مرحبا عرايس
شلونكم
انا نزلت موضوع من قبل عن معاناتي مع ولدي وية الامساك
ولحين نفس المشكلة
يشرب عصير برتقال باستمرار وانواع كثيرة من الفواكه
يعني اكله طول اليوم تقريبا فواكه وخضرة
وما ادري ليش يعاني من الامساك جذي
والله مو عارفة شنو اسوي
في احد يعاني مثلي
والله نفسيتي تعبانة
وابني عمره سنتين و9 شهور
شنو اسباب هالامساك والله محتارة مو عارفة شنو اقول ولا شنو اسوي
تكفوني ساعدوني
اختي الصغيرة نفس القصة …..
بس شوي اتحسنت الحمدلله ….
ابوي دووووم يعطيها ع الصبح عسل … و يخليها تاكل ع الغدا تمر …حاولي ويا ولدج انشالله ينفع وياه
حبيبتي انا اعاني من نفس المشكله ..
لدرجه انه يوم يبا يسوي يصيح ويحبي مثل الياهل الي توه بادي ..
وفالنهاية ما يسوي شي … ولا بيسوي شوي شوي وتكرمين يكون ياااابس
مب عافه شو الحل …….. ما خليت مكان ما وديته … لا ادويه تفيد ولا زيوت
الله يشافيج
اختي جربي تشربيه يانسون كتيير كويس ويعمل اسهال وكمان المريمية رااائعة
جربي ومارح تندمي ان شاءالله
برتقال على الريق او عسل
ولدي نفس العمر سنتين وتسع شهور امساك معاه من عمره سبع شهور ما خليت شي ما جربته بس نفعت معاه القصريه بس بعده كان الخروج يابس وكبير يتعب منه بس من يوم ما جربت agiolaxارتحت وااااااااااااايد وصارت اموره طبيعيه الحمدلله وحتى لي جاني امساك سبب لي جرح بس جربت اجيوللاكس وراح الحمدلله
أختي الغالية
بقولك تجربة حصلت مع بنت أختي وعمرها سنتين من لما صار عمرها سنة وهي دايم إمساك ولما تحب تعملها تجلس تبكي وتروح بعيد عنا وما تبي أحد يقرب منها وبعد ما تخلص تكون مجروحة وتنزف وما تركت أختي وزوجها طبيب ما راحوا له جربوا علاجات مسهلة وجربوا تحاميل بس ما في فايدة المهم واحدة نصحت أختي دايم تعطي بنتها زيت زيتون تشربه ساده في أوقات متفرقة من اليوم وبين الوجبات بس الصغيرة ما قدرت تشربه قامت أختي تحطه في رضاعتها مع الحليب أو العصير أو مع الأكل الخاص ببنتها
وكانت تعطيها حليب السعودية والحين بدلته بحليب صافيو لأنه أخف منه والحمد لله راح الإمساك
وتجربة ثانية مع بنت أخوي من يومها صغيرة دايم إمساك ودم ونزيف لدرجة إن أمها كل ما صارت البنت تعملها تجلس تبكي حتى تخلص بنتها من حرقة بنتها بقلبها وهي تشوفها تتلوى من الألم وما فاد معها أي علاج ……. وحملت مرة ثانية ولما كانت تولد كل ماحمي عليها الطلق كانت تدعي لبنتها بالشفاء من الإمساك …. وسبحان الله تحلف من بعد ما ولدت بنتها الثانية إن بنتها المريضة بالإمساك الحمد لله شفيت وصارت تعملها عادي بفضل من الله ثم بفضل الدعاء لها أثناء الولادة..
هذا بس اللي أذكره من تجاربهن وإن شاء الله بتأكد من أختي إذا كان جربت لبنتها شيء ثاني وهو اللي فادها برجع وأقولكم..
هلا اختي
مثل ماقالوا الأخوات اعطيه عسل على الريق
اذا كان يشرب حليب صناعي اذهبي الى الدكتوره
او اشرحي حالته او بتغير لك الحليب ممكن منه
خليه يشرب مويه كثير و ياكل برتقال كثير و يبتعد عن التفاح لانه يزيد الامساك عنده
الله يشفي ابنك و مرضى المسلمين