مرحبــا عرايسنا الحلووات ,,
العرررووس ,, مثل مسماها عروس ,, يعني متجددة بإطلالتها ,, أناقتها ,, اسلوبها في الملابس ,, والمكياااج ,,
كثير من العرايس ,, ياخذون مكياااج ,, كريمات اساس شادوات ,, فالاخير ما نستخدمها ,, تخلص صلاحيتها ,, ونرميها ,, خسارة المهر ,, خسارة المكاان ,,
بعد العرس بتسيرون شهر العسل ,, وفي السفر الميكب يكون خفيف ,, يعتمد عالغلوسااات ,, البلاشر ,, والكحل الماسكارا ,, ومرطب ملون خفيف ,,
واغلب الرجال ,, يفضلون المكياج الخفيف ,, الطبيعي ,, تبين حرمته طبيعيــة ,, وفي منهم الي يحبون الطلــة الفنتازيــة ,, مافي مانع من التنويع ,, بس التكرار ممنووع
قائمــة المكيااج .. واقصى ميزانيــة لكل غرض ..
نبتدء بالاساس ,, اقصى حد 200 درهم – 300 درهــم وتحتاجين اساس واحد فقط
1- ديور اير فلاش ,, سبري اساس بخاخ
خفيييييف جدا ونعووووم ما يبين انج حاطة شي ,, للبشرة الصحيــة الخالية من العيوووووب
2- YSL Perfect Touch Radiant Brush Foundation ,, انبوب فيه فرشاة تضغطين عليه وينزل الاساس درجة السماكة على حسب الطبقة الي بتحطينها ,, بناسب اغلب انواع البشرة
الاساسين هايلا يناسبوا المبتدئات لانهم ما يحتاجون شغل ولا يوسخون صبوعج الحلوة بالاساس ,,
* الاساس يحتاج فرشاااة للتوزيع الصحيح ,, انصحج بفرشااة مااك او بوبي براون ,, ممكن فرشاة مكيااجي ,,
3- اساس ديفينورا من غيرلان في اكثر من نوع .. اساس سائل بمضخة
يناسب البشرة الجافة والمختلطة ,, تقدرين تتحكمين بسماكة الاساس على حسب الطبقة
4- اساس الدبل وير من استي لودر ,, اساس سائل
يناسب اغلب انواع البشرة ,, ثقيل بعض الشيء للسهرات والمناسبات الطويلة راعي اختار الدرجات المناسبة لانه غامق شوي
5- اساس كانيبو كريم فينيش ,, اساس سائل
يناسب اغلب انواع البشرة كالسابق .. مناسب للسهرااات والمكياج الاحترافي درجاته فاتحة
6- اساس لانكوم color ID ,, اساس سائل
مناسب للبشرة الدهنية والمختلطــة ,, للصبح نقط خفيفة وللسهرة تثقلينه
7- اساس هلينا روبنشتاين Color Clone ,, اساس سائل
مناسب للبشرة المختلطة والجافــة ,, نفس السابق
8- اساس ماكس فاكتور الكحلي ,, اساس سائل كريمي شوي
مناسب لكل انواع البشرة ,, خفيف وحلوووو للبشرة الصحية والبشرة الي فيها عيوب بسيطة
9- كريولاين ,, اساس سينمائي بروفشنل ما بحط صورته لانه في عدة انواع,,
بشكل عام هو اساس ثقيل ما احبه شخصيا يستخدمونه الماكيررات ,,
10- كريم اساس ارماانيHyrda Glow ,, اساس كريمي سائل
مناسب للبشرة الجافة لانه مرطب واااايد ,, حلو للبشرة الي فيها عيوب شوية تجاعيد خفيفة ,, بقع ,,تقدرين تثقلينه وتخففينه براحتج ,, لو بيدي بحطه عرأس القائمة لكن للاسف هو مب متوفر دوم ,, وفي اساس من ارماني مات يناسب البشرة الدهنية والمختلطة يعطيج اللوك المثالية ,,
هذي افضل الاساسات المجربــة ,, خلوا بالكم اغلب الاساسات مدة صلاحيتها 12 شهر يعني سنة وفي اساسات مدة صلاحيتها ستة اشهور ,, ما افضل بقاء اي اساس اكثر من سنة ,, اولاالرطوبة والتأكسد يساعد تكاثر البكتيريا ,, لون البشرة يتغير درجة ولا درجتين بين المواسم ,, طبعنا نحن البنات ملوووووووووووووول ,, حرام تشترين وتقطين ,,
