جمعة مباركة على الجميع …
انا صارلي والده من شهرين وعندي بنت …..والحمدلله ارضعها كله طبيعي بــــــس في الليل اعطيهاااا رضعة صناعي وهي نايمه , واحيانا الظهر وهم بعد وهي نايمه …..لاني ابغي اعودها بصراحة لا سمح الله يستوي شي وبحكم عندي بنت اكبر منهااا لما مرضت شليت بنتي الصغيره وياااهااا للمستشفى وقعدت وحسيت بنتي الصغيره تعبت واايد علي وبعدين هي بعد تعادت من اختهاا لان اختها الكبيره كله كانت جالسه بجنب اختها ..وتندمت وايد وتمنيت اني ما تعبتهااا وياي …
والحين العيد جاي ولا اشتريت اغراض لي ولا حق بناتي … وافكر اطلع السوق لكن ما اعرف اشل بنتي الصغيره وياي ولا اقلعها في البيت ؟؟؟ والله ما اعرف شو اسوي ؟..
فبغيت اسال هل اسلوبي ممكن يعرضهااا انه تتعود على الرضاعة وتترك صدري ؟؟؟
ولا اقدر اواظب على الاثنين .. ؟؟؟
انا ولله الحمد لين الحين كل شي ماشي تمام …….
اذا رضعناهم طبيعي تعذبنا ولزقوا فينا….:sad:
ويأنبنا ضميرنا اذا رحنا مكان ….:confused:
ولما نرجع يكونون ماتوا من الجوع؟؟؟(n)
بالنسبة لي عيالي أرضعهم طبيعي لين سنة و4 شهور….
وكل ما كبروا وفهموا صعب انهم يتركون الصدر!!!!!
أنا مع الرضاعة الطبيعية 100%:z_clap:
بس المشكلة لما أكون في الدوام يتعذب اللي يمسك بنتي!!!:angry:
وما اقدر اطلع بدونها؟؟؟؟؟
بس في بعض الامهات يرضعون طبيعي
وفي المرضاعة يعطونهم بابونج….منقوع تمر…للتصبير(w)
بس انا سمعت ان الجمع بين نوعي الحليب مب زين؟؟(n)
الله يعينج وتوصل البنت لسن 6 شهور
علشان اتدخلين الاكلات الخفيفة والعصاير….
ويعين جميع الامهات!!!!!المجاهدات!!!!!:clap:
بس انا بكره رايحه للسوق وش اسويبها …؟؟ ما اريد اشلهاااا تتعب والله …
انا ما اعاطي بنتي وهي صاحية لكن اعاطيها وهي نايمه …هل هذا يفرق ولا ألا هيه السالفة .؟؟
وهل رضعة وحده في اليوم تسبب في ترك الصدر ؟؟؟
الاطفال اذا يخلطون لهم بين الصناعي والطبيعي يعوفون الكبيعي بسرعة والسبب سهولة الرضاعة الصناعية لهم في المص,,,
الله يكون بعوتج اشفطي لها الحين وتصبري لحد ما تبتدي تاكل بيخف عليج شوي ..
