السلام عليكم و رحمة الله وبركاته
انا مفكرة اسافر تركيا بس 
المشكلة ما عندي خلفية عن تركيا و لا عن لغتهم او عملتهم و لا حتى عن الميزانية الي لازم احطهى
دخيلكم ساعدوني :
اب اعرف عملتهم كم اتساوي بالعملة الامارااتية و اب اعرف بعد سعر التذاكر ؟ و اسعار الفنادق و المصاريف الي محتاجينها هناك اجمالي ؟؟
ع فكر عدد الاشخاص 4 انا وريلي وبنتي عمرها سنتين و لدي عمر شهرين
اسعارهم جدا مناسبة في الغالي والرخيص
انتي دوري على فندق مناسب لميزانيتك وعلى حسب كم يوم بتجلسون
بس انصحك تروحين لها بقوة جو خرافي ملابس تجنن واسعار تهبل
بالنسبة للاكل اغلب الوجبات نفس اسعارنا الي ناكلها ببلدنا وخاصة السريعه وحتى مطاعمهم التركيه مناسبة احسها
لغتهم التركية نادر يفهمون انجليزي بس عادي تعاملي بالاشارات
واذا بتروحون مكان قولوا اسمه للتاكسي وهو راح يعرفه
وانصحك باