بنات البحرين من جربت فيشل صالون غصون 2024.

بنات ممكن تخبروني من فيكم جرب الفيشل في صالون غصون اللي بعراد (عند جسميز)،، ودي بفيشل مميز للعيد، بس ماسمعت حد جرب عندهم..

أختى جربت جاك ديسانج ووايد عجبها بس ماعندي وقت آروح هناك…

آنه جربته مرة وحدة بس…الصراحة الفيشل عادي …بس الأسعار نار …
يعني تصدقين سويت عندهم فيشل وقامت اللبنانية إلي تشتغل هناك عطتني كريم وغسول وماسك لأنها قالت لي بشرتج تعبانة….
طلع علي ب 150 دينار !!!!!
يعني آنه جربت أكثر من مكان أرقى منه ما كان بهالسعر ، لا والصراحة ما أحس إني استفدت من الكريمات ذاك الزود …حسيت إن السعر مبالغ فيه
مكشورة أختى على الرد،، يعني مايسوى آروح،، آنه متعودة آسوي عادي في صالون شيرلين كل 6 شهور تقريبا وإذا مناسبة عند بروفايل،،، فعلا هم أسعارهم نار ولا على شي….
الي سوت بصالون بروفايل ابجم طلع عليج؟؟
ب 25 ديانر، بس تحملي تقولي لها عندي مناسبة بترفع لك السعر، قولي بس جذي تنظيف عادي..
هلا اختي رانيا

صالون غصون ما قد جربته

بس انا انصحج بديسانج انا دوم اسوي الفيشل والعلاجات عندهم

اختج

روح البحرين

بناااااات بسألكم عن صاالون في الرفااع الشرقي اسمة شوو

كيف شغلهم واسعااارهم اناا مدحووةلي كثير ياليت بناااات البحرين يردوون علي

روح البحرين،، تسلمي الغالية على النصيحة، أختى بعد مجربته مرتين ومسوية شعرها، بس متكاسلة عن الطريق، شكلي آطلع من الدوام وآروح لهم مباشرة أحسن يكون عندي وقت..

أختى روز إن شاء الله بنات الرفاع يفيدوك،، آنه بعيدة عنكم…

من أحسن مراكز تنظيف البشرة
الأول مركز غصون للتجميل
الثاني بروفايل
الثالث جاك
بالنسبة لي بروفايل رووووووووووووعه تتقشر البشرة بعد الجلسة وأحسن تاخذين إلي مع ماسك

يعني إذا عندج مناسبة روحي قبلها بأسبوع بجوفين شلون تصير البشرة نضرة

أنا واااااااااااااااايد أحب الفيشيل مالهم

لا توجد أفكار عن “بنات البحرين من جربت فيشل صالون غصون 2024.”

  1. بصراحة انا سويت عند حنان التونسية في عيادة دكتورة نضال derma one حنان ادماااااان شغل واخلاق وثقة ومشاءالله زحمة يعني خوذي موعد قبل اسبوع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top