انا حبيت اسالكم يعني اذا رحت بتشتري مكياج كامل يعني بودره / رووج/غلووس /كحل /شدوهات / بلاشر/اللمعات للوجهه / و ابي بعد انواع تصلح حق المناسبات او الاعراس مثلا اللي يكون فيها لمعه و جذي انتو تعرفون الباقي مايحتاي اكتبهم.
شلون تاخذ و جم تخصص لها مبلغ حق هالاشياء انا حاطه في باروح mac / make-up for ever/ KRYOLAN او تنصحوني اخذ مثلا ماركات مثل كريستان ديور / ريفلون / ايف سان لوران / شانيل / لانكوم /كلينك او اي ماركه غير شنو تنصحوني اسوي ؟؟
انا قلت باخصص لي 500 دينار /5000 ريال /5000 درهم حق اشتري كل هالاشياء تكفي او لا اخصص مبلغ اكبر ؟؟
و شنو لازم اشتري ياريت تكتبون لي الاسماء لاني مب كلش شاطره في هالسوالف و انا باروح و باختار اللي يناسبني بليييز ساعدوني
وعليكم السلام ورحمة الله وبركاته ,,
يا هلا حياج الله أختي ,,
مبلغ 500 دينار مبلغ حلو حيل خصوصاً وإن المكياج يبيله ميزانية ,,
عموماً ما أنصح تحددين ماركات معينة عشان تشترين منها ,,
لأن فيه ماركات حلوة بس مو كل منتجاتها حلوة ,, يعني مثال :
ماك أحلى شي فيها الأرواج + الشادوهات + والبلاشرات + وأقلام الكحل الأسود والملونة + الكحل الجل ,,
يعني مو كل شي في ماك حلو ,,
فور إيفر أحلى شي فيها الكونسيلر + الشادوهات + البيس + المثبت
كريولان ألوانها قوية ما أنصح تكثرين منها ,, ما تصلح إلا للمناسبات ,, يعني ما تصلح للإستعمال اليومي ,,
كلينك حلوة حق المنظفات + كريم الأساس + البودرة ,,
ديور = الماسكرا + الجلوسات
جيرلان = أرواجهم روعة ,, البودرة الذهبية ديفينورا لا تفوتينها + كريم أساس ديفينورا
كانيبو = كريم الأساس + البودرة + غسول الوجه + منتجاتهم كلها حلوة لا تفوتينها وأقصد بالمنتجات منتجات العناية بالبشرة ,,
لانكوم = الكحل + الماسكرا
ريفلون = الكحل القلم الأسود لا تفوتينه + جلوساتهم حلوة ورخيصة
هذا رد على السريع ,, وإن شاء الله البنات يفيدونج أكثررررررررررر ,,
مثلا شادوهات ماك ماعليها كلام … والارواج تبيها من اي ماركة والأساس وغيرها
على حسب نوع بشرتك وذوقك في الالوان
بالتوفيق
والشدو من شانيل مرة خطير ولانكوم
وعلى فكرة الكحل اللي يجي نص كحلي ونص اسود من شانيل لاتفوتينه مرة روعة
والقلوووووس من ديوووووووووور وبالتحديد اديكت addict مارح تندمين اذا اخذتي منه
والارواج من شانيل مرة حلوة
وحتى ماك مثل ماذكرت الأخت مجد على اني ماقد استخدمته لأنه مو متوفر لكن ملايين يمدحونه
ويوفقك وانا كمان راح اساعدك ان شاء الله
و انا ناطره البنات عشان يفيدوني اكثر في هالموضوع
حتى ماروح اشتري و آخر شي ماستفيد من اللي خذته
نبتدي بالاساس + البودرة
ميك اب فور ايفر الاساس السائل الخاص بالوجه والجسم
شانيل الكريم اللي يتحول الى بودرة + البودرة
ماك studio fix بودرة تغطيتها وايد حلوة
ويمدحون جيرلان بس ماجربتها
البلاشر
جربت شانيل
ماك واثنينهم حلوين
لمعة الوجهه
ديور
ماك.. ماك .. ماك هذا تأكيد على لمعات ماك اللي للوجه لانها وايد حلوة
الاي شادو
شانيل للاستخدام بالماء ويطلع اللون وايد حلو وثابت
ماك تستخدمينه بالماي ومن غيره
ديور
لانكوم الوانهم حلوة وايد وثابته وقوية
الكحل
كل الالوان من ماك
ويمدحون ديور وشانيل بس انا استخدم ماك
الماسكارا
ديور
dior show
وبينيفت ماسكارتهم وايد حلوة
اسمها BADgal
تلاقين هالماركه في وجوه
بعد عندهم اللمعات للويه حلوة
الارواج
شانيل
ماك
ديور
لانكوم
محدد الشفايف -الكونتور-
ماك
ديور
شانيل
ايف سان لوران
لانكوم
مثبت المكياج
من ماك Fix +
ويمدحون اللي عند جيفينشي بس ماجربته
وبخصوص ماركة كرويولان ترى هي ماركه للمحترفين وتنفع للتصوير والحفلات مو للاستخدام العادي
ان شاء الله اكون افدتج
بس ماقلتوا لنا شنو احسن ماركه حق "الجلوسات"
؟؟
وايد حلوة وطعمها حلو بعد
وعندج نينا ريتشي بعد قلوساتهم حلوة والوانها بعد حلوة
وديور حلوة بعد
ويمدحون ماك بس انا ماعجبني ابدا