عطري التائه!!!! 2024.

أهلين بالغاليات كيفكم يابنات..أكيد

مستغربين من العنوان..

بس وش اسوي مالي حيلة

عجزت وانا اخور وادور ابحث

عن عطري التائه كنت استخدمه من الثمانينات

وحتى منتصف التسعينات..وبعدها صار فص ملح

وذاب ..وين ذاب مدري؟؟

المهم هذا العطر بحكي لكم حكايته من يوم كنت بالثانوي

طالبة وكان ابوي رحمة الله عليه يوديني للمدرسة كل صباح

وكان يعجبه ريحة هذا العطر..ومن 10 سنوات ابوي مات والعطر اختفى

من 10 سنوات….وانا ابحث عن هالعطر لأن له ذكريات تذكرني بأغلى

مخلوق على وجه الارض رحمة الله عليه..وكل صبح اتعطر واروح الدوام

ومن يوم اشم اي عطر اقول آآآآآآآه مو كل عطر عطر!!واتنكد وينقلب

مزاجي..حتى عيالي لاحظوا .. قالوا يمة انتي لما تصحين بمزاج ولما

نجي نطلع من البيت تعصبين ومزاجك منكد..فما ادري وش اقول لهم

واخلي السبب انهم اخرتونا عن الدوام بسرعة عجلوا….وهم مايدرون

وش بخفايا جوفي….ادري طولت عليكم بس والله من غلاة هالعطر

اني مو قادرة انساه على ان الشركة نزلت له بديل وبنفس الاسم

بس شتان مابين هذا وذاك..المهم بقول لكم اسم عطري التائه

(مست كارتييه)الاسود اللي له قاعدة بارزة من اسفل ماتخليه

يوقف إلا مقلوب على راسه..ادري بتقولون موجود بس انا اقول

شريته الف مرة بأقنع نفسي فيه ولكن!!!!وبعدين اللي موجود لونه شفاف

وريحته حيل خفيفة..هنا بالرياض طلبته طلبية من برا وفعلا جاني قبل 7سنوات

وشريته مع انه ضربني ضرب بالسعر شافني ملهوفة عليه هو سعره 90ريال

تدرون بكم باعه لي؟؟400ريال وعذره ايش انه اساسا جايبة لأميرة كمية كبيرة

وهذا اللي بقى منها وقلت هاته بس هو من ريحة الغالي؟؟؟

والحين اللي تلقى لي هالعطر بدعي لها من قلبي ان الله لايحرمها من غاليها

ولا يفجعها بمن تحب قولوا آآآآمين

والله اختي تاثرت بقصتك مع ها العطر ان شاء الله بسألك عنوا عندنا هنا و ادا حصلتوا بقولك و ما يغلى عليكي وان ما قدرت فان شاء الله تعثري عليه وين ماكانبس ياريت تحطي لنا صورته .. ودمتي في ود
العطر هذا روعة وانا اموت عليه وكنت دايم اسال عليه

والحمدلله الحين لقيت عطر نفس الريحه بالضبط وهو لوف ان وايت من كريد اول ماشميته ذكرت كارتير الاسود على طول

جربيه ان شاءالله يمكن تلقين كارتير فيه

ماعرفه والله بس ان شاء الله تحصلينه..وتبشريننا انك لقيتيه..
اتاثرت بقصتج وايد وخليتي الدمعه تنزل
نفس العطر الي ادور عليه وما حصلته ما خليت مكان فالامارات ما سالتهم عنه وقالولي ما يبونه خلاص
وفقدت الامل وصح ما يوقف الا مقلوب ولونه داكن وحجمه صغير
وكل العطور الي نزلت من بعده غير مش نفس الريحه
وهذا العطر عطري انا واختي عطر الطفوله
ان شاء الله البنات يساعدونك عروس
والله ليتني اعرف العطر وشكله اختي جان ساعدتج وانشالله البنات مابيقصرن معاج
اف على عطور كريد حلوه بس غاليه انشاء الله اتحصلين عطرج بالتوفيق
شكرا خواتي لتفاعلكم ونصائحكم وعسى الله يجمعني به

في اقرب فرصة..وعساي القى البديل

وشكرا ياخت فاميلي على الصورة

وشكرا لكم يالغوالي وعسى الله يرزقكم ولا يفجعكم

مشكوووورين على الموقع الارسول
أستفدنا منه وجميل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.