عطوني من خبرتكم 2024.

السلام عليكم ورحمه الله وبركاته

اخواتي
ان شاء الله تقدرون تساعدوني على هذه المشكله
مطبخي مفتوح على الصاله واذا طبخت طبعا الرائحه تشع وخصوصا رائحه الزيت
ابغى شي يخلي هذه الروايح تختفي
معنى اني جربت عطور الجو وبخور لكن مفعولها ضعيف ولمده وجيزه وبعدين تظهر الروايح مره ثانيه واخجل لما يجون لي زوار

يعطيكم العافيه ساعدوني

تحياتي ام سراج

الله يعينج مطبخج نظام أمريكي؟

أمممم ماتقدرين تحطيلي شفاط؟؟ إللي أهو مروحه خارجيه تشفط الروايح؟

هو فيه شفاط وهوايه بعد
لكن !! مافيه فايده
تسلمين اختي

وين الباقي

اختي ام سراج انا مطبخي مفتوح على الصالة والريحة صحيح تبان وقت الطبخ بس بمجرد ما اخلص تروح

انا استخدم شفاط فوق الفرن على طول وهو قوي يعني يسحب الريحة

بعدين اسوي فواحة او بخور … وأكثر الأوقات فواحة زيوت عطرية بأي ريحة انتي تحبيها وابخر كل الغرف عشان ماتبان ريحة الأكل … ومدخل البيت احط الفواحة وارش معطر جو بريحة البخور او اي ريحة ثانية اكون مستخدمتها مثل التوت او ريحة الزيت العطري ونفس الشي بالنسبة للحمام واذا عطرتي كل مكان مستحيل تبان ريحة الأكل

حاولي يوم اللي بيزورك فيه ناس ما تسوين شي ثقيل مثل القلي والاسماك وغيرها من الطبخات اللي تطلع ريحة

اختى ام سراج
ودي افيدج …….ممكن تعملين ستاره وتثبتينها بالحائط وقت الطبخ ………او استخدام بارتشن مع استخدام الشفاط …….البخور والتهويه وان شاء الله تخف ريحة الطباخ.

ام شيخه

اختي انا بعد مطبخي مفتوح عالصاله زمثل ما قالت الاخت رومي انا عندي شفاط فوق الفرن وعلى طول شفاط الهوا في المطبخ يكون شغال
وللمقليات خديت لي القلايه الكهربائيه عشان تكون مصكوكه

وعلى طول اول ما اخلص افتح النوافذ واحط بخور او عطور مركزه

ممكن اتسوينلج مطبخ صغير برع البيت بس حق الشوي والمقليات
والله عن تجربة أهلي.. وخصوصا برمضان كانوا يبللون مناشف المطبخ ويرصونها حوالين النار طبعا مو لاصقه بالنار بس حوالينه .. ويحصون اليانسون او الكمون يغلي عشان الريحه..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top