انا اختي بتمشي لماليزيا الاثنين الجاي بس ماتعرف شي فيه ابد راحت لمحلات السياحه وعطوها كم مكان
لكن هي حابه تعرف من الي قدسافر عن افضل الاماكن فيها والمطاعم والاسواق بس ماتبغى متاحف
ياليت تفيدوني……………….
والي تعرف محلات التصوير فيها يقولون فيها محلات تصوير رائعه ورخيصه …………
ذكرتوني بأيام العز وشهر العسل لما سرت ماليزيا
هم في مطاعم في شارع العرب ( مطعم ايراني اسمه ناب امممم لذيذ اكلهم ) وفي مطعم ايطالي بعد في شارع العرب اسمه (اوبرا ) كلشي لذيذ عندهم…مطعم طربوش في فندق ماريوت
فندق ماريوت في محلات الماركات وفي تون تور بعد محلات وعلى فكره المحلات بتحصلين لها افرع وااايد….. بي بي بلازا وايد في محلات وعندهم اشياء وايد حلووووووه
عن محلات التصوير عندهم محل في تايم سكوير بس ما اعرف شو اسمه ولا ادل مكانه بس انا شفت ربعنا كانوا مصورين عندهم بس خبروني قالوا في تايم اسكوير وانا ما لحقت اسيرله ..
وتكرمين النعول ما عليها كلام انا شنطه كامله كلها نعوووووووول بس طبعا مت عند الوزن ههههههههه دفعوني دم قلبي انصحج تشحنين الشنط..
وفي مركز اسمه اوتاما ون …هادي وايد حلووو وفي منطقه حلوه..
وخبري اختج اذا تبغي اتزور الاماكن السياحيه ما يحتاي كل فندق فيه مال السياحه ويعرفون عربي تحجز عندهم وهم يرتبولها كلشي يودونها وايبونها …حتى التكاسي عندهم ما يقصرون تسالينهم هم روحم يرتبون وياج ويبولج باص ويودونج الاماكن وعندهم بروشورااات وهالسوالف وتختارين الي تبينه…
اتمنى حد يشرحلج عن المناطق اذا احتجتي اي شي عن المحلات واذا فيه محلات معينه طرشيلي عالخاص
ترا الي كتبته اشويه ولا ماليزيا وناااااااااااااااااااااااااااااااسه
عندج شارع العرب كله محلات ومجمعات من اوله لين اخره وعندج مجمعKLCC للماركات وسمونه سوق سوريا مثل ما قالو الخوات وعندج السوق الصيني اللي فيه تقليد الماركات وعندج مجمع صان وي لاقون وايد حلو ووجمع جنتنغ هذي المنطقه اللي ما راح لها ما راح ماليزيا هي وصان وي لاقون
والاكل ما بتحتارين فيه شارع العرب مليان مطاعم بس عندج المطاعم الراقيه المطعم اللي في البرج لازم تحجزين له من الفندق قبل لتروحين بيومين على الاقل واذا اتحبين الاكل الهندي انا رحت مطعمين معرفين عندهم وايد انا ناسيه اسمهم بس اسالي الفندق الدريول اكلهم اجنننننننننننن وكنج قاعده في الهند واذا اتحبين السي فود حدث ولا حرج بس ما اعرف اساميهم لاني ما احب السمج
والاماكن الترفيهية عندج الفندق بيعطيج الكتيبات او اكتبي في قوقل السياحه في ماليزيا وبجيج الخير
وانشا الله اختج اتروح وترجع بالسلامه
وعندك بعد السوق الصيني
وطبعا الاخوات ماقصروا
تروح سان وي لوقون فيها مجمع تجاري وملاهي مائيه وفندق
الفندق إذا تبغي تتمتع فيه غرف وأيضا فيه فلل روعه
أنا وزوجي أخذنا فيلا يوجد بها حمام سباحة خاص
وتقدر طبعا تلبس المايوه
وسعرها خيالي 800 ريال فقط
قوليلها تجرب الفيلا حتى لو يوم واحد