السلام عليكم حبيباتــي
اليوم راح اتكلم في موضوعي عن ثلاث انواع من الليزر
ليزر ازالة الشعر – ليزر التنحيف – ليزر التفتيح
طبعاً انا راح اتكلم عن الأنواع الاكثر شهره وفعالية في مجال الليزر …
اليوم راح اتكلم بالموضوع عن الليزر بشكل مبسط وليس بشكل علمي لاني ابي الموضوع يوصل للبنات بشكل سلس
(ليزر ازالة الشعــر )
افضـل نوع الجنتل ليـزر
كثرت تجارب البنات في ليزر ازالة الشعر بالفترة الاخيره والاغلبية يجهـل الدرجة المناسبه لجسمه .. الممنوعات قبل الليزر .. وأشياء أخرى
اول شيء احب اقول شغلة لمن تروحين وتسوين ليزر لازم تكونين نبيهه لا تتوقعين ان الاخصائية بتكون خبيره بشكل كبير انها تختار لك الدرجة المناسبه
يعني لازم تكونين واعية وتكونين قريتي عن الليزر كثيــر
اول شيء الليزر وخصوصاً الجنتل ليـزر له درجـــات
( درجة الليــزر )
كل ما كانت درجة الجلد فاتحه كل ما صارت الدرجه اعلى بمعنــى الي لاحظته من خلال صديقاتي
البشره السمراء تحت الــ 10 غالباً تكون درجتهــا
البشره القمحية والبيضاء الغامقه غالباً تكون بين 12 -16
البشره البيضاء من 14 وفوق
غالباً المنطقة الحساسه والركب والاكواع يستخدمون لها هالدرجات : بين 8 الى 10
لمن تكون بشرتك بيضاء جداً وتستخدم لك الدرجه 9 اعرفي انها قاعده تضحك عليك عشان تطول الجلسات ويصير تدفعين فلوس زيادة
لمن تكون بشرتك سمراء جداً وتستخدم لك الدرجة 14 انتبهــي تكون هذي مب فاهمه بشغلهــا ويمكــن تحرقــك
اتمنــى موضوع الدرجات وصــل بصورة واضحــه
يعنــي لمن تختار لك الدرجة وتبدء شغــل حـاولي تركزين بالدرجه الي اختارتها لك واسأليها ..
لازم يكون درجة الركب والاكواع والمنطقه الحساسه غير عن الجسم
الا الي جسمها لون واحد وهذا نادر
لانه حتى خشونة الجسم تأثر على اختيار الدرجه
قبــل ما تروحين لليزر يجب ان يكون جسمك نظيف خالي من الزيوت .. لان زيت + ليزر = تصبغات وحروق
اذا كنتي تستخدمين كريم تفتيح او تقشير اوقفيــه قبل موعدك لليزر بـمدى اقصاها 3- 5 ايام
تقدرين تسوين حمام مغربي مع الليزر وبالعكس يخلي الشعـر يطيح بعــد 6 ايام اقل شيء و 10 ايام اكثر شيء
اكثر مناطق استجابه لليزر : الابط – الساقين- الشنب
اقل منطقة استجابه لليزر : اليد -البطن
مفعول الليزر يكون بشكل ملحوظ بعد 4 جلسات
اغلب الاجسام تحتاج 8 جلسات للجسم كامل والجسم المشعر يحتاج 12 جلسة او 14 جلسة
(فيه شيء اسمه ريتتش )
هذي عباره عن جلسة بعد 10 ايام من جلستك الاصليه تمرر الليزر على المناطق الي نسيت تمرر الليزر عليها او الي ما تأثر بالليزر
طبعا للأسف اغلب العيادات الحين تقول الريتتش مب مهم .. هالشيء غلط الريتتش مهم لانه يساهم في انه الليزر توصل نتيجته بشكل تمام ..الريتتش مهم خصوصاً للبكيني والابط
ثاني شيء ( سمــاكة الشعــر )
كل ما كان المكان فيه الشعر سميك واسود راح تكون استجابة الليزر فيه أسرع .. اما الشعر الي يكون وبر وخفيف نصيحه لوجه الله لا تستخدمين الليزر له
خصوصاً شعــر الوجه غالباً يكون فيه مناطق منه الشعر فيه وبر .. ومنطقة الذراعين من فوق والكتوف الشعر فيها غالباً وبر
عموماً اذا كان شعرك وبر (خفيف) وتمرر الليزر عليه راح يزيد ويصير اسود وممكن تضطرين تسوين له ليزر طول حياتك
فيه بعض الاخصائيات تستغل الزبونه وتقول لها خليني اسوي لك منطقة الوبر راح يخشن الشعر فيها بعدين يخف مع الليزر هالشيء غلط وقولي لها
اعرف بنت سوت لشعر وجهها ليزر وكان شعرها وبر وصلت الحين للجلسة 19 والشعر في ازدياد
كيف طريقة الليزر :-
اول شيء تدخلين غرفة ويلبسونك لبس المستشفيات لوول .. وتختار لك الدرجه المناسبه لجسمك بعدين تحلق لك كل جسمك بالموس .. او انتي احلقي لنفسك بالبيت احســن
وتبدء تشتغل على منطقه منطقه بانها تمرر الليزر عليه عشان تحرق بصيلات الشعر
طبعا الليزر يعور انا اشوف عواره اخف من الحلاوة
يفضل تستخدمين بنج قبله .. عباره عن بخاخ املا وكريم مخدر من افالون
فيه بنات للاسف بعض الاحيان البنج يسبب لهم حروق اذا استخدمته عشان كذا افضل انك توزعين البنج على جسمك ولمن تجي موعد جلستك قبلها بخمس دقايق غسلي المكان الي حاطه فيه بنج
يفضل انك تحطين البنج قبل الجلسة بنص ساعه ..
غالباً تكون مدة الجلسة للجسم كامل :- ساعتين
بعدين ترجعين بعد 10 ايام وتسوي لك ريتتش تكون مدة الجلسة ساعه الا ربع واحياناً نص ساعه
الليزر حلو للتخلص من هم ازالة الشعر بشكل شهري ومفيد في تفتيح الجسم لانك تخلصتي من سماكة الشعر الي تأثر على لون الجسم ومفييييييييييد بشكل كبيــر للمسامات خصوصاً النقط السوداء الي بالرجل الي هي المسامات الواسعــة
يفضــل مع الليزر تستخدمين كريمات تخفيف نمو الشعــر تلاقينها موجودة في شركات كثيرة اشهرها نيوديرما
الليزر لازم بين جلسه والثانيه تستخدمين الموس لو جتك مناسبه فجاءه كمان استخدمي الموس
لو استخدمتي الواكس او الحلاوة او الآلة معناه راح مفعول الليزر
يفضــل بعد الانتهاء من الليزر تمرري كمادات ثلج واستخدام احدى الكريمات التاليه :-
1- فيوسباكت بي
2- فيسودين
3- ميبـو
افضـل انواع الليـزر :-
1- Gentle Lase
2- ليزر الثلج هذا فقط مناسب للبشرة البيضاء
اسوء انواع الليزر
ليزر الضوء light laser ما منه فايده لا يخفف نمو الشعـر .. فيه ناس يفيدهم لمنطقة الوجه
واخيراً الليـزر ما يخوف بالعكس اعتبره انا احدى الطرق الآمنة لازالة الشعـر لكـن لازم يكون الشخـص على درايه كامله بموضوع الليزر حتى لا يقع بالاخطاء او يتعرض للنصـب
————————————-
ليزر التنحيــف
افضـل نوع من وجهة نظري السموث شيب
السموث شيب اثنين في واحد
تنحيف + نحــت
طبعا فيه جهازين كمان اقوياء ال بي جي والاكسنت بس انا ما حبيتهم من بين 10 بنات يعطون نتيجه لبنتين او ثلاث
بس السموث شيب فرق مع بنات كثير
اول شيء السموث شيب عبارة عن جهاز يقوم بثلاث اشياء :-
1- نحت الجسم
2- القضاء على السيلوليت
3- تغيير مقاسات الملابس
الجهاز عبارة عن مساج بالاشعة الحمراء يتم فيه مرحلتين :- المرحلة الاولى ليزر يسخن المنطقه والمرحلة الثانية هواء بارد يقوم بعملية شفط للجلد
الجهاز هذا اول شيء يقوم بنحت الجسم بمعنى لو نأخذ مثلاً منطقة البطن يصير فيه نحت للبطن يصير الدهون الي في الجوانب تصير وسط البطن ومع الوقت تخرج اكرمكم الله مع البول
ثاني شيء القضاء على السيلوليت الي هي مناطق تجمع الدهون وليس له دخل بالخطوط البيضاء والحمراء
ثالث شيء لانه يقوم بالنحت مع الوقت راح تتغير مقاسات الملابس راح تصيري تلبسين اصغر من مقاسك باثنين او ثلاثه واحياناً اكثر
غالباً مدة العلاج عن طريق السموث شيب تكون بين شهر او شهرين
جلستين في الاسبوع اي 8 جلسات بالشهــر
مدة الجلسة ساعه الا ربع
يجب معاها شرب 8 اكواب ماء باليوم وكل ما كان أكثر كل ما كان أفضل لانه الماء يصرف الدهون عن طريق البول اكرمكم الله
يفضل انك تقومي بعمل السموث شيب منطقه منطقه وليس الجسم كامل بنفس الوقت عشان يكون النحت على دفعات وتعرف الاخصائية تنحت جسمك بشكـل يتناسب معك
طبعاً في البدايه لازم ياخذون وزنك وطولك وفي كل اسبوع يتم اخذ قياساتك الجديدة
مع الليزر يجب القيام برياضة لمدة نص ساعه يومياً اما سير او دراجة او سباحة..
هذا مقطع يوضح السموث شيب
————————————-
VRM ليزر التفتيح او ما يمسى بالليزر الكـربونــي
هو عبارة عن ليزر يصغر المسامات في الوجه وعلاج فعال لحب الشباب والتبقعات والكلف والنمش يكسب البشرة لون جميل وفاتح
عبارة عن جلسة كل 10 ايام .. طبعا في البداية تسوي لك تنظيف بغسول حسب نوعية بشرتــك وبعدين تحط قناع لونه أسود على وجهك
هو عبارة عن بودرة كربونية وتبدء تمرير الليزر على وجهك راح تحسين بألم خفيف وهذا عادي ولو حسيتي بألم جداً قوي هذا معناه انها رافعه الدرجه اطلبي منها تخففها
الليزر الكربوني يستخدم لتفتيح اغلب مناطق الجسم .. الوجه والرقبه والابط كما انه فعال للركب والاكواع
لازم معه تعطيك الاخصائية كريم تفتيح لتسريع النتائج
انا اشوفه حلو للي عندها مناسبة وتبي نضارة للبشره .. الي عندها مسامات يصغرها جدا …
الليزر يترك الوجه احمر لمدة اسبوعين وبعدين ممكن يقلب اسمر لمدة اسبوع وممكن لا على حسب البشرة .. وبعدين البشرة تبدء بالتفتيح .. فيه كثير ناس لاحظو من خلال استخدامهم لليزر الكربوني انه يصغر العمر لانه يعالج التجاعيد بشكل طفيف..
بشكل كبير الليزر الكربوني يشبهه التقشير باحماض الفواكة اثنينهم نفس المفعول وأسعارهم نفس الشيء تقريباً .. اختاري ما يناسبك عزيزتي وافعليه ..
اتمنــى يكون موضوعي رد على كثير من التساؤلات في هالموضوع وأي سؤال انا حاضره للاجابه عليه
تحيــــاتيF:F:
~*~*~*~*~*~
هااااي دلوعه .. انا استخدم الليزر لازاله الشعر . .
طبعاً انا اشتغل بمستشفى وعندنا عياده متكامله لليزر . .
اول شيء قسم ازاله الشعر عندنا جهازين . .
IPL .. وهذا الجهاز جلساته تاخذ وقت اطول وعباره عن ضربات بايد الليزر يعني تحط ع المنطقه وتضغط الزر .. هذا حرارته اكثر .. ومره سبب لي علامه برجلي بس راحت . .
Diod هذا الي كله استخدمه .. بس مرات يكون بالصيانه اضطر استخدم اي بي ال .. طبعاً هذا جلساته وقتها اقصر .. الان رجلي اختفى مها بنسبه ٩٠٪ والي يطلع صغير وخفيف جداً فرق كبير عن اول .. والابط ما يطلع فيها الا من وين لوين .. بس الايدين لا للحيين يطلع فيهم يعني ايديني تقريبا بنسبه ٥٠٪ . .
الجهاز هذا اليد تمرر على اليد وتكون بشكل دائري او طولي يعني مو طقات مثل الاولي .. وقته اقصر وجلساته اقل ويسمح ان تغطى كل المنطقه وحرارته شبه معدومه
وتخيلي الكربوني عندنا بنفس جهاز الاندياق .. بس الكربون ضايع يا حساافه .، من قلتيلي عليه وانا ادور الكربون ابي الاقيه ..
الطبيب يقول ان الجهاز نفسه بس نضع عليه بودره الكربون .. وان ممكن من غيرها يسوي شغله .. هو حقيقه انا ودي بس للاسف الطبيب اهو الي يستخدمه الفنيه ما تعرف لهذا النوعمن الليزر لانه يحتاج خبير متمرس .. وشفت نتيجه علي بنت بوجهها .. بس اكيد ما اخلي الطبيب يسويلي ظهري ..
في عندنا جهاز للتنحيف اسمه Kuma وفي عندنا جهاز للبشره والتجاعيد وحبوب الشباب
وجهاز للنضاره والتفتيح واثار الوشم والبقع والكلف
في جهاز
وفي كمان
Indiag
آخر حل الليزر و حاليا تقريبا سويت جلستين أو ثلاث و عندي موعد في الشهر القادم
بس ماخفت النقط أحس إلى الآن شعر تحت الجلد ونقاط تعبت منهم
و سويت ليزر ل اديني و ما أحس بنعومه مثل لما تشيلي بالحلاوه
و جلسة الرتوش بعد ١٤يوم
واسم الجهاز deka
وطبعا لازم قبل ما اسوى ليزر ادخل ع دكتور أو دكتوره
الدكتوره طق عصى ولازم موعد أما الدكتور ع طول تدخلين
اخترت دكتور تخيلي جلست اقوله وش بسوي و كذا طيب
و انتظر يفحص شى بس قال وهو جالس أشوف يدك وشاف يدي و كتب اسم الجهاز هههههههه
مدري أحجز مره ثانيه عند دكتوره تفحص ؟
دلع ترى مو شرط انا الي عندنا دكتور وما يشوف .. الليزر يبين نتايجه مع الاستعمال يعني اذا اول تبدأ خفيف وتسألك اذا الحراره اوكي اذا ما تتحملينها تقصر عليها او اذا تبين تزودها تزود
وبعدين بعد النتايج تشوفين . . تحدد .. الحمدلله احنا عيادتنا صار لها ما يقارب ٣ سنين وشي تشتغل والليزر ماشي وما يشتكون وايد . .
النقط الي بالرجل تخف بعد ما يبدأ بويصلات الشعر تموت وتخف . . انا مثلج خفت وااايد . . بعد كم جلسه يمكن خلاص ما عااد احتاج ..
بس الايدين لا يبيلهم وقت ..
ماشاء الله عليك يا دلوعة
راجعة بنشاط ومواضيع رائعة
بارك الله فيك على هالموضوع المفيد جدا
وتسلم يدك
استفدت كثير
انا منطقة الافخاذ عندي مليانه وفيها سيلوليت مره مضايقتني
تتوقعين يفيد معها التنحيف بالليزر ؟
و ظهري فيه اثار حب شباب قديمه يمكن من عشر سنين وطالع ظهري اسمر مره
تنصحيني اسوي ليزر كربوني والا ماراح يفيدني ؟
