س: سعااال 2024.

لخبيرات المكياج لو سمحتوا الرد علي باقصى سرعه قبل لاادخل السوق الليله بعد صلاة التراويح خخخخ وحده تهدد

الحين بذمتكم يعني لازم لازم لازم عشان الميك اب يطلع شي شي مو اي شي احط تونيك وبعدين مرطب وبعدين الاساس وبعدين الفونديشن وبعدين البودره السائبه وبعدين المضغوطه وربي دوخة راس ولا للحين ماخلصت الاشيه الي احطه قبل لاابتدي الشدو وباقي المكياج احس ان الوجه بيكون طبقات طبقات يعني تو مج هالسوالف ابي اشتري لي اليوم مكياج لازم اشتري كل هالسوالف والي يرحم والديكم ابي لوكي في العيد يكون حلو ومافيه عيوب بس ماابي كومة سميت وكنكري وطابوق تكفون ابي المفيد ماابي شي وايد وثانيا لمن احط الكونسيلر احط فوقه الفونديشن بعد ولا ابتعد عن هالمنطقه بس الوجه بدون تحت العيون

وثالثا الفكس انتوا قلتو ان مافي احسن من ماك طيب احطه قبل وبعدين كومة الي ذكر من شوي وبالاخير بعد ارجع واحط الفكس ولا بس في النهايه

ههههههههههه والله ضحكتيني
بقولك شي تره الخطوات الي قبل المكياج من تنظيف وترطيب ما رح تخلكي المكياج يبا تقيل او طبقات بلعكس بيخليه احلى وطبيعي اكثر
انا بخربك خطوات بسيطة والنتيجة حلوة
اول شي نظفي وجهك سواء بمقشر لو غسول
بعدين حطي مرطب لوجهك ومرطب لعينك
خليهم فترة بسيطة
الحين خطوة الاساس تعتمد على بشرتك ومدى حاجتها للتغطية
ابدي بلعين حطي كونسيلر ولا تحطي فوقه فاونديشن لان الفاونديشن ثقيل وهلمنطقة رقيقه
وثبتيه بلبودة السائبه

بللنسبة للفاونديشن حطيه وثبتيه بلبودرة وحدة يا اما مضغوطة او سائبة لا تثقلي على بشرتك

اخيرا الفكس تحطيه بعد ما تكملي كل مكياجك

انزين بنات بخصوص سؤالها

ودي اعرف شنو اخذ كريم للعين

علموني ماعرف حق الاساسيات متعوده احط وخلاص

يعني شنو الكريمات والمرطبات اللي اخذها

انا مابقدر افيدج وايد لاني ماستعمل هالسوالف وكل الخطوات
الترجيه، بالنسبه حق كريم العيون في وااايد ماركات تقدرين تختارين منها، اتوقع لوريال عندهم وتلقينهم في السوبرماركت او الصيدليه
وفي بعد عند شيسيدو واستي لودر وباقي الماركات المعروفه

بنت الرفاع
انا عني ماسوي كل الخطوات
أول شي، شي طبيعي انج تغسلين ويهج قبل المكياج بأي غسول تحبينه
اممم بعدين انا ماستعمل تونر لأن اللي عندي مايعجبني
عقب احط مرطب، أي نوع عادي مب شرط ماركة مكياج، ومرات الفاونديشن يكون فيه مرطب فأفوت هاذي الخطوة
احط بيس حق التحكم بالدهون واحسه ينفع عشان مايصير المكياج على البشره على طول ويخربها
والكونسيلر اذا ماعندج بقع مافي داعي تستعملينه، وانا ماستعمله
واللوس بودر تستعملينه عقب الفاونديشن حق تثبيت الأساس، وتقدرين تحطين منه كميه شوي كبيره تحت العين عشان تلقط الشدو اللي بيتنثر وانتي تحطينه
وآخر شي ترشين الفكس، وتقدرين ترشين منه في البدايه بعد

وترى اذا خذتي نوعية فاونديشن وبودره تناسب بشرتج ماراح تحسين بالطبقات والثقل على ويهج

مثل ماقالو البنات
واذا تبين توفرين وقت اخذي باودر فنديشن يعني مايحتاج اتحطين اساس بس كريم مرطب والبودرة واذا تبغين كونسيلر تحت العين وبس اني جذي لاني مااحب احط كريم اساس
الصراحه انا مااحط كريم اساس

واستخدم سن بلووك فيه مرطب وفيتامين .. ويخلي ويهج لون واحد بدون كريم اساس .. لو تبين اسمه خبريني

اما للمناسبات احسن تحطين مثل ما قالوا البنات .. ما شاء الله عليهم ماقصروا ابد عروس

تسلمون حبيباتي ع ردودكم الي يبرد الخاطر واختي عروس عغفله ياريت تعطيني اسم الكريم السن بلووك

يعطيكم العافيه يالغاليات

شنو اسم السن بلوك اللي تستخدمينه ياعروس عغفله
وتسلمون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.