في عندنا سوق في دبي يبيع بالجملة و بتحصلون عندهم تشكيلات روعه من الهدايا الي ممكن تتوزع على المعازيم. و الاسعار وايد زينه
مثلا يوم عرس اخويه اشترينا من هناك مجموعة كبيرة من العلب الصغيرة و المزينه بالكريستال و الازهار و حطينا فيهم بخور . و اشترينا بعد براويز صغيرة . و غلفاهم بورق التغليف و و زعناهم عند دخول الضيوف . وكل الناس عجبيتهم الفكرة
فعلاً ممكن عمل هدايا المعازيم من اهل العروس
وشراء العلب أو الصناديق أو الشمعدنات أو البراويز …..
من سوق الجملة
وتزينها في البيت ، يعني خوات العروس يتسلون شووووي;):p
وإلا شو رأيكم يا بنات …..؟؟؟
والله يعطيك العافية أختي
لاني من العين وما اعرف شي في دبي
ولو تعرفين اماكن تبيع اشياء مثل هاي ياليت تدليني عليها وبسرعة لو سمحتي عشان ادل بنات العين
ونخلي الكل يستفيد
وترى عندنا اعراس وايدة جريب ياليت ما تبخلي علينا بالمعلومات
ومشكورة مسبقاً
حبيت اشارك واعطى ( راما العين ) عنوان سوق الجمله تقريبا هو عند سوق الذهب اظن انه في شارع الراس المهم انه قريب وايد من سوق الذهب اسالوا اي تكسي بيدليكم …
اختكم
مزيونة دبي 
مشكووووووووووورة وما قصرتي
والله يخليج ذخر
والله ما توقعت تردين علي بها السرعة
وياريت لو تعرفين اماكن ثانية تدليني
وعساج عالجوة
وعلشان اسهل لج هو عند سوق الدويات ( الادوية الشعبية) العطارين
بيكون السوق وراهم
و يالله ما اكثر المحلات الي تبيع هناك … بيدور راسج من كثرهم و ما بتعرفين وين ادشين
اتصدقين انا اختي مدرسة و تشتري يوم الحفلات هدايا للاطفال من هناك وبعد يوم عيد ميلاد اختي الصغيرة نشتري هدايا من عندهم علشان نوزعها على الصغاريه
اتصدقين يتحصلين عندهم اشياء تنباع عند قوم بو عشر وعشرين يسعر ارخص وايد……. ونحن يوم اول انسير بوعشرة وعشرين حق الهدايا انقول الله وايد رخيص… ثرا انهم ايبيعونه علينا بالغلا ونحن انقول رخيص
لاو الله قوم بالجملة عندهم اشياء تهبل
اتمنى لج التوفيق
اختي راما العين انا تحت امرج تبين ادليج اي مكان في دبي انت آمري وتدللي بس اكتبي اي سؤال وانا برد عليج في اسرع وقت ممكن
باااااااااااااااااااااااااااااااااي
تجهيزات لالاعراس
بس ياليت للي ساكنه في جدة تعلمنا وين نلاقي علب افراح اوهدايا معازيم وسعرها حلو يعني ابغى اشتري بالجمله