طريقة عمل ال " حريروّه " << بالصور طبعاً 2024.

بسم الله الرحمن الرحيم

اليوم يبت لكم طريقة عمل الــ " حريروّه " << و هي نفس الشراب أو الأكله تقدم للحرمه اللي تكون في فترة النفاس

و طبعاً ما نبى نذكر و نقول انه الحوامل المفروض ما يشربون منها !!

و هذي هي خطوات عمل الــ " حريروّه " ( حبة الحمرا )

و المقادير هي :

– 2 كأس ماء

– 4 م ك حليب بودرة

– 2 م ص قرفه

– 2 م ص هال (أو هيل)

– 1 فنجان قهوة من حبة الحمرا

– 1 فنجان قهوة من السكر العادي

و بالنسبة للأشخاص اللي ما يعرفون حبة الحمرا هذي الصورة مقربه اكثر عشان تعرفون عن شو انا اتكلم عروس

الطريقة

أولاً نحط ماي مع حبة الحمرا لمدة دقيقتين و بنلاحظ انه حبة الحمرا تنتفخ و تصير غليظة و تتكتل بس لا تزيدون الماي خلوه مثل ما هو

ثانياً نسخن الماي بس ما نخليه يفور

ثالثاً نضيف الحليب البودرة على الماي

رابعاً نضيف حبة الحمرا على الحليب و الماي

خامساً نضيف القرفه و الهال مع الإستمرار في التحريك لانه رح نلاحظ تكتل في حبة الحمرا

بعدين تخلون الخليط لين يفور و بيستوي شكله مثل اللي في الصورة

و بعدين قدموه و شربوه و هو حار و بالعافيه عليكم

ملاحظة : الكمية تكفي كأسين فقط

تحيتي العطره :

نادين

حقوق التصوير محفوظة لدى نادين << خخخخخ عروس

تسلم الاييااااادي ياقمر
وش فايدتها للنفاس ومافيه اسم ثاني للحبه الحمرا
الله يسلمج من الشر اختي kholoud_sa

و اختي saheeb هي بصراحه لها عدة فوايد للنفاس و هي تنظف البطن من بعد الولادة و تساعد على نزول دم النفاس اكثر و تقلل من مدة دم النفاس لانها تنزله وايد و تنظف البطن و حتى للبنات في أوقات الدورة يشربونها اتفيدهم و بعد للي متأخره عندها الدورة اتنزلها ان شاء الله

و حبة الحمرا انا اشتريها من العطارين هنيه عنا في دبي و ماعرف إذا لها اسم ثاني بس ماعليه بسأل لج الوالده لو تعرف =)

مشكورين على الردود

..

صباحكـــ بلون البحر وصفـــــائهــ

غاليتـــــــــــي

₪₪

تسلميـــــن قلبي علي هالوصفـــــة

الروعـــــــــة

تسلم ايدينكــــــــ

بانتظــــــار وصفاتكــ القادمـــــــة

₪₪

لكـ سياج من الياسمين ..

₪₪

المقيمـــــة علي الـــود

..

قلبكــــــم الحنـــــــــون

الله يسلمج من الشر حبوبه

و مشكورة على الرد و المرور

مشكووووره كثيييييييييير … تسلم الايادي …

تحياتي ……….. ولاء علي

اول مره اسمع فيها

يعطيج العافيه اختي ..

اول مرة اسمع فيها
اصلا ما افهم بهالشغلات

تسلم ايدك اختي

الله يسلمكم من الشر يا رب و مشكورات على ردكن و المرور

دمتم بحفظ الرحمن

ناديـن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.