انا وايد ردودكم تعجبني احسكم تنصون من القلب والله انتوا كده
المهم ندخل في الموضوع اختكم في الله بتعرس عقب شهرين"" الله يبارك فيكم حبيباتي الفال حق اللي مااتزجوا ياااااااارب"" المهم ان خطيبي قالي انه بنسكن في ملحق في بين هله يتكون من غرفتين وحمام الله يعزكم وحذرني مليوووووون مره من الشغاله تدخل غرفتنا تنظفها لازم انا اللي انظفها واغسل ثيابي وهو ثيابه لا بيغسلها برى المهم اني انا ماتعودت على هالسوالف وابي خبرتكم حبيباتي في بعض الاشيا مثل
1)الغرفه تحتاج انها تتكنس كل يوم اولا ..؟؟
2)والحمام الله يعزكم يتغسل كل يوم او لا..؟؟
3) والبيت لازم كم مره يتبخر بعطور في اليوم مره او اكثر ؟؟
4) والله مب عارفه شسوي علموني لازم الاشيا التي تصيريوميا والاشيا اللي تصير اسبوعيا في البيت ؟؟
حبيبااااااااااتي سااااااااااعدوني:o:o
وليش متخوفه ترى هذي شخلاص بسيطه وباجر راح تتعودين عليها عادي طبخي بيض وطماط وسوي حليبه وسخني الخبز وقوليله بالهنى والشفا
2 طبعا الغرفه مو يوميا يبيلها تنظيف يعني متى ما توصخت نظفيها بس الحمامات طبعا يوميا بعدين اذا حسيتي ان هالشي يتعب حاولي تخلينه يساعدج اذا وافقج ولو ان الرياااييل راسه يابس بشغل البيت والله يعيينج والحمام الله يعزج نفس الشي احس كل يوم انظف يعني مب تغسلينه بالكامل يعني المغسلة والمرحاض :pain: وجي ..
والدخون دخنيله الغرفة عقب الغدا احس وقت مناسب ..
والسموحة منج :shy:
اما الحمام ضروري يوميا
والبخور كذلك ولو تشغلي الفواحة على طول اريح لك
ترى انا لامتزوجة ولاشي حتى خبرة في البيت ماعندي
بس هذا الي اشوفه قدامي في بيتنا
انا بعد مو معرسة بس على العموم حبيبتي مثل ما قالوا الخوات ..الغرفة رتبيها يوميا ..اما الكنس خليه يوم هيه ويوم لا .. جذي .. والحمامات كل يوم طبعا و بخريها بعد يكون احلى .. البخور انا يعجبني الضحى او بعد الغدا.. جذي يكون احسن ..ولا تخافين اختي هالشغلات وايد سهله وبتتعودين عليها صدقيني ..الله يهنيكم يارب
اول شي الف مبرررروك لك اختي والله يسعدك ويوفقك مع زوجك ان
شاءالله
وبالنسبة للتنظيف فاذا كان فرش البيت من السجاد محتاج عناية وتنظيف
وخصوصا اذا كان الجو غبار او رطوبة لانها تسبب عفونة واما الحمام الله
يعزكم فاكيد شي طبيعي انه يتنظف يومياااااااااااااااا
والبخور مو شرط كل يوم يعني كل 3 اياام بخري الكبتات والملابس
ورشي خلطات عالفراش ولازم تهوية للغرفة لو مرتين بالاسبوع
لان جونا بالخليج مايساعد نفتح الدرايش كل يوم:smile:
واسأل الله ان يوفقك اختي في حياتك الزوجية وان يكون قد وفقني
في ايصال هذه الفائدة لك
طيب ماتسوين شي في بيتكم؟ :s2
الله يوفق الجميع يارب
تحياتي
