قوه بنوتات…وحريمات بعد 
انشاللــــــــــــه تكونون بأحسن حال…
في شغله دايما افكر فيها….
وامس كنت بعرس ورديت فكرت فيها واليوم عاد قلت خل اناقش خواتي بهالموضوع….
"ليش داااااائما بدلة العروس ليلة العرس تكون ثقيله؟ من ناحية الوزن؟"
مادري اذا كان القصد عشان تكون فخمه…او عشان تعطي وقار اكثر وثقل لحركات العروس…
او عشان تشيل الشغل اللي يكون من ضمن تصميم بدلة العرس؟
بس انا صراحه وحده اعشق البساطه…
لدرجه اني شايفه ان هالشغله حيل تضايق…يعني حلات العروس حركاتها ناعمه ومرنه مو كل شويه شايته حاشية الثوب من جدام … جنها داشه هوشه
اكثر بدلة عرس نعومه عجبتني بدلة نانسي عجرم( الله يهديها) اللي كانت لابستها بفيديو كليب " لون عيونك"
احب السوالف اللي جذي ولو تلاحضون كان لها كل الحريه بالحركه…بس هي زودتها بالدفاشه شوي
ولدرجة اني بعد اذا الله رزقني وصارلي نصيب اتزوج اني ماا اشتري ذهب…لاني …وبدرجه هاااائله اشوف ان هالشي ثانوي وماله داعي..
مجتمعنا محد يلبس فيه ذهب غير الحريم اللي كبار..(واعني كبار جدا)
وانا كلش ماحب الذهب..فليش يطير نص المهر على شي ماراح استفيد منه …
ابي رايكم بالموضوع يابنات…انشالله ماثقلت عليكم [/frame]
فعلا امس كنت في زواج وشفت البنت شلون مبتلشه بفستانها
لكن قالوا لي عن زواج البنت مخليه فستانها شيفون خفيف يعني شوي وتطير من خفه
وورى مشكوك بخرز نعوم الوان على شكل معين بس ماادري وش الشكل
يعني كان اول التكلف بالفستان اما الحين عادي
اما بالنسبه للذهب لو ربي كتب لي نصيب ماراح اشتري اطقم ذهب ابداااا
يمكن لو انحديت اشتري ابيض اما الاصفر اتنرفز منه ومااحس انه ذهب
لذلك ابكتفي بالشبكه والهدايا الي تجيني
صج ماكو احلى من البساطه…حلات العروس نعووووووومه..
عاشقة الجوري …اوافقج الراي …وشكرا لمرورج
حلات العروس بنعومتها
وبالنسبة لذهب فيه ذهب نعوم وانا ماشريت من مهري الا قليييييييييييل لاني مثلكم ماحبه
ودعواتكم لان زواجي قرب
والله يجيب النصيب لكل وحده ماتزوجت
من ناحية الذهب ليما الحين احاتي شنو راح يقولون الحريم اذا بغو يشوفون الذهب وقلت لهم مااااااكو :down:
عالعموم..اهم شي الواحد يسوي اللي يريحه…
الله يوفقج دوووووووووم ويتمم عرسج على خير ويسعدج في بعلج العزيز :shy:
نبي رايكم…….
تتوقعون قويه ان البنت بيوم عرسها تلبس بدله خفيفه ؟؟؟
ناطره ردودكم عسولات
اما بالنسبه للذهب اللحين محد يشتري الذهب سوالف قديمه ،،، البنات اللحين ياخذون اللماسات بكل انواعها والوانها هذا اللي ماشي عندنا .
هذا رأيي
وتحياتي لصاحبة الموضوع
يعني ماخليته من فوقه لتحته كله لمعات و هالسوالف
و الحمد لله وايد قالو لي طالعه لبنانيه
قصدي ناعم بنعومته… اكيد لازم يكون غريب وفيه حركات…
لانه فستان العمر…
بعدين تبين الصراحه…المفروض البنت تشوف اللي يناسبها ويطلعها باحلى صوره ..حسب تقاسيم جسمها وملامحها ..
مومهم تمشي على مايمشون عليه الناس وهو ان العروس لازم لبسها منتفخ…
زبدة الحجي…
البدله لازم تكون ناعمه وبنفس الوقت غريبه عشان تفرق العروسه عن المعازيم
يعطيج العافيه ياقلبي على مرورج
اتمنى اني انا بعد اطلع مثلج اذا الله كتبلي نصيب…
موفقه انشالله…
ثانكس على مرورج