للمصداقيــة ,, اغلب هالاساسات مجربــة ,, من قبلي ,, على اهلــي ,, او زميــلاتي ,, اي سؤال انا حاضرة ,,
بس على سالفة الفرشاة للأساس فانا خذت لي وحده وماعجبتني
فالحين بالنسبة لي الأفضل الاصابع أحس التوزيع يصير أسهل او الاسفنجه الLatex
ومشكورة مرة ثانيه :flower:
ان شاءالله العراايس يستفيدوون من الموضووع 
تحيــــاتي لــــج
بس برضو محتارة
انا بشرتي مختلطة فاتحة فيها اثار خفيفة جدا.ز بحب الاساس يبين البشرة صافيه من غير عيوب
وحاليا بستعمل كريم اولاي للتفتيح كاساس
البودر المضغوطة والحرة ,,, 250 درهم حد اقصى ما تشرين اي شغلــة اغلى من جذي ,, البودرات اغلبها نفس التركيبــة ,, بتحصلين نتيجة بودرة المية درهم احسن من بودرة الثلاثمية بألف مرة ,,
*البودرة المضغوطــة : تحتاجين وحدة
1- بودرة غيرلان PARURE ,, تغطيتها حلوة ,, مناسبة بدون اساس لانها تعتبر اساس مضغوط
للبشرة الدهنية والمختلطة ,,
2- بودرة سيشيدو ,, ناعمة وحلو فيها حماية من الشمس ,, مناسبة بدون اساس
لجميع انواع البشرة
3- بودرة ستوديو فكس من ماك ,, تغطيتها ثقيلة يعني مناسبة بدون اساس
حاولي تجربينها في مكان مضيء لانه الاضاءة في ماك تعباانة
4- بودرة كلينك للبشرة الدهنيــة ,, حلوة وتغطيتها ناعمة تمتص الدهون عدل
للبشرة الدهنية والمختلطة
5- بودرة جيفنشي الماات ,, خفيفة وحيوية تغطيتها مخملية للبشرة الصحية قليلة العيوب
البشرة العادية
6- بودرة استي لودر ,, حلوة وتغطيتها ثقيلة تناسب المسا والمناسبات الطويلة
لمختلف انواع البشرة
7- بودرة ميك اب فور ايفر ,, ما جربتها لكن حلوة وتغطيتها متوسطة تنحط مع الاساس او بدونه
لجميع انواع البشرة
8- بودرة مايبيليــن ,, ناعمة وخفيفة ,, واااااااايد حلوووووووة اذا زدتي الطبقة زادت التغطيــة بس غيري الاسفنجة المستخدمة ,, وانصح فيها لجميع انواع البشــرة
9- بوبي براون البرايتنق باودر ,, حلوة واااايد انا احب هالماركة لانها متميزة وراقيــة جربوها وان شا لله ما تندمون ,,
*البودرة الحرة ,, تحتاجين وحدة ممكن تبدلينها ببودرة الاطفال الوردية او البيضا
* تقدرين تنثرينها تحت العين عسب تلقط الشدو المتناثر ,, واصحاب البشرة الدهنية والمختلطة يستخدموها لامتصاص الدهون بالاسفنجة ,, او تنثريها كلمسة اخيرة بعد المكياج للمعة الحلوة
1- بودرة استي لودر الحرة ,, حلوة وانيقة ,, نااعمة عالبشرة ما تتناثر تمتص الدهون
تناسب جميع انواع البشررة
2- بودرة غيرلان الحرة ,, حلووووووووووة وعلبتها تعجبني ريحتها لطيفة وتمتص الدهون وتعطي شاين حلو ومناسبة لجميع انواع البشرة
3- بودرة ميك اب فور ايفر الحرة ,, لماعيــة حلوة مايلة عالوردي الابيض ,, تعطي لمعة وتمتص الدهون ,, مناسبة لجميع انواع البشرة
4- بودرة باي تيري ,, اشوفها غاليــة بس حلوة تشبة بودرة ميك اب فور ايفر ,, بس لمعتها اقوى ,, وتناسب جميع انواع البشرة
5- بودرة بريسيم من جيفنشي ,, في العلبة نفسها في اكثر من لون حلوة بس حسيت الاولوان ما تمتزج مع بعضها صح ,, تعطي لمعة خفيفة وتورد وتقدرين تاخذين درجات البرونز للوك الميتاليك
