انا من شهر تقريبا ولدت اول طفل لي بنوته يارب يخليها لي ولابوها
وبكمل اربعين يوم انشالله بنفس يوم زواجنا
ابي ليله مميزه لانه بنكمل اول سنه لنا مع بعض
ساعدوني بافكاركم المميزه بليز
ثانكس
ممكن تفرشين السرير بمفرش جديد وحلو وبنفس اللون خذي لك شموع وفستان وحطي موسيقى هاديه بصراحة هذه فكرة وحدة من الاخوات وكانت مجهزة كل شي باللون الابيض عشان تكون زي ليلة زفافهم ولاتنسين الورد تنثرينة على السرير وفي الحمام وحطي الفواحة او بخور عشان المكان يصير حلو ريحته وان شاء الله عجبتك الافكار(علما انها مستوحاة من المنتدي )
ووربي يوفقكم دووووم
في افكار وايد حلوة …
اول شي تحتاجينه انج تدخلين على المواضيع اللي مكتوب عليها مميز ..دخلي وشوفي كذا موضوع شوفي الحركات والاشياء اللي مسوينها وراح تاخذين كم فكرة ..
ثاني شي .. من الحين ابتدي اشتري الاغراض عشان زوجك مايحس بشي .. اشتري بالونات وشموع مع ورد مجفف و اشتري شريط الورق واخذي بعد شباصات اللي حجمهم صغير تبع هدايا الاطفال
واشتري هدية حلوة ومميزة … شي يحبه زوجك مثلا اخذي عطر مع شوية ملابس ولا تنسين باقة الورد …
يوم عيد زواجكم .. حاولي تبعدين زوجك عن البيت … ابتدي بترتيب البيت وبعدين التزيين
اخذي الشريط وحطيه بالصاله كانج بتنشرين الغسيل … وعلقي على الشريط صور تجمعكم من ايام الملجه والحفله والزواج وحطي عليهم الشباصات
وجيبي خيط اللي نسخدمه لخياطة الملابس وابتدي لفي الخيط على البالونات مثلا كل خمس بالونات ربطيهم مع بعض ( لان اذا خليتي البالونات جذي بصيرون كلهم في جهة وحده بسبب هواء المكيف )
وبعد ماتربطينهم وزعيهم في المكان اللي تبينه
ونجي للباب ,, الباب الرئيسي .. حاولي تخلينه مميز ( اخذي كم بالونه وحطيهم على الباب بشكل قلب وداخل القلب حطي صورة زواجكم )
وحاولي يكون اللون الابيض هو لون الحفلة مع شوية اضافات
اخذي كم وردة طبيعي او مو طبيعي على راحتج المهم ثبتيهم على الارض واخذي اوراق صغار وحطي لج روج احمر وبوسي الاوراق عشان تطبع شفايفك عليهم ولصقيهم مع الورد من بداية الباب الى باب غرفة النوم وآخر وردة حطي يمها رساله وثبتيها على الارض ,,, كتبي فيها ((( احب الارض اللي تمشي عليها )))
واخذي الشموع اللي ريحتهم حلوة وقوية وحطيهم بالحمام مع عدة المساج وسوي حركات بالفوط والورود ولا تنسين اتخلين زجاجة فيها رسالة لزوجك مع ورود مجففه وخليها في حمام السباحة واذا كان ماعندك بانيو تقدرين تخلينها في ملة او طاسه كبيرة
غرفة النوم ,, اشتري فراش جديد بدون مايشوفه زوجك وحطي كم شمعة في غرفة النوم وخلي الاضاءة تكون خفيفه وحلوة وطلعي البوم زواجك وخليه فوق السرير وخلي يمه باقة ورد مع الهدية
وغلفي الهدايا بتور ابيض ولفيها بشريط بنفسجي …
حاولي تخلين بالبيت بالونات وااايد بحيث لما يدخل المكان يحس انه غير ومميز
وتقدرين تاخذين الشريط تلفينه من فوق المروحه وتخلينه ينزل شوي لتحت وربطي فيه ورقة كبيرة مكتوب عليها كلام حلو
وبعدن ابتدي بتجهيز نفسج اذا تبين اتروحي الصالون سوي استشوار وحطي ميكب ولبسي بجامة بيضاء وتكون مميزة وحلوة
والكيكة اخذيها جاهزة وخلي اي احد يوصلها لج
وعليكم بالف عافية ان شاء الله بس الافكار مناسبة لج