رحلتي الى تركيا يناير 2024 2024.

السلام عليكن يا صبايا و يا حلوات

بما انه وايد عندي صور لكل مكان سرناله خذت وقت لين اختار الصور و اصغرهم و اليوم شوي تعبانة بطني يعورني الاخت الحلوة زارتني اليوم فعشان جي بحاول احطلكم كل مرة تقرير عن مكان سرناله

اليوم براويكم صور اول يوم طلعنا فيه و كانت رحلتنا صوب المتحف الاسلامي في اسطنبول و بعدين رحنا مول من المولات الصراحة ماعرف شو اسمه و تغدينا هناك.. و المتحف الصراحة شي خيالي يجنن حاولت اصور قد ماقدر بس في اماكن ممنوع التصوير فيها وين المجوهرات و الالماسات و الاسلحة و اثار الانبياء عليهم الصلاة و السلام و اثر رجل النبي صلى الله عليه و سلم و شعر من لحيته

الصراحة المكان يستاهل الكل يزوره يجنن بمعنى الكلمة الواحد يتعجب لما يشوف كيف الناس قبل كانوا مهتمين برفاهيتهم خاصة السلاطين العثمانيين في تركيا.. الصراحة احلى شي المجوهرات و الالماسات شي خرااااااااافي ما كنت اتخيل انه على ايامهم هالاشيا موجودة حتى احلى عن اللي موجود عندنا

و كانوا وايد مهتمين بالعمارة و كل الاماكن منحوتة و في اسقف مصنوعة من الذهب و مدخلين المجوهرات و الذهب في كل شي حتى الاسلحة.. يعني الصراحة مكان ماقدر اوصفه لازم الكل يزوره بنفسه عشان يعرف انا عن شو اتكلم

بخليكم مع الصور و ان شاء الله كل ما اتفيج بنزل لكم تقرير بسيط عن كل رحلة طلعناها في اسطنبول .. و اسمحولي عالقصور او اذا كانت الصور مب واظحة و اقولكم من الحين الصور ابدن مب عاطية المكان حقه عالطبيعة شي ثاني ما تتخيلونه

هالصورة و نحن فالدرب طالعين

]

هني مقتطفات من المتحف

]

]

]

]

]

]

]

]

]

]

]

]

]

]

]

]

هني قسم المطبخ و الصحون و الهدايا اللي تخص الاكل من اطقم الاكل و هالسوالف

]

]

]

]

هذا اعتقد مجسم مصنوع من الذهب للمسجد الاقصى اذا ما خاب ظني

]

]

هذي صورة للبحر تبين من المتحف و طالع سور اسطنبول فالصورة

]

هالمكان كان يقعد فيه السلطان على ما اعتقد و الصورة الثانية صورة سجادة صلاة و مدخلين فيها الذهب و الاحجار الكريمة

]

]

هالصورة و نحن طالعين من المتحف

]

و هذا غدا اماية و ابوية و نحن كلنا فاست فود من ماكدونالز الحب خخخخ حليله ابوية قلتله اصبر لا تاكل خلني اصور عقب كل

]

اهلن يا حلوات..هذا تقريري الثاني
و هالرحلة كانت ثاني يوم من سفرتنا و كنا على اساس بنروح جزيرة الاميرات بس كان وقت الباخرة عالساعة 2 و نحن كنا هناك عالساعة 12 و كان اقرب مكان لنا هو قصر الاميرات على ماعتقد فقلنا بنسير نشوف القصر و عقب بنروح الجزيرة..و الصراحة وااااااااااااايد وااااااااااايد عيبني هالقصر صدق صدق شي خيااااااالي ما عمري تصورت انه موجود في ذاك الزمن
طبعن خذنا التذاكر و دخلنا داخل و عندهم تور بالانقلش و طبعن ما يدخلونكم جي اول شي يعطونكم شي شرات الكيس تلبسونه في ريولكم عشان تمشون فالقصر و لازم يكون وياكم التور قايد و وايد حراس داخل القصر و يخوفون الصراحة جنه مال الاف بي اي ههههه و لازم تاخذون تذكرة عشان تصورون و ممنوع التصوير بفلاش
هالقصر ماتذكر كان لمنو من السلاطين يتكون من 3 طوابق و 185 غرفة و فيه قسمين قسم للرياييل و قسم للحريم ممنوع يدخله غير السلطان لانه في هالقسم حريمه و خواته و بناته
طبعن ما يراوونا كل الغرف فالقصر بس راوونا 20 غرفة و و كان شي ترميم فالوقت اللي نحن سرناله.. هالقصر المهندسين اللي اشتغلوا عليه و على ديكوراته فرنسيين و ايطاليين و معظمه مصنوع من الخشب و الكرستال لانه الارض اللي تحته دافنين فيها البحر و لازم يكون خفيف عشان جي بانينه بالخشب و الكرستال.. و الذهب و الرسومات تقريبن داخلة في معظم اسقف القصر و في قاعة من القاعات فيها الف كيلو من الذهب بس في السقف.. و الثريات اللي موجودة فالقصر كلها من الكرستال الغالي و وااااااااااااااااااايد وااااااااايد روووعة و الستاير وايد تجنن و مدخلين فيها الدانتيلات و شغلات حلوة و في اماكن يبين انه الدانتيل متقطع لانه جديم .. و الارضيات كلها باركيه و ديزايناته صدق تجنن ..و التور قايد قاللنا انه كل صالات القصر اللي تكون عاليمين و عاليسار متطابقة بالظبط و اذا حد من الملوك بيهدي الملك هدية لازم تكون قطعتين من نفس الهدية عشان تنحط فالقصر و تنعرض لانه القصر من الجهتين اليمين و اليسار متطابق فكل شي و بعد قاللنا انه اي مكان يدخل فيه اللون الاحمر يعني هالمكان كان الملك يقعد فيه لانه الاحمر عندهم يرمز للقوة و بعد يوم تمشون عالارض و تشوفون السجاد صدق تحسونه جديم بس بعده محافظين عليه و يبين عليه من النوع الغالي و الزين

الحين بخليكم ويا الصور و الصراحة هالمكان جد جد الواحد يستاهل يزوروه

هالصور لساعة عند القصر.. و الصورة الثانية صورة اولاد شافوني اصور و وقفوا عشان اصورهم ما حبيت اكسر بخاطرهم و صورتهم خخخ حليلهم

]

]

]

هني صور لسور القصر و شوفوا كيف ناحتينه من الخاطر صدق روووعة

]

]

هذي صورة لحديقة القصر اول ما تدخلون

]

هاي صورة القصر من برع

]

]

هذي مقتطفات من داخل القصر

]

]

]

]

]

]

]

]

]

]

تشوفون هني في الدايرة الذهبية هذا توقيع الملك على الذهب

]

هاي مكتبة الملك

]

هني كان يتسبح الملك الصراحة المكان يجنن

]

هاي اكبر ثرية فالقصر و معلقة في قاعة الاحتفالات اللي يسوون فيها الاعراس و العزايم

]

هذا السقف وين متعلقة طالعوا كيف يجنن

]

و هني جزء من قاعة الاحتفالات الضخمة

]

هاي صورة و نحن طالعين من القصر مطلة عالبحر

]

و ان شاء الله فالتقرير الياي بحطلكم تكملة اليوم الثاني في رحلتنا بالباخرة لجزيرة الاميرات عروس

الحين بكمل لكم تقرير اليوم الثاني من سفرتنا بعد ما زرنا القصر رحنا بالباخرة جزيرة الاميرات الصراحة وااايد حلوة الرحلة بالباخرة و كل مرة نوقف عند جزيرة عشان الباخرة تنزل و تشل ركاب و تقريبن خذنا فالدرب اعتقد ساعة و نص..الصراحة ما عندي وايد معلومات عن هالجزيرة غير انه مافيها سيارات ابدن غير سيارة الحكومة يعني الشرطة و البلدية و الكل هناك يمشي عريوله او بالسياكل او يركبون الحنطور طبعن اول ما نزلنا من الباخرة كان المكان يجنن مشينا شوي لين مكان العربات و خذنا عربتين و ركبناهم طبعن اول ما ركبت الحنطور يت على بالي ماماتي و اغنيتها المشهورة "حركب الحنطور درقن درقن " و يلست اغنيها و اماية تظحك عليه ههههه و طبعن عقب ما سمعوني اخواني الصغار السخيفين تموا طول الوقت يغنونها اذوني قلتلهم الواحد ما يغلط جدامكم و يقول كلمة اتمون معلقين عليها
المهم ركبنا الحنطور و خذنا جولة على الجزيرة و بعدين رحنا نتغدى لانه كنا ميتين من اليوع و بعدين خذنا دوندورمة (ايسكريييييم) و يلسنا ناكل و نتريا الباخرة عشان نرجع اسطنبول و الصراحة وناسة المكان و تحسون الهوا نظيف و منعش و احلى شي الدوندورمة مب الايسكريم الغش مالنا بس للاسف نسيت اصوره ..
و هاي مقتطفات يوم كنا فالباخرة و رايحين الجزيرة

]

]

]

]

هني يبين الجسر المعلق اللي يربط بين اسطنبول الاوربية و اسطنبول الاسيوية

]

هذيل اللي ورانا كانوا يعطون الطيور خبز

]

هاي جزيرة من الجزر اللي مرينا عليها اعتقد اسمها جزيرة الحنا

]

هني اول ما ندخل الجزيرة بعد بوابة النزول من الباخرة يستقبلكم راعي الكستنا خخخخ

]

الصراحة شفنا وااااااااااااايد جلاب في تركيا الصراحة الجلاب كثر الناس عندهم هههههههه جلابهم اليفة بعد تاكل حشيش جنهم هوش هههههههههههه

]

هذي مقتطفات من الجزيرة و مبانيها عروس

]

]

]

]

]

]

]

حركب الحنطور درقن درقن

]

هاي صور من مناظر الطبيعة فالجزيرة

]

]

]

]

تشوفون هاي الجزيرة اللي طالعة فالصورة هاي اذا ما خانتني ذاكرتي هي جزيرة السجن

]

هني اخر شي يوم خذنالنا فطاير و كلنا

]

]

و لين هني و خلصت رحلتنا في جزيرة الاميرات عروس

الله رووووووووعـــهـ فعلا جناااااان صديقتي ورتني صور رحلتهم لتركياااااا جنان وانا اناظر بعض صورك تذكرت صور صديقتي تقريبا نفس الاماكن ,,..
جناااااااااااااااااااااااااان
يعطيكم العافيه
والله شوقتيني اسير تركيا

لاني السنة حامل افكر اسير اماكن حلوة والحركة فيها خفيفة ما اتاثر علي

شكلي بسيرها بالصيف

تسلميــــــــن الغاليـــــة على الصور ..

روعه

يعطيج العافيه اختي على الصور الحلوه

تسلمون خواتي على مروركم عروس
ماشاءالله عليكم بالعافيه

والحمدلله على سلامتج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top