مرحبا بك ايها البلسم ..
بالفعل انت بلسم لجراح الامهات ..
فاتمنى من المولى ان يبدل صبرك واجاباتك الاجر والمثوبة وعالي الدرجات ..
ابنتي عمرها سنة …
لا تنام نوما مستقراً …
ولقد تعبت من ملاحقتها في فراشها الكبير ..
لاعادتها لموقع نوم مريح ..
ولتغطيتها ..
بيد انها تعاود الحركة ..
حتى اني وضعت لها حواجز ..
ومع هذه التقلبات الكثيرة … فانها تبكي ولو لثواني وترجع لتنام ..
الا ان الامر يتكرر من المساء وحتى تستيقض غداً …
لنا الان شهرين وهي لم تكل هذا الطبع ..
ولم تنعم حتى هي بنوم مستقر ….
حممتها قبل النوم بلا فائدة …
لقد هلكت وهلك جسمي …
فكل ساعتين لابد من الذهاب لتجهيز الرضعة ..
ثم اعاود النوم ولا استطيع النوم سريعا ..
وما ان ابدا بالنعاس… حتى افجع بها تبكي وهي نائمة ..
او ان موعد الرضعة التالية قد اتى ..
جسمي تعب .. ولا اكاد اجد نشاط ..
مالحل ؟؟..
هل من علاج ؟..
هل يوجد دواء يساعدها على النوم العميق ..
لم تكن سابقا كذلك .. مالحل ..
فقد تعبت .. تعبت ..
الله يكون بعونك
ان شاء الله باقي البنات يفيدونك
ويهدي بنوتك وتنام نوم هادي وجميل
🙂
هلا والله …
تسلمي يا غلا ..
ردك يحسسني بانه فيه احد حاس فيني ..
الله يسلمك .
واتمنى والله الدكتور الموقر او من مرت بهذه المرحلة تعاوني ..
ولها الدعاء والاجر والمثوبه ..
(u)(u)(u)
من خلال قراتي لموضوعك
حسيت فعلا بمدى معاناتك ..وانا جربت مثل هذا الشيء
لكن احب ان اوضح لك نقطة
لازم تحددي موعد خاص للنوم الطفله تتعود فيه انها تكون نايمه
أما اذا كان وقت نومها غير مرتب
مثلا تنام ساعتين وتصحى او تنام وقت في النهار فهذا راح يزعجها
أنا عن تجربة شخصية..أختي ..أبدا ماتنام طول الليل
لازم تصحى وتصرخ..تخيلي الى ان صار عمرها ست سنوات وهي على ها الحال
واضطر اني اصحى كل ليله اوديها عند امي..وترضعها وترجعها مرة ثانيه وتصحى برضو …وهكذا طوال الليل بين غرفتنا وغرفة امي
لكن الآن اختي الثانيه
عودتها امي ان في وقت محدد تكون في السرير…حتى لو ماكانت نايمة
والحمد لله ..من عمرها شهر وهي تنام معنا ..أبدا ما تصحى الا في الصباح
ما نخليها تنام كثير في النهار..فقط وقت القيلوله..يعني ساعه او بالكثير ساعتين علشان تنام في الليل..
والنقطة الأهم..ان لازم تعودي بنتك تنام من دون ما ترضع…
يعني تعوديها تنام بدون رضاعه..لان اغلب الاطفال لما يتعودو على انهم يرضعو قبل النوم
خلاص …مستحيييل تنام وهي ما بعد رضعت..لكن احرصي
ان تكون راضعه قبل فترة قبل النوم
واعطيك معلومة بعد..انا جربتها..مش شرط الطفلة تصحى من النوم علشان هي جوعانه …لا في اغلب الاحيان تكون شبعانه وشبعانه نوم بعد…وتصحى في نص الليل تبغى احد يلعب معاها…
أنا اختي لما اضحك في وجهها تضحك..ولما اتركها وانام ترجع تصرخ وتبكي..يعني هي تبغي تلعب لانها شبعانه نوم
هذا كل اللي عندي من سابق تجربه
أتمنى ان اكون افدتك ولو بالقليل
تقبلي فائق تحياتي
وكانت الى فترة قريبة مثل حالة بنتج بقولج على الخطوات اللي سويتها
واتبعيها وبتحصلين فايدة……
اول شيء بالنهار لا تخلينها تنام كثير انا بنتي بس اخليها ترقد ساعتين
في النهار ……..بتقولين كيف اتحكم برقادها يلسي العبي وياها وخليها
تنشغل وتطلع طاقتها كلها بالنهار ……….
بالليل عشيها كويس وشبعيها مثلا الساعة 9 الساعة 11 اعطيها مرضعة
دافية قبل ما تنام واحرصي ان الجو ما يكون بارد وايد او حار ……..
ان صحت وطبعا اكيد بتصحى لأنها متعودة انج تستجيبين لها لا تردين
عليها ابداااااااااااااااااا خليها بتتعب وبترجع ترقد …….
كل ما تصحى لا تردين عليها بعدين ان شفتي صارت الساعة 5 الفجر
اعطيها مرضعة ……
وحاولي في النهار انكم ما تخلونها تضحك وايد لأن هالشيء من الأسباب
اللي تخلي الطفل يصرخ في الليل ….
وانا انتقلت لغرفة ثانية بعيد عن ريلي عشان ما يصحى كل شوي وهو
عنده دوام ثاني يوم بس الحين خلاص رجعت لغرفة نومنا بعد ما تعودت
بنتي والحمدلله ………
اتمنى ترجعين اطمنينا ………:smile:
الله يعطيهم العافية:clap::clap:
جزاك ربي كل خير … تصدقين .. بنتي من النوع الشيطون … والله يهديها ..
مرة تبهذلني … وانا الصراحة ما اصدق في النهار انها نامت ..
عروس دبي
اتفقتي مع سحابة في جزء ماء … اظنه صاحب دور مهم في معاناتي ..
وان شالله باجرب اللي قلتوا لي من باكر باذن الله .,
واوعدك ارد عليكم واطمنكم .. بس على الله تنفع ..
dalooo3ah
اي والله البنات ما قصروا ,,,
الله يوفقهم ويسر عليهم كل ما استصعب عليهم …
اللهم آمين ..
إذا رتبتي وقت نومها
لاني قرأت في كتاب ..أن الطفل يحب الروتين
ولما يخرج عن روتينه..يصاب بالتوتر والأكتئاب
لذلك هي شيطونه..
بس انتي الآن يبغي لك تعب ومجهود شوي على الأقل فترة يومين او ثلاثة
أو حتى اسبوع
لحد ما تتعود على نمط معين تعلمينها إياه وراح تلاحظي الفرق
على فكرة… إذا كان الطفل من النوع اللي دائما يبكي
على طول في اي وقت..لما تكوني تطبخي او مشغوله..حطيها بجنبك شغلي لها كاسيت قران.. بس يكون القاريء من النوع اللي صوته هادي
وراح تلاحظي انها راح تهديء ويقل بكائها.. وهذه عن سابق تجربه وناجحة مئة بالمئة
إذا كانت هذه بنت البكر..الله يعينك راح تكون كل التجارب فيها
أنا تجاربي كلها في اخواتي
22
وبالتوفيق ان شاء الله…