عروساتنا ,, اي وحدة تستخدم بودرة كنيبو بليييييييييييييييز ترميها ولو كانت تغطيتها مثالية بس تحتوي على الرصاااص وهو من مسببات السرطان ابعده الله عنا وعنكم
يعطيج العافيه الغلا على عرض تجربتج بالاسعار و الصور تسلمين
الماسكااارا لو ما تحطين ولا ذرة مكياج عويهج بس تحطين ماسكارا ,, بتطلعين جذاااااااابــة
مثييييييييرة ,, اشوف الرموش السود الثقال والطوال هم جمال العيــن ,, لو تلاحظون انه مكياج العيون ما يطلع حلو الا اذا كملتوه برموش طويله وغامقــة
الماسكاارا ,,200 درهم ,, تلزمج وحدة لانج بتغيرينها بعد ستة شهور لازم
1 – ماسكارا هلينا روبنشتايــن التايقر ,, عذااااااااااااااااااااااب اروع ماسكارا جربتها بحياااااااااااااااتي مستحيل ابدلها سودا وتكثف الرموش ولا تخلي الرموش يلتصقوا ببعضهم انصح اي عروس تشتريها لانها بإختصار ملكة الماسكارات ,,
2- ماسكارا YSL الذهبية ,, حلوة ومكثفة للرموش لا تاخذون الجديدة خذوا اقدم وحدة ,, خلوا عينكم عالفرشاة والشعيرات الي فيهاااا ,, كلما كانت سميكة ومتباعدة وفيها شوية طول عطتنا لوك احلــى ,,
3- ماسكارا ديور شو ,, يعجبني سوادها مثل لون الكحل حلووة وفرشاتها كبيرة تدخل بين الرموش وتطولها ,,
4- ماسكارا لوريال VOLUME SHOCKING ,, في لها فرشتين وحدة مثل الاساس للرموش لونها ابيض تحطينها بالاول ,, تخلينها ثواني لين تتماسك ,, وتحطين عليها اللون الاسود ,, حلووة وسوووادها مثل الحبر تعجبني ,,,
5- ماسكارا لانكوم ,, فيتال او هيبنوس حلوويــن ,, بس خذي الي هي فرشاة مب ياي على شكل مشط بتكون احلى ,,
6- ماسكارا benefit BAD GAL ,, سمعت عليها اطراءات حلوة ومعروفة بأمريكا واايد واللوك الي تعطيه يشبه وايد لوك ديور شو لانه الفرشاتين لهم نفس السمك ,,
7- ماسكارا استي لودر ,, مكثفة وتطول تعطي لوك عارضات الازياء حلوة وايد,,
8- ماسكارا ريميل او مايبلين لونها احمر شفتها عند ربيعتي وايد حلوة وتعطي الرموش طول وسواد حلوووووووة وان شا لله ناوية اخذها قريبا ,,
9- ماسكارا شانيل Inimitable حلوة للي رموشها اصلا كثيفة تعطيج لوووووووك حلو ونايس
10- ماسكارا غيرلان اليديدة ,, فيها فرشاتين وحدة حق الرموش السفلية ووحدة للرموش العلويــة ,, حلوة ولونها اسود تنفع للوك الناعم مع كحل خفيف
نصيحة : لا تاخذون اي ماسكارا وتر بروف مهما كانت العروض عليها لانها قاتلة الرموووووووووش
بنات شوفوا هالفراشي الي تعطيكم اللوك الكثيف والطويل لانه الشعيرات فيها طول وسماكة ومتباعدة فتتداخل بين الرموش وتصبغها باللون الاسود وتطولها ,, دوروا عنها في المسكارات الي بتشرونها
هذي الفراشي اشوفها ما تنفع بصراحة ,, لا طول ولا كثافة احسها تلزق الرمووش
من اسراري ,,اذا تبون رموشكم مقوســة عليكم بالعقاااصــة ,, اوووو بعما تخلصوووون محطين الماسكارا بطرف فرشاة الشادو اضغطوا على رموشكم وبتحصلون التقوووس الجذااااب
يااااي تعبت ,, عروسات ادعولي اذا عجبكم الي اخترته ,, والاشيا الي ذكرتها اغلبها مجربتها على نفسي واهلي وزميلاتي ,, وربي يوفقكم خواتي
[/COLOR]و حابة اسألك عن بودرة بن ناي ما هو رأيك فيها
و كذلك ماسكرا برجوا