السلام عليكم ورحمة الله وبركاته
كيفــــــــكم بنــــــات وش علومكـــــــم انشاالله بخيـــــــر
اليوم سالفتي هي منتشره الصراحه عندنا وعندكم اكيــد في دول الخليج عـــامة اما في الدول العربيه والله مــــــادري بس يمكن بعضهم ومافــــــي لها حل نهائيــــــــاً….
نبــــــداء في السالفــــــه السالفه ياطولين العمر >>إخلصي بس بلا هذره زياده:dd:
مجتمعنا ليش يرفض البنت اللي تشتغل دكتوره او ممرضه او كاتبــــــــه
ويقولوا عنها كلام سواء صار اولاء مدري ليش يعني مثلاً ماتزوج الى رجال يكون يشتغل معها وعلى فكره هاذي حقيقه القصه وحده مؤدبـــه ومحترمـــه بس ولا حد خطبها ومطلعين عليها كلام وما خطبها الى ……تتوقعون ميــــــــــن …..:eek2:
الفراش هو اللي خطبهــــــــــا أدري هالشغله مو حرام بس مدري وش لون
وكمــــان الي مخطووبـــــــه مثلي يعني صراحة انا ادور وضيفـــــه بس مالقيت بس قالت أمـــي تبي تشتغلـــــي كاتبه وراتب 2000 قلت لها اذا فيــــــــه رجال مابي قالت لا في قسم الحريـــــــم
بس اكيد في رجال؟؟ قلت لها مدري بفكر بس اذا في رجال مابي
وقلــــــــت حق خطيبـــي كذا وكذا قال قفلي الموضوع أحسن لك يعني اذا بتشتغلي وش أبـــــي فيـــك ماعندنا بنات يشتغلوااااا قلت له انا مابكلم حد قال أنا واثق فيك بس هالكلام مايمشي على أهلــــــــي ((وصلــــنــا هنا)) أأأهــلي >>>الأهـــــل دايما يظنون باالظن الســـــــؤ من تأيدني الراي مدري وش فيه هالمجتمع انا صراحـــة قلت لأشتغلت بلبس قفزات للأيد والشربات معروفه على طول والعبايا والحمدالله ساتره بعد مامشى هالكلام ياليت حد يفهمني ليش يصير كذا ومين اللي تشتغل ممرضه او شغله ثانيه؟؟؟
وانا الحين أدور وضيفه ماني لاقيـــــــه بموووووت اذا المستشفى يسوي بلاوي مانبيه خلاص بس نيتنا زينه والله الحمد
طولت عليكم بس أبي رايكم
دمتم بحب
فعلا كلامك صحيح للأسف نظرة المجتمع لأي بنت تشتغل في مستشفى أو مكان فيه رجال نظرة سيئة ويكثر عليها الكلام
هذا لو كانت ممرضة أو أي وظيفة وأظن إن الموضوع يكمن في الإقلال من شأن الممرضات أو صاحبات الوظائف البسيطة
لكن تختلف النظرة لو أنها دكتورةعند البعض مع إن المكان واحد …..ليش؟
وهذا طبعا يدل على عدم الوعي والنظر للأمور بسطحية مطلقة حتى لو كانت البنت محتشمة وساترة نفسها وحافظة لشرفها
وفي ذلك ظلم خاصة أن هناك الكثير ممن لم تسعفهم الظروف ليحصلن على وظائف غير تلك الوظائف ليتمكن من العيش بسلام
وعدم الحاجة لأحد
مشكورة على الطرح القيم
تصدقين جتني وظيفة بمستشفى دله وعيادة ادمه وبصراحة رفظتها صعبة بسبة الاختلاط وانتي تعرفين نظرة المجتمع كيف
خصوصا زوجي رافض الفكرة ومرة كنت اسولف مع عمي وقلت له اني لقيت وظيفة بالمكان الفلاني قال عادي توظفي ماعليك من الناس ومن هالكلام خصوصا ان رواتبهم مرة زينه ويفتحون ملفات لأهلي كلهم خصوصا انه مستشفى فخم بس انا ماسمعت كلامه صعبة بصراحة اختلااااااط والناس ماترحم
لكن البنك ماعندي اي مشكلة حتى زوجي موافق
وبنت عمي لقت وظيفة بالبنك البريطاني لكن رفضت وابوها يقنعها وهي تعيي تقول اخاف الناس لأن نظرة البنت بالبنك مو زينه ابفهم شلون مو زينه والرجال بقسم معزول والنساء بقسم ثاني :mad2: صدق تخلف
لا وبنت عمي الثانية تقول ان خالها يتشغل فبنك وبينهم اتصال بالموظفات ويحلف بالله الوحدة اذا دخلت عاقلة مصيرها تحتك بالرجال ويصير الامر عندها طبيعي وعادي تكلم رجال شفتوا التخلف :angry:
