ساعدوووني: بنتي والحلاوة 2024.

هلا خواتي الامهاااااااااااات
كيفكم وشخباركم ومن زمان تشكيييت
اليوم جاية اخبركم بمشكلة بنتي فدك وابي حل ابي مساعدة

فدك عمرها سنة وتسعة شهووور
مدمنة حلا وشووكلاتة:confused:
ابوها وعمتي واخواني وبنات حماتي
عودووها ع الحلاوة وكل تبي حلاوة،، الكل يراضيها بالحلاوة
واللحين عمامها او اي احد يبي ياخذها
وهي مي راضية بس يقوول لها باعطيش حلاوة
ع طووول ترووح معاه:o:o
والمشكلة انها طوول اليوم تحن ابي حلاوة واذا ما اعطيها تصيييح
وتصيييح وما تسكت:confused:
تخلي العشاء والغداء بس عشانه
صراحة انا اخاف على اسنانها،، مع اني افرشهم لها مرتين باليوم
واموووت قهر اذا احد عطاها خلاوة بالليل لاني انا ما احب اعطيها بالليل:mad:

ساعدوووووووني ابي حل ابي اخفف من الحلاوة يعني مو اقطعه
بس ع الاقل يوم اي ويوم لا
بليييييييييييييييييز انصحووووني:confused:

نصيحة حاولي تعطينها على الاقل مرتين في اليوم والا بيسوسن أسنانها ،تخيلي بنتي عمره سنتين وشهرين وضرسها سوس ، ومن عمتي وعماتها والحين اقولهم اذا شفتها ماسكة حلاوة بفرها بالزبالة والصراحة قمت ماأطلعها لين العصر عسبت الحلاوة والدلع
الله يعينك ياختي على الحركه اللي مليت انا منها عيالي الله يهديهم بس اكل حلاو

انا حاولت ماياخذو حلاو لين ياكلو وجبتهم اما غداء او عشاء او ممكن اذا بغيت اعاقبهم ما اعطيهم الا العصر بس

ضربتي على الوتر الحساااااااااس يا فدوكة

تخيلي ان اسنان فطوم تسوست وبعدهم ما اكتملو

والسبب نفس الي ذكرتية الكل يراضيها بالحلاوة

حبيبتي لازم تسوين قانون و الكل يمشي عليه

لان بهالحالة اسنانها راح تخرب و شهيتها للاكل تقل و هذه اشياء مو بصالحها

ابدي خففي مرة وحدة باليوم الاسبوع اللي وراه يوم اي و يوم لا و بعدين خليه مرتين بالاسبوع و طبعا كله بكميات قليلة

خليها تبكي راح تبكي يوم يومين و بتتعود انا سويت هالطريقة مع عمار و نجحت

بالتوفيق

حبيبتي مو بس اسنانها اللي بتخرب

بنت يارتنا الله يشافيها فيها سكري وهي توها صغيره : (

وبعدين الحلاو يزيد النشاط عند الاطفال بتلاقينها عبثيه وتتحرك واايد

خاولي تعودينها عالنظام وكلمي عمتج واهلج بأدب وبهدوء انج خايفه على صحتها

الله يخليها لج ان شاء الله

انا مع ام عمار في كلامها

لازم تقللي من اكلها للحلاوة وكلمي اهلك ان مايعطونها عشان صحتها وان شاء الله خير

شوفي مستحيل انتي ترفضين الحلاوه
لابد من قناعه شخصيه من الطفل
ولا مارح تترك الحلاوه
انتي قولي لها هذا يع
وهذا يجب دود حطي الحلاو بالحوش وخلي النمل يمشي عليه وريها هو
وشوفي بعدين وش تقول خوذذا الحلاوه وقطيها بالزباله وهولي الموضوع
وكل ماتشوفين حلاوه قولي لها دودو يع يجي فمك ياكل اسنانك
اذا هي تخاف من النمل

اواتكلمي انها وع
وجيب احد اكبر منها وهي تحبه ويرمي الحلاوه يالزباله ويقول يع
تصير نسوي زيه

انا اكره المصاصه الي بالعود
هذي الي ماطيقها
يجلس البزر ساعات وهو يمص فيها والسكر والسوس قد تجمع بس واهو يمص بالحلاوه

الله يعين واكون افدتك

أنا عندي حل مره حلو وينفع حتى مع الناس اللي تبي تفطم عيالها أو الناس اللي مدمنين ببسي وهم صغيرين

حطي بالحلاو شوي ملح أو مُره إذا انتي تعرفين المُره اساسا هي مضاد طبيعي وماراح يضرها وبمجرد ما تحطه بفمها بترميها على طوووووووووووووول

وكل مره تطلبها سوي نفس الحركه خاصه المره نتايجها مره سريعه

وأي أحد متضايق من شي معين يضيف ملح أو مُر

فيه ناس تضيف الفلفل الأسود أو الفلفل الأحمر البودره بس أنا ضد هالشي لأن الطفل يتنكد ويبكي وأنا ما أبيه يتنكد أنا أبيه بس يكرهه

وبالتوفييييييييييييييق حبيبتي

عروسعروسعروسعروس

أختي مشكلتك مسألة تعويد

و هاي مشكلة الجميع لما يكون فيه تدخل من الاهل بشكل عام و طبعا هم ما بقصدوا الأذى

قولي لجدتها و لأهل زوجك انه الدكتوره منعتها من اللا لأنه عندها فقر دم بسم الله عليها من قلة اكلها و تعلقها بالحلاوة فأكيد بيتجابوا بدون مشاكل و بعدين افضي انتي لبنتك و حطي الفطور مره وحده الصبح و حطية قدامها اكلت زين ما اكلت على كيفها

بعد ساعين جيبي سناك و حطيه قامها و نفس الشي الطفل ما بيموت من الجوع يوم يومين و بتلاقيها بدت تاكل اما الحلاوه خليها لبره البيت في المشاوير و بدون ما تكون مكافأه على اي شي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.