تطبيقي المتواضع لدجاج من حفل تنصيب الرئيس اوباما 2024.

ودخل دماغي اوي وقلت لازم اجربه ولما جربته عجبني اكتر واكتر والله رائع فعلا ومفيد وكمان شيك
بس دة طبعا تطبيقي المتواضع وكنت عاملة كمية بسيطة علشان دايما لما اجرب صنف جديد بعمله بكمية بسيطة علشان لو ماعجبناش

نبدأ بسم الله الرحمن الرحيم

هانحتاج صدور فراخ بانيه متقطعة رفيع علشان تتحشي

طبعا هانتبلها من بالليل وهانستخدم في التتبيلة :

مية بصل + ثوم + ملح وفلفل اسود + روز ماري

وزيت زيتون

ونسيبها تبات في التتبيلة

وتاني يوم هانحضر الحشو وهانستخدم له :

بصل – فلفل الوان – ثوم – ماشروم ( وكله متقطع مكعبات صغيرة ) + زيت زيتون + كريمة طهي + رز ابيض مستوي ( انا سويته من قبلها بيوم ) ودة اسهل مافي الاكلة دي انك هاتتبلي الفرخة قبلها بيوم وتعملي الرز وكله يعني علشان تنجزي في الوقت + ملح وفلفل وشطة

الاول هانحط شوية زيت زيتون في الطاسة او الحلة ونشوح فيها الماشروم مع البصل والثوم تقليبتين كدة ونحط عليهم الارز

شوية تشويح بسيط كدة و نحط الفلفل الالوان

ونشوح شوية كمان وبعدين نحط حوالي 5 او 4 معالق من كريمة الطهي

( طبعا لازم الرز يبقي مفلفل كدة وحلو مش معجن علشان كتر التشويح فيه مايعجنوش اكتر )

كدة الحشو يبقي جاهز
هانسيبه بقي يهدأ شوية وبعدين هانقطع ورق الفويل قطع مستطيلة كدة ونحط علي كل قطعة قطعة فراخ بعد مانكون شيلنا شوية من الروز ماري اللي عليها علشان مايبقاش كتير

ونحشيها بكمية رز بسيطة زي كدة

ونلفها في الفويل كدة

نرص الفراخ في صينيه وندخلها الفرن وهو سخن

ولما تطلع هانفكها من الفويل ونسيبها تهدأ شوية ونحمرها في السمنة

قدمتها مع نفس الارز بتاعها طعمه راااااااااااائع جدا لوحده ومعاهم بطاطس محمرة والسلطة الخضرا طبعا

يمييييي يمييييي
:032::032::032::032::032::032::032::032::032::032: :032::032::032::032:

شوفوا الالوان ؟

اتمني تكون عجبتكوا وتنفذوها وتستمتعوا بالطعم الجميل وفي انتظار ارائكوا وماتنسوش الميزان يا حلوين

وادعووووووووووووووووولي

ملحوظة : الموضوع مجهود شخصي ولاأاحلل نقله

بيكاتا بالماشروم غدانا ( اتفضلوا معانا )

حصريا ( الجمبري بالكنافة+شيش فيليه السمك) من سوسي