
منسون
بي اج اس
دبنهامز
الدو
لولي بوب بالسيف
الصالون الاخضر
الحذاء الاحمر
بيكبس مجمع البحرين
شومارت مارينا مول

% مكياج وعطور %

ماك احسن مكياج
بدي شوب للكريمات
وجوه
دبنهامز
ريد ارث
انصحج تبتعدين عن الحواج
القرشي
أجمل
اصغر علي
العربية للعود
دار الطيب

الغالية تبين نصيحتي …..
لو تروحين السعودي وتشترين كل هالاغراض
يطلع عليج برخيص حيل اما عن المكياج والعطور
انا عن نفسي شريتهم من المطار كنت رايحه ومسافر
شهر العسل مطار ماليزيا وتايلد وهونغ كونغ طلع علي
برخيص حتى الساعات والشنط الاصلية اهناك ارخص …

اختي البنات كفو او وفو لكن عندج محل في المحرق حق الجلابيات اسمه ايقاعات عند الكازينو+ شيتل في سوق المحرق او سوق المنامة+ محلات جلابيات وايد في سوق واقف.
اما عن الملابس الدخلية بعد عندج اسرار سارة ساعات يجبون اشياء حلوة او سعرها مناسب.
اما عن الشنط او الأحذية عندج ناين وست+ شومارت.
والله انكم ما قصرتوا يا بناااااااات ..خجلتوني بذوقكم وتعاونكم معاي,,
*شهد العسوولة:ما شاء الله ما قصرتي افدتيني وااااايد ,,اتمنى من كل قلبي لج التوفيق والسعادة,,(اسمج وااايد حلوو)

*مها البحرين: هلا حبيبتي,,انا ناويه ان شاء الله اروح السعودية لاني سمعت مثل ماقلتي ان هناك الاشياء ارخص,,وبغيت اسألج عن ماليزيا لاني انشاء الله بنروح شهر العسل هناك,,كم تكلف؟؟ومشكووورة على ردج المفصل والوافي حبيبتي,,

*المتكتكة:مشكوورة حبيبتي عالافادة والرد,,ومثل ما قلتي اسرار سارة يجيبون ساعات اشياء حلوة بسعر مناسب واني اخذت ليي كم حاجة من هناك,,

كل اللي كتبتوه بطبعه في ورقة وبحملها معاي في شنطتي,,وبروح الاماكن اللي قلتوها لي,,

اكرر شكري بنات,,

تحياتي,,

مكياج وعطورات وانتى متزوجة
ما انصحك إلا بالحواج .. على الرغم من انه اسعاره مررره يعني
بس الحواج أفضل شيئ .. وحتى وجوه .. وممكن تلاقين عندهم شنط حلوة

وعندش مجمع البحرين فيه شنط حلوة

جلابيات .. عندش المحلات القريبة من كبرى القصير

وربي يوفقك ويسعدك
وبالمبارك ان شاء الله

بس تبين نصيحة السعودية أفضل في مشترى هالسوالف

تحياتي،،

مشكوووووورة حبيبتي الشيخة وماقصرتي,,
والله يبارك فيج وفي حيااااااتج يارب,,وحطيت الاماكن اللي ذكرتيها في اللسته,,

تحياااتي..

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.