النهاردة جايبالكم طريقتى في عمل شاورما الفراخ كنت عاملاها لاخواتى
واللي اهم حاجه فيها التتبيله انا باستخدم تتبيله سبايسي اللي هيا طباخ في العلبة فعلا رائعه
عامة متستعجلوش حالا مقادير الشاورما وطريقتها هتنزلكم وكمان العيش او الخبز اللي بتتلف فيه
وده الشكل النهائي للسندوتشات
مع ملاحظة انى صورت اللقطات الاخيرة بسرعه لانها كانت بتتخطف خطف
في الاول هنزلكم العيش او الخبز
مكوناته
المقادير
3 اكواب دقيق
ملعقه كبيرة خميرة
ملعقة كبيرة سكر
نصف ملعقة صغيرة ملح
بيضة
كوب وربع ماء دافئ للعجين او حتى تمسك العجينة
الطريقة
نضع المكونات الجافه معا
الدقيق والسكر والخميرة ورشه الملح
ونخلطهم
ثم نضيف البيضه
ونعجن بالماء طبعا بايدينا او بالعجان
وده شكلها
ونغطيها ونتركها لتتخمر مش اقل من ساعه
وهنا بعد التخمير
نقسمها كور بعد ما نكون فرشنا تحتها بالدقيق
ونتركها تتخمر 10 دقائق
وبعدين ناخد كورة ونبدا نفرش الدقيق تحتها ونفرد العجين
وهنا اما خدت شكل الخبز واهم شيء ان سمك العجينة يكون رفيع
ونحضر طاسه كبيرة وندهنها بزيت خفيف جدا
ونضع عليها الرغيف
وهنلاقيه بدا ينتفخ
نقلبه عالوجه الاخر حتى يتم سواه
وهكذا حتى تنتهى الكميه واهم شيء كل ما تخلصي واحد تغطيه بكيس نايلون حتى يظل محتفظ برطوبته ومينشفش
للاسف نسيت اصورهم بعد ماخلصتهم
نيجي بقا للشورما نفسها
المقادير
انا بحب الفراخ تكون مسلوقه لان كثرة الامراض في الزمن ه توجب الحرص وفي نفس الوقت باخد بواقي الدجاج المتبقيه بعد اى وجبه
طماطم مقعه وفلفل اخضر وبصل مقطع جوانح
بهارات سبايسى "دى عليها عامل كبير"
زعتر
سماق زبادى
خل
معلش بهارات الفراخ جت زيادة
الطريقة
نخلط البهارات مع الزعتر والسماق والزبادى
ونضع عليهم الفراخ
ونتركها في التتبيله لمده 4 ساعات مثلا
وفي الاخر قبل البدء بعملها اضيف الخل
احضر الطاسه واضع فيها البصل
واتركة حتى يدبل
ثم اضيف الفلفل الاخضر
حتى يذبل
ثم اضيف الطماطم
في نفس الوقت اضع في طاسه اخرى الفراخ
واتركها تتشوح وتبدا تحمر
ثم اضيفها للبصل والفلفل والطاطم
واتركها تاخذ غلوتين عالنار واغلق عليها بغطاء واطفى النار
نجيب رغيف العيش ونضع مكونات الشاورما
وتقدم مع بطاطس محمرة "ملحقتش اصورها"
ممكن وضع سلطة طحينة مع الشاورما ولكن طعمها رائع ومش محتاج اى شيء معاها
وبالهنا والعافيه
ويارب تعجبكم
ولو جربتوها انا متاكده انكم هتبطلو تاكلو بره وهتعتمدوها
اية الجمال دة يا شهيدة انا كنت عايزة اعرف العيش كويس انك قوتى طريقته
تسلم ايدك يا ام عمر
ام جودى القمر سابقا & sosomedo سابقا
تحفة يا شوشو تسلم ايديك
بجد جوعت عاوزة واحد شاورما لو سمحت
مواضيعي
أطفالك و الفيتامينات الضروريه
كنافه و لا أروع بالصور من مطبخ أم بودي و يس
مصروف البيت اللي محيرك تعالي و أنا حأريحك ( ان شاء الله )
تعالوا شوفوا الدونتس اللي بودي بيقولي عليها ……. ممتازة
عيد ميلادي و من مطبخي أم بودي تعالوااااااااااااااااااا
مفيش أحلي من بفتيك أم بودي…. شوفي كده
اشتريتي ايه في مطبخك و عجبك و ايه تاني اتندمت عليه؟؟
تعلمي كيف تستخيري الله في أمور حياتك
كيف تصنعين طفلا يحمل هم الأسلام ؟
بس هو ايه السماق
 |
اقتباس |  |
 |
المشاركة الأساسية كتبها ايسمار  |
 |
 |
| روووووووووووووووووعة جوعتيني المرة الجاية اعزميني عليها وعافية على قلوبكم وتستاهلي احلى تقييم بس تقصدي البهارات مشكلة او نوع معين | ||
 |
 |
تسلمى حبيبتى واتفضلي الطبق كله
وجزاك الله خيرا عالرد الحلو والتقييم الاحلى
البهارات هيا بهارات الشاورما تبع شركة اسمها سبايسي وبيكون مكتوب عالعلبه بتاعتها طباخ في العلبة
وممكن تجربي لو عندكم تشترى بهارات شاورما
وفعلا بتدى طعم رائع
|
اقتباس | |
|
المشاركة الأساسية كتبها sosomedo |
|
|
| اية الجمال دة يا شهيدة انا كنت عايزة اعرف العيش كويس انك قوتى طريقته تسلم ايدك يا ام عمر |
||
|
|
تسلمى يا قمر
انتى فين واحشانا اوى
يلا منتظرة تجربيها وتقوليلي رايك
|
اقتباس | |
|
المشاركة الأساسية كتبها tobe |
|
|
| تحفة يا شوشو تسلم ايديك بجد جوعت عاوزة واحد شاورما لو سمحت |
||
|
|
لا الناس الوحشين اللى قاعدين في المطبخ على طول يطبخو لنفسهم
واحشانا يا توبي يا وحشه
|
اقتباس | |
|
المشاركة الأساسية كتبها Boody we zady |
|
|
| تسلم ايدكي يا شوشو و جزاي الله خير | ||
|
|
جزانا واياكى يا قمر
الحمد لله انها عجبتك
|
اقتباس | |
|
المشاركة الأساسية كتبها UM Hamzaa |
|
|
| تسلم ايدك يا شهيده
بس هو ايه السماق |
||
|
|
تسلمى يا اميرة
السماق ده بهارات بتدى مزازة للاكل وهوا بديل لدبس الرمان لو تعرفيه
انا هعملها ان شاء الله النهاردة هعمل بيتزا و شاورما اصلى عندى صدر فرخة مسلوق
ام جودى القمر سابقا & sosomedo سابقا