كحل اسود فاااااااحم،، لا ماك ولا ريفلون 2024.

صباح الخير خواتي الغاليات

شخباركم و شلونكم

زين زين بتكلم لا تهاوشوني :gum:

الموضوع واضح من عنوانه ..

كحل اسود فاحم ،، لونه قوي وثابت وخصوصاً داخل العين

وانا همي اكثر داخل العين ،، لأن لتحديد برا العين مب مشكله الآيلانر موفي بالغرض ..

لكن المشكله الكحل داخل العين لازم يكون غامق فحم وثابت وما يسيح

جربت انواع واشكال ،، لين استقريت على قلم كحل ريفلون Revelon

لكن هالكحل تجيه فترات ينقطع وما يتحصل بسهوله ،، لذلك حولت على قلم كحل ماك MAC

والاثنين نفس النتيجه و رهيبين بصراحه شي وايد حلو .. لدرجة اني خلاص قلت مافي احلى من جذي

و مستحيل اغير هالاختيار واجرب شي ثاني

من كم يوم جاتني هديه مجموعة مكياجات ومن ضمنهم قلم كحل

قلت يوووووووه شسوي فيه ماحاتجه ولا اعتقد انه يجي شي جنب اختياري ..

لكن حوسة المكياج واللقافه تجبرنا نجرب ونشوف ..

جربت لونه على يدي شي مب طبيعي عروس

قلت في العين اكيد يفرق:angry:

حطيته ،،يخط على طول وسهل ولونه : امممممم في شي اغمق واقوى من الفحم ؟؟ اذا في فأعتقد انه هو هالكحل ..

ثابت ثابت ثابت ،، والاحلى انه ما يسيح

نجي للمفيد ونشوف شنو هالكحل الرهيب اللي خلاني اصدق ان في احلى من كحل ريفلون وماك

الكحل من ماركة Benefit

انتبهوا بنات ،، ترى عندهم نوعين كحل ،، واللي اقصده انا مب القلم العريض اللي من برا وردي

لالالا

انا اقصد هذا
7
7
7
7
7

Sketching Pencils Eyes

نصيحة خواتي جربوه و بتدعون لي بأذن الله

و اختي الغاليه :
وطن

لأنها كانت تدور قلم كحل لونه قوي و مايسيح ،، لو كنتي لين الحين ماشريتي كحل ،، جربيه وبأذن الله يكون هو التوب عندج (f)

السلام عليكم ورحمة الله وبركاته

تسلمين حبيبتي على المشاركه الطيبه.. :clap:

عن نفسي جربت كذا ماركة وارتحت ل Lord & Berry الي من محلات نكتار اسود فاحم.. وباذن الله اجرب الي خبرتينا عنه..

مشكووووووووووووووووووره حبيبتي..

تسلمين حبيبتي على المشاركه الحلوه ونترقب جديدك الاطيب باذن الله..

الف شكر عزيزتي…

ويعطيك العافية… هالماركة أحصلها في محلات اريج ؟

جزاك الله خير
مشكورة….وين احصله في قطر؟
مشكوووووورة يالغالية Marshmallows يعطيج العافية
أذكر اني شفته مرة بس ما خذته ما أدري ليش 😥
بس بما انج نصحتينا فيه خلاص بتوكل على الله وباخذه

بنات دبي بتحصلون هالماركة في محلات دبنهامز و محلات Faces

بس هااااا لا تخلصونه عني :dd:

مشكوره الغاليه ماتقصرين انا عاد امووووت على الكحل وجربت كل الانواع ومن فتره استخدم كحل ماك وايد حلو بس يسيح مرات وانشالله بسير اخذ اللي قلتي عنه وبجربه وبقولج النتيجه
تسلمين يا كل الحلا…عروس

تسلمين يالغالية

وانشاءالله راح اجربه

السلام عليكم

مشكورة أنا من زمان أدور على كحل مايسيح ومضبوط

اللة يعطيك العافية ============ ياعمرى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.