شو رايكم تكتبون عن اول زياره لطفلك للحلاق او الصالون؟؟ كم كان عمره؟؟ شو كانت رده فعله ؟؟ هل كان هادي و مطيع ولا سوالج حفله؟؟؟ :gum:
منو اللي وداه؟؟ انتي و لا ابوه ولا وديتوه مع بعض؟؟
وهل عيبكم اللوك الجديد ؟؟
بالنسبه لي..وديت حمودي من يومين (بيكمل سبع شهور بعد يومين )لاني كنت حاسه ان شعره بدا يطول و يلتف..وصار شكله مبهدل..فوديته انا وابوه صالون للاطفال
طبعا في البدايه الحبيب مستانس و يالس في العربانه مالته و يطالع اليهال…
ويوم يا دوره..
سوالنا عرس
صاح طول فتره الحلاقه ..وابوه ماسكه وانا ماسكه التيلفون واصور طبعا لاني نسيت الكاميرا والكميرافيديو في البيت :angry:
وفديته يصيح بدموع وكل ما يشوفني يصيح اكثر
ابوه توتر اكثر عنه خخخخخ و عرق و ما خلى الفلبيني ينشف له شعره بالسشوار …
طبعا الريال ما قدر يقص له عدل بس المهم بشكل عام القصه كانت اوكي و شكله اترتب و صار كيوووت
وخذت خصل من شعره لذكرى ..بحطها في كتابه اللي فيها كل المعلومات عنه من يوم ما انولد…
يلا
في انتظار مشاركاتكم….
ولدي سعودي بعده عمره 3 اسابيع بس من الحين يسوي لنا عرس دلووووووووووع يوم بوديه الحلاق بخبرج بالتجربه ..
وداه أبوه الحلاق وأنا ما أدري كان عندي موعد وقالي بياخذه عند الألعاب,,,
وكان الحلاق في نفس المركز ,,,
وأول ما طلعت من العيادة وإلا أتفاجأ انه ولدي محلق,,,
بس ريلي يقول انه كان هادي,,, كان عمره 6 شهور
يوم كمل السنه تشجعت اني أوديه الحلاق وكنت مستانسة وااااااااايد على بالي ولدي بيكون هادي,,,
وأول ما سمع صوت مكينة الحلاقة بدت الحفلة وما رضى يتحلق الحبيب وطلعنا من الحلاق,,,
بعد كمن يوم أصريت أنه لازم هالخوف يروح,,
خذت مكينة أبوه وشغلتها وسويت عمري أني أحلق شعري وهو يشوفني ويصيح,,
استمريت 3 أيام والحمدلله صار ما يخاف من الحلاق,,,
اقتباس | المشاركة الأساسية كتبها عروس كتكوته |
فديته يا ربي …….الله يخليه لكم
ولدي سعودي بعده عمره 3 اسابيع بس من الحين يسوي لنا عرس دلووووووووووع يوم بوديه الحلاق بخبرج بالتجربه .. |
||
فديته الله يخليه لكم..بنتريا تجربتج
الله يخليلج حمودي …وزين فجيتي عقده الماكينه…شكلي لازم اسوي حق ولدي هالحركه عشان يتعود عالصوت
كان شعره مثل ولدج angel eyes ناعم وطويل وملفلف وصاير كأنه ريش على قولة أبوه ،
ولازم لما أسبحه وأمشطه ألبسه قبعة عشان يهبط…
عاد ذاك اليوم قلت مافيه لا زم أعدل فيه شوي، وقلت حق زوجي الماكينة اللي عندك إلى أي رقم؟
قال:6، قلت له يعني الشعر يطلع شطوله؟ قال: هالطول، وأشر لي بصبعه قدر أنملة:smile:
المهم قلت ياللا بسم الله وأمسك انا الولد وأبوه مسك الماكينة وهو حياتي يطالع فينا ولما
بدا أبوه من عالجنب ولا مافي شعر!!!:eek: طالعنا في بعض وقلنا ياللا نكمل…وصار الولد أقرع:pain:
وتمينا نضحك عليه مسكين وهو مايدري شالسالفة، وعاد في البرد حياتي مايصلح مع القرعة
وزعلوا علينا جدانه وكل من شافه قال حرام عليكم إلا الدكتور يوم شافه قال تدرون انه ثبت
علمياً ان الطفل لما ينقص شعره تتغير نفسيته للأحسن ويصير مفرفش أكثر وحتى شهيته
للأكل تتغير!!!
يوم سألت ابوه شو لعوزك حمودي قاللي اول شي قام يلعب واشحلاته وبعدين قام يصيح ومايبغي يقعد على الكرسي
وقصة شعره طلعت حلوه
عاد اول مرة راح معاه ابوه ، والحمد لله حسون كان جدا عااااااااااادي لدرجة انه كان كل يضحك كأن الحلاق قاعد يلاعبه ويضحكه مو يحلقه :gum: والين الحين وهو عااادي وحتى يستانس لين بيروح الحلاق :shy:
اللوك طبعا طلع حلووو وكان هاللوك عشان حفلة عيد ميلاده وتغييير وصار وسييييييييييم :shy: واتذكر ان الحلاقة صارت في الليل ويوم ثاني كان عندي جامعة وقعدت اخبر البنات ان وديناه الحلاق لاول مرة وما شفت روحي الا واحشني حسون مووووت وخاطري فيه <<< بسبب اللوك الجديد هههههههه
وحمود مع ان شعره ما شا الله عليه طويل وكثيف الا ان للحين ما قصيناه .. ما ادري بخليه مثل اخوف الين يكمل السنة ولا قبل :shy:
اقتباس | المشاركة الأساسية كتبها Daisy Ash |
والله أنا وأبو رشود لعبنا في الولد وحلقناه في البيت:gum: كان شعره مثل ولدج angel eyes ناعم وطويل وملفلف وصاير كأنه ريش على قولة أبوه ، ولازم لما أسبحه وأمشطه ألبسه قبعة عشان يهبط… عاد ذاك اليوم قلت مافيه لا زم أعدل فيه شوي، وقلت حق زوجي الماكينة اللي عندك إلى أي رقم؟ قال:6، قلت له يعني الشعر يطلع شطوله؟ قال: هالطول، وأشر لي بصبعه قدر أنملة:smile: المهم قلت ياللا بسم الله وأمسك انا الولد وأبوه مسك الماكينة وهو حياتي يطالع فينا ولما بدا أبوه من عالجنب ولا مافي شعر!!!:eek: طالعنا في بعض وقلنا ياللا نكمل…وصار الولد أقرع:pain: وتمينا نضحك عليه مسكين وهو مايدري شالسالفة، وعاد في البرد حياتي مايصلح مع القرعة وزعلوا علينا جدانه وكل من شافه قال حرام عليكم إلا الدكتور يوم شافه قال تدرون انه ثبت علمياً ان الطفل لما ينقص شعره تتغير نفسيته للأحسن ويصير مفرفش أكثر وحتى شهيته للأكل تتغير!!! |
||
هلا بام راشد
ياحليله رشود…بس تدرين انا بعد لاحظت انه فرفش اكثر مع القصه..هههههه