أنا ولدي عمره 1 وشهرين وصار من فتره تقريباً اسبوعين يمد يده ويضربني على وجهي أو يمسك شعري ويشده … مع العلم أنه لاأنا ولا ابوه نضربه ولافي البيت أطفال يضربونه ولايشوف ضرب ..
ماأدري من وين تعلم الضرب ..
ماأعرف كيف أتصرف معاه ؟؟
جربت أني امسك يده لما يضربني مافي فايده :no:
جربت اني اضربه على خفيف على يده واقوله عيب نفس الشي مافي فايده
جربت اني أغاور عنه يعني اسكت لما يضرب وماأعطيه وجه ونفس الشي
وشو الحل ؟؟ساعدوني ؟؟:cry:
ربي يحفظه لج
اختي منولة هذا شي عادي لطفل بهالعمر .. لان تفكيره صاير يتطور ! ..
ولدي يوم يسوي جذي اباعد يده بهدوء يعني و اقول له ( لا ) باسلوب لا هادىء و لا عصبي و الحمدلله ترك !
و هاي طريقة سوبر ناني ..
اذا استخدمتي معاه القسوة والشدة في هالحالة بيعرف ان هذا الشي يزعج فبالتالي اذا بغى اي شي وماسويتيه بيمد يده ( انا بنتي تسوي جديه اذا امنعها شي تعرف الاشياء اللي ما احبها وتسويها) فالاحسن انج تتعاملين معاه بهدوء والتجاهل افضل حل
تحياااتي
من يضربني ابعد يده واقول له لا عيب
ويرجع يسوي نفس الحركه واحمر له عيني واقول له عيب
وبعدها مايعيدها يبتسم ويروح
اشوفه شوي شوي خف واللي اقول له لا ماييرجع يسويه
وحتى لو رجع وسواه هو توه نونو بس ارجع واذكره
وطبعا انتي المفروض تعلمينه شوي شوي عشان يعرف ان هالشي عيب
وانتي تقولين لا وعيب حمري عينج عشان يعرف ان هالشي غلط
وهالسن احسن سن للتربيه الصحيحه لان عقب السنتين بيصير عنيد واللي في راسه بيسوي
والله يعينج
