مجرد فضفضة 2024.

سلام عليكم عرايس

شخباركم

بنتي صار لها فترة تعاني من التهاب في منطقة الحفاض وماخليت شيء

ماحطيت لها وامس كسرت خاطري واني ابدل لها حفاضها قعدت تبكي من قلب وتقعد تحك

حتى الماي ماتبيه يلمسها قلت لزوجي ألحين لازم نروح المستشفى خله يشوفون

لها حل كسرت خاطري مسكينة

وديناها وقالت لنا الدكتورة لازم تغيرون البامبرز لان مايناسب جسمها يسبب لها حساسية

ولمدة 5 ايام لاتلبسونها حفاض وعطونا ليها مرهم وقطور

اني قلت اهم شيء بنتي تخف وشرينا لها (طرابيل) مادري انتوا شنو تسمونهم عشان

نلبسها اياه

عاد زوجي نزلها اليوم لامه لان هي كله تحن وتقول نزلوها

قالت له جيب لها حفاض ولبسه اياه

اني كنت اسبح قام الافندي ولبسها قهرتني

اني ابي بنتي تخف بسرعة وهي حضرتها تقول له لبسه

وهي تدري عن الالتهاب مو ماتدري

بطت جبدي صراحة اصلا كل مابنتي تصيح اني اعاني تكسر خاطري

الله يحفظ لج البنوتة وماتشوف شر ان شاء الله
وحاولي انج حتى لو اتلبسينها حفاظة ماتضيكنها بقوة
يعني خلي في منفس للجسم
وبعد ماتخف استخدمي لها كرمي الحفاظ الي بالمرز وايد زين

اختي عليك بالنشا مافي احسن منه للالتهابات رشيه على الالتهاب يخف طول وما عليها شر

واعليه حبيبتي

لا عزيزتي فهمي الكل ان الطبيبة نصحتج بعدم الحفاض

والله يشفيها يارب

طولي بالك اختي
و لا تقري نفسك هذول الحموات عادي

يحبون الأحفاد و يموتوا عليهم بس تلاقيها قالت لنفسها يلا مره وحده تلبس الحفظ شو بيصير عادي

و انتي قلبك قلب ام و يتقطع على بنتك

تفاهمي مع زوجك و قوليلها البنت ما تلبس حفاظ يعني ما تلبس مثل ما قال الدكتور و اهلها لازم يساعدوها مثل امهم و ابوهم شو اسمهم اهل !!

الله يعين بنتك ويشافيها
الله يشفيهااا
حبيبتي الف سلامه على بنتج وعلى قلبك
وان شاء الله تلكين معي الحل
لان نفس الشي صار لبنتي
عطيتها مرهم سودوكريم
رهيييييييييييييييييييب ومفعوله سحري
خلال 24 ساعه بس
او مرهم جيكو

وغيري الحفاضات لنوع اخر وهو
canbebe التركي
رهييييييييييييييييييييب

ماتشوف شر البنوتة !

انا مريت بمثل تجربتك مع ولدي و طفح الحفاض ، بس كنت اشيل الحفاض بس وقت النوم ! و يوم واحد الحمدلله و انتهى منه !

و اذا كنتي متضايقة عشان تصرف ام زوجك ، المسكينة اكيد ماتدري انه الدكتورة نصحتكم بأنه ما تلبسوها البامبرز ، و لو تعرف ما لبستها عروس !

جربي لبنتك النشا ، بس ذوبيه في ماي و خليه على الطفح بتشوفين السحر شلون !

بسرررعه يختفي !

حبيبتي هونهاوتهون
والله يشفيها يا رب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.