صديقتي طلبت مساعدتي في طريقة تقديم مهر خطيبة أخوها
وأنا نصحتها مثل ما حصلت هنا بالمنتدى الرائع
طريقة الصندوق ووضع العود و دهن العود والورد الجوري
لكن هي حابة تضع شيك وتقول تريد تضع بطاقه تكتب فيها كلام حلو أو شعر لكن مو عارفين شو نكتب ؟؟؟؟؟؟؟
الرجاء منكن المساعده 😮
تحياتي
بس فكرة الجيك موحلوه حلاتها فلوس موورقه
ممكن تحطونهم بسله كبيره وخلو السله كلاها ورد جوري مقصص وبينهم لفلوس
او ممكن باقة ورد وتكون شكلها غريب وينحط داخلها لفلوس
اختي في فكره بس ممكن تكون غريبه
ياخذون قرشه زجاج بس كبيرة الحجم الي ينحط داخلها الفش وتحطون لفلوس بعلبه بلاستك وتتسكر عدل
وتحطونها العلبه داخل القرشه الزجاج وتحطون ماي وفش وتزينونها بالورد
بتكون علبة لفلوس داخل الماي والسمج
واذا اهيا خوافه مراح تمد ايدها واطلع لفلوس خليها اطالعهم بس هههههههههههه
تحياتي
كويتيه
حطي صندوق خشب كبير وحطي فيه صندوق نفسه صغير يكفي بس الفلوس بوسط الصندوق الكبير ونثري داخله ورد مجفف معطر وطبيعي وعطورات وبخور وقطع خام وزعفران ومن جهة اللي يتسكر فيها الصندوق الكبير لزقي ورق مال الرسايل وحرقي أطرافه وكتبي دعاء الزواج اللهم بارك لهما………الخ
ولما يودونه حقهم لازم يشيلونه شخصين من الاطراف
هذا اللي عندي
حلاتها الفلوس تنحط بيدها كاش وبطريقة حلوة .. بصراحه انا جاني المهر بشنطة دبلوماسية ..
كانت الفلوس مصففة داخل بس استانست يوم فتحت الشطنة حسيت بقيمة الفلوس أكثر ..
..
لكن فكرة الصندوق مع الورد أشوفها روعة وحلوة وايد
..