السلام عليكم
خواتي انا قلت لكم قبل اني استخدمت منتجات شركة فورايفر علشان انزل وزني ..
وبخاصه ها البرنامج Clean and Lean
ونزلت 10 كيلو ..
جيت وجربته اليوم بعد لاني ابي انزل 6 كيلو بس زياده
طولي 160 ووزني الحالي 60 وابي اخليه 55 او 54 .. وبالمره قلت باريح معدتي لانه عندي القولون العصبي والاكل يضرني ..
ــــــــــــــــــــــــــــــــــــــــــــــ
اليوم الاول ..
ماكلت طبعا ولا شي وابتديت يومي بحبوب الجارسينا مع الماي ولعبت رياضه وبعدها شربت الجل ..
اكره شي فيه انه مر بس مع الوقت تعودت عليه ..
الساعه 11 كلت حبوب البي بولين ( دنج النحل ) وشربت معاه ماي ..
الظهر جيت وتغديت خذت حبوب الجارسينا والماي ونطرت شوي بعدها اولفيرا جل واخر شي
فور ايفر لايت بالشكلاته مع الحليب والماي
والله انه من بعدها مالي خاطر اكل اي شي احس اني مليانه خلاص ..
وطبعا جينا للعشى خذت جارسينا مع البي بولين وماي ولعب رياضه وبعدها اولفيرا جل ..
ولعبت رياضه اقين
قبل النوم خذت لي الجل وشربت ماي
وتصبحون على خير ..
ولقائنا بكره ان شاء الله مع اليوم الثاني ..
والله يحقق مطلبك
وبنستني الموضوع الجاي ان شاء الله
تسلمين يالغلا على المرور .. واكمل اليوم
______________
ثاني يوم اتبعت نفس اليوم الاول وصج كان صعب بس اخف من اليوم الاول ..
ونمت وانا مرتاحه واحس عمري خفيفه ..
_____________
ثالث يوم .. الكل لاحظ انه وزني بدى يخف .. وانا مرتاحه جدا وماشتكي من صداع ولا شي..
وكثرت من الرياضه بها اليوم .. وقمت اشرب ماي زياده ..
______________
اليوم الرابع .. اليوم
بعدي صامده واقاوم اي اكله اشوفها جدامي .. المهم اني انزل ها ال6 كيلو باي طريقه
لحد الحين الامن مستتب .. واحس انه وزني نزل لان ملابسي اوسعوا علي شوي ..
وناطره باقي الايام ..
طبعا اليوم اجازه وناسه مرتاحه بالبيت ..
صرت احب اسوي الرياضه وماتكيسل عنها نفس قبل .. تركيزي لموادي صار اوكي ما اثر علي الرجيم
وبعدي صامده واقاوم اي اكل جدامي ..
امس لبست جاكيت شتوي كان ضيق علي .. تفاجئت يوم صار مقاسي ويتسكر كامل وناااااااااااااسه
بس بعده تايد على جسمي وانا احب انه يكون اوسع
ومابي اوزن لين الاسبوع الجاي .. فمتحمله ..
بس الجل مر ويوم عن يوم احب مرورته وتعودت عليها