كيف حالكم يا صبايا انا جايبة فكرة جديدة معي اليوم, ما بعرف ازا انطرحت بالمنتدى من قبل . وازا انطرحت ما في مشكلة اننا نعيدها .والفكرة هي ان كل وحدة فينا تحكيلنا شو الطبخة المشهورة في بلدها لاننا كل وحدة فينا من بلد , واكيد كل دولة تتميز بطبق معين وهادا الشي بخلينا نتعرف على اطباق جديدة اتفيدنا. وانا راح اكون اول وحدة بتبلش.
انا من فلسطين ومن الاطباق المميزة عنا هو (المسخن)و(المقلوبة)
بس انا اليوم راح احكيلكم طريقة عمل المسخن.
اولا:المقادير
1.بصل
2.دجاجة
3.خبز طابون
4.زيت زيتون
5.لوز للزينة
6.سماق
7.بهار للدجاج والملح
طريقة العمل:
1.نضع الدجاجة على النار ليتم سلقها
2.بعد ذلك نحضر زيت الزيتون ونضعه في طنجرة ونضعه على النار
3.ثم نقوم بتقطيع البصل الى جوانح ونضعه فوق الزيت
ملاحظة : يتتطلب عمل المسخن الكثير من البصل والزيت الزيتون
4.بعد ان يتم سلق الدجاجة نضع الملح والبهار عليها ويتم وضعها بالفرن للشوي
5. وبعد ذلك نحضر خبز الطابون نضع عليه مرق الدجاج حتى يصبح الخبز طريا
6.بعد ذلك نحضر البصل والزيت ونفرده على الرغيف ياكمله ثم نضع الرغيف في الفرن ليتم تحميره قليلا
7. بعد ان نخرج الرغيف من الفرن نضع عليه السماق واللوز ونضع قطعة من الدجاج المحمر فوق الرغيف
وصحتين وعافية
وانشاء الله انكم كمان بتفيدونا وابتكتبولنا طبقكم المشهور
.
هى الفكرة معموله باسم من كل بلد اكلة بس الفكرتين حلوين تسلمى
جزاك الله خيرا
من الأكلات الشهيرة واللذيذة في الأردن المنسف
ناوية أعمله الأسبوع الجاي
وان شاء الله بنزل الطريقة والصور