الحمد لله وش دخل الاختلاط بالبنوك انا اللي اعرفه ان مديرة القسم بس هي اللي تبقى على اتصال لكن الباقي وش دخلهم :mad2:
معليش رحت لسالفة البنوك بس هي مثل سمعة المستشفى لكن المستشفى يمكن اقسى شوي
على العموم انا ضد فكرة المجتمع لكن بيجي يوم ارفسهم برجلي وماعلي منهم وعندي رب يحاسبني الحمد لله والأخلاق تلعب دور
ومشكورة على الموضوع المميز والرائع
اسيرة قلبه كلامك كله صح وحتى اللي يتوظفوا في البنك بعد وانا مدري شكلي بشتغل في المطار بس اهلي يطفشوني يوقولو من بيوديك ويجيبك بس مثل ماقلتي يبي لهم رفسه :dd: أشكرك حبيبتي على المرور وكلامك الجميل
موضوعك حلو يااختي الكريمةوانا وحده من اللي ضحوا بمستقبلهم علشان مجاله في المستشفى درست في كلية العلوم الصحية بكالريوس —مساعدة طبيب اسنان—سنتين وتزوجت وماعاد كملت وكان باقي لي سنة دراسة ونصف سنه امتياز بكل سهوله بطلت الدراسه وبكل صعوبة سجلت لاني يوم تخرجت من الثانوية ماسجلت في اي كلية مابي الا مجال التمريض وفعلا قلت لابوي ورفض بشدة وماعطاني وجه اصلا لاكني اخذت منه فلوس ورحت انا وواحد من اخواني الصغار بلموزين وسجلت فيها وانقبلت علا طول وبعدها تقبل ابوي الوضع ودرست ولماكانو يسالونيالناس واقول تمريض العيون تتقلب ويقولون مافيهاختلاط ويوم جا ابو الشباب اللي هو زوجي رفض وقال ماله داعي اختلاط وانا ماني مرتاح وانا مستعد ادرسك في اي مجال على حسابي الخاص لكن فكينا من المستشفى
بصراحه تحطمت وتعرفين الوحدة في بداية الزواج خبله ومصروعه شوي على فارس الاحلام حقها وتقول كل شي فدا رجوله موب عيونه بس والحين اغى ارجع ادرس باللي هي به لكن لافات الفوت ماينفع الصوت ويعلم الله انك حركتي شي في داخلي
معليش طولت عليكم وشكرا
والله السالفة غريبه يمكن هذا بس في السعوديه …
انا عن نفسي اشتغل في مستشفى بالعكس ما شفت عالشي والي اشووفه ماشالله كل يوم حد ينخطب ويعرس بس ما ادري الدور متى بيني هههههههه
وصارلي 4 سنوات وانا اشتغل ولا احب اغير بعد من كثر ما احب المستشفيات…
كلهم الحمدالله محترمين سواء بنات ولا شباب ولا دكاتره و ممرضين الكل محترم الثاني..
اول مره اسمع هالسالفه انا الناس ترفض البنت الي تشتغل في المستشفيات…
 |
اقتباس |  |
 |
المشاركة الأساسية كتبها عروس الموج |  |
 |
| مراااحب
والله السالفة غريبه يمكن هذا بس في السعوديه … انا عن نفسي اشتغل في مستشفى بالعكس ما شفت عالشي والي اشووفه ماشالله كل يوم حد ينخطب ويعرس بس ما ادري الدور متى بيني هههههههه كلهم الحمدالله محترمين سواء بنات ولا شباب ولا دكاتره و ممرضين الكل محترم الثاني.. اول مره اسمع هالسالفه انا الناس ترفض البنت الي تشتغل في المستشفيات… |
||
 |
 |
انا بعد استغربت من كلام الاخت سويت بيبي
والحمدالله انه ما عندنا نفس النظره هاذي …
تحياتي ….
المجتمع السعودي
مجتمع محافظ
جدا جدا جدا
غيرتهم على بناتهم
أكبر بكثير مما تتصورون
لكن هذا مومعناته إن البنت
الطبيبة او الممرضة تنتقد
وتُرفض .. أبدا مو جذي
كثير سعوديات دخلوا هذا المجال ونجحوا كمان
المهم تتمسك بحجابها وأخلاقها.
شو يعني باقي المجتمعات مب امحافظه…اكيد بنستغرب لان من وعينا احنا لافالدنيا ونشوووف بنات وايد تشتغل فالمستشفيات..
اكيد الموضوع في غرابه اذا وحده اتي اتقول ان ما يتزوجون او ينتقدون البنت الي تشتغل فالمستشفيات…لان هالموضوع ما حصل في دولة الامارات العربيه المتحده