شحالكم حبايبي شخباركم شوو مسوووين عساكم إلا بخير فديتكم شو رمضان وياكم إن شاءالله اوكيك إن شاءالله ختمتوا كذا ختمه تراه وصلناا نص رمضاان ربي يتقبل منا صيامنا ويرزقنا فضل ليلة القدر قولوا آآآآآآمين
فديتكم ما يصير ما تدخلون الموضوع وما اذوقكم Sweet اللي انا سويته فديتني والله قمت ادش المطبخ واصير حرمه سنعه لووولز 
اناا امييييه كانت تسوي جداامي وعقب قالتلي يالله كملي
شورايكم بالأيس كريم اللي انا سويته
وسويتلكم مجموعه خاصه لحبايب قلبي فديتهم بنات عرووس
حبايبي اليوم موضوعي عن حفله رحتها امس اربيعتي عرسها بعد رمضان وانا طبعاا ما بقدر احضر العرس لظروف تحكمني فأربيعتي قررت تسوي حفله … والحفله كلنا متيمعين اربيعاتي اياام المدرسه واياام الجامعه فديتهم والله عاد صارلي من فتره ما شفتهم وماشاءالله كانت القعده ونااسهـ
فأنا يتني فكره اصورلكم كيف كانت أناقة Miss P!nky مثل ما تعرفون نحن اهني نستفيد ونفيد غيرناا صح وانا مابي منكم غير دعوه حلوه في هذا شهر الكريم
انا بغيت اكون في الحفله أحمريكااا واخترت هالملاابس عسب تفهمون يوم اشرحلكم كيف تمكيجت
طبعا هذا كان عندي من فتره وانا مصورتنه يوم كان يديد وما لبسته غير مره وكنت ابى اتصور ورحت الإستيديو لووولز^_* وكررته في العزيمه
اول شي قمت اهتم ببشرتي تدرون رمضان وشوي تعب ع سهر ع صيام يعني قمت اركز اهتمامي ع بشرتي
دايماا كنت انصح اربيعاتي العرايس يوم يبون يكونون حلوووين ياكلون فراوله وعاد انا اموووت ع
ستروبري اذكر يوم كنت في الجامعه يسالوني البناااات نشوفج محلوه زياده شوو مسووويه
اقولهم ع طووول ستروبري وحيااتكم اكل العلبه كامله لووولز ماشاءالله علييي
عقب اروح ايبلي مكعبات ثلج من ماي ورد وافركه في ويهي طبعاا احس بروده مااستحمل
بس كل شي يهون عسب اكون حلوه وقمر لووولز
عقب جي ابى احس بنتعاااش ويكون لي بارض اتمكيج عدل ارش ماي ورد ع ويهي
عقب ما يجف كل شي ع ويهي احط كريم مرطب من نيفياا
واحط ع شفايفي lip care
وعاد اتم اركز ع عيوني
اول شي احط اي كون واتم ادلك عيوني شوي شوي
وعقب حطيت او لا ليفت
وجذي اخذ استراحه شوي نص ساعه وعقب ابدأ المكيااااااج
بغيت اسألكم كذا سؤال واتمنى تجاوبوني
حبايبي انا عمري ما سويت شي في ويهي يعني مااحف ولا اشقر ولا شي ولا سويت تنظيف بشره لأن الحمدالله بشرتي ابد ما فيهااا شي صافيه (ماشاءالله) بس احين قلت ابى اغير
ابى اشقر مع انه انا ما فيني شعر في ويهي يا دووووووب ينشااف الحمدالله يعني ما فيني
بس اخاف ممكن تتغير بشرتي او شي شورايكم؟؟؟ اسوي ولااااا اتم جي احسن؟؟؟
يتبع حبايبي
اول شي احط كونسيلر ع تحت عيني وع الجفن كامل
وبعدين احط بودرة ع عيوني وابدأ
هذي كل الفرش اللي استخدمتهاا وانا اتمكيج
حطيت تحت الحاجب هذا اللون تقريبا ع لؤلؤي وشوي يميل ع البني وحطيت فوقه
مثل ما تعرفون sugar sugar من ريفلون مثل حبيبات السكر هذا لشفايف بس بغيت احطه ع تحت حاجبي
وحطيت اي شدو ذهبي ع الجفن المتحرك
وبعدين حطيت ع طرف العين الخارجيه اي شدو بلون برونز بس البرونز الفاتح
وعقب حطيت البرونز شوي الغامج من مااك ودمجته مع الذهبي من الزاويه الخارجيه ومديته
ع الجفت الثابث ع فوق
وعقب جحلت عيوني من داخل من ماركة برجوا
عقب ابدا ارسم عيوني رسمت عيوني من فوق ومن تحت بالأي شدو الأسود والكحل الكريمي
وعقب حطيت المااسكرااا واناا احب هالمااسكراا وايد يعني تخلي رموشي وااااااااواااااااااااوواااو
وكانت رسمة عيوني جي
ملاحظه:
هذي الصورة هب صورتي بس صورة توضحلكم كيف كانت رسمة عيوني (الصوره من النت)
يمكن تقولون ليش ما حطيتي أحمر ؟؟ في الدمج انا ما بغيت عسب ابى يكون الروج أحمر فاقع
بس لوحطيت احمر ع عيني بيكون احس أوفر يعني اللبس احمر ع عيوني احمر واكسسواري احمر وشفايفي احمر مو حلوو بيطلع
يتبع حبااااايبي
بعد ما خلصت من رسمة عيوني دمجت البيس مع الفاونديشن ووزعته ع بشرتي
انا بطبعي مااحب شي يبيضني يعني اختار الفاونديشن ع نفس لون ارقبتي عسب
ما يكون فرق بين بشرتي وارقبتي وانا طبيعة بشرتي برونزيه
وبعدين احط بودرة مثل ما تشوفون ثلاث انوع اول اول شي احط بودرة أرتي وبعدين ع خفيف احط بودرة ميكب اب استيديو وآخر شي احط عند شفايفي وتحت شفايفي ولو كان شي خطوط مثلا احط البودرة الحره عسب ما يكون اي خط ع ويهي فهمتوا؟؟؟؟
ومثل ما تعرفون الحواجب تبيض شوي من الفاونديشن والبودره بس اتم اغمجهم
الحمدالله اللهم لك الحمد انا حواجبي يعني ما يحتاي لا تعديل ولاشي (ماشاءالله) بس اتم اغمجهم شوي
وبعدين حطيت هذا البلشر
وعاد عقب ابدى مشوار ثاني مع شفايف حطيت شوي فاونديشن ومثل ما تشوفون ف الصورة
ليب ستيك هذا عطوني ياه هديه بس احمر جنااااااان خبال من ميكب اب فور إيفر اول شي احط الليب ستيك وبعدين شوي قلوس من بوباا وعقب احط ديوور الأحمر عااااااااد صدق يطلع يطيييييييير العقل
واكيد يتقولون ليش احط 3 انواع انا جي احب اتفنن في الألوان يعني احب اخترع لوون لووولز
وآخر شي طلع جي
شورايكم مب جناااااااان؟؟ يطير العقل لوووولز
وآخر شي رشيت مثبت فيكس من مااك
وعقب حطيت مانكير بلون الأحمر
يتبع حبااايبي مع آخر جزء فديتكم
وهذا آخر جزء حبايبي وإن شاءالله ما طولت علييكم
حبايبي انا بعد ما تمكيجت رحت الصالون لأن ما عندي وقت ولا كنت بتفتنك شوي وكنت مسويه search ع التسريحه اللي اباهاا وحسيت هاي تناسبني لأن انا ويهي مليان ودائري ويوم شفت هاي التسريحه ع طوول قلت بتناسبني 101% لووولز
وماشاااااااااااءالله عليهااااااااااا ضبطتها وطلعت 100% نفسهااااااااااااا صدق صدق رووعه تسلم ايدهاا والله
هيه عادحاطه ع شعرها طوق انا حطيت نفسهااا بس بالأحمر ولاحظوا التراجي اللي لابستنه
جريب من مالي بس انا احمر
شورايكم؟؟؟؟
لبست هذي العباااااه شورايكم من تصميمي ؟ بس اللي نفذها الخنجي
وهذي الشيلة
وتعطرت عطر زين وحطيت دهن عود سيوفي ع اذني وع ايدي
واشتريت لربيعتي هديه فديتهااااااااا ياربي الله يتمم فرحتهااا ع خيرر خذتلهاا ساعه
ولازم علامة الجوده بنكش لووولز صح كل شي احمر بس لازم البنكي ورانا وين ما نروح
بصراحه انا بعد عيبتني وجان اخذ نفسهاا وشوفوا شكل الساعه شورايكم؟؟؟>>بطقم وياها لوولز
وعقب ركبت السياره وقعدت احر السيارة واقرى ع عمري المعوذات وجااااااان اروووح
حبايبي تعبت واايد في هالموضوع بس كل شي يهون لبنات عرووس فديتهم انا ماابى منكم
غير دعوه حلوه في هذا الشهر الكريم ولا تنسوووني حبايبي
ملاحظه هذا مكيااجي ف المنااسبات بس في الأيام العاديه واايد سميل مااحب اكثر واايد
أحبكـــــــــــــم
ولي رجعه
بس فيني لقافه اليوم قلت ادخل عرض
خخخخخخخخخخخخخ
ماشاء الله عليك
مولعه أحمر
بس صوره المكياج إللي فوق صورتك أنتي <<<<<داخله عرض
وتسلمين على لسويت :essen:
ماشاءالله عليج ذووووق في اللباس و الميكب
بخصوص تشقير الوجه ماانصحج فية دام بشرتج صافية خليها
تعرفين من يسوي تشقير اللي فيهم شعر وايد يحتاجون غلى التشقير بس أنتي ماشاءالله عليج لا
ويعطيج العافية أهم شي أنج استانستين مع ربيعاتج
ماشاء الله عليكي دوم مبدعه يالغاليه اكيد طلع المكياج على وجهك الحلو احلى
تصدقي انا احتمال يوم العيد البس احمر او اصفر واذا لبست احمر حيكون اكيد بعمل زي مكياجك عجبني الضل انه مايكون في احمر والروج يكون احمر احسه نعومي
ويابختك ياحلوه انا اتمنى بشرتي برونزيه ماشاء الله عليك ترا اختى مثلك بشرتها برونزيه ماشاء الله عليها يوم ماتتمكيج يطلع المكياج يجنن
وترا انا مثلك وجهي شعره مره خفيف وانا ابدأ ماأشقر وجهي ولا اشيله حتى يوم فرحي ماحشيل عشان لايكثر ياعسل
ومشكوره على الموضوع الحلو ياسكره
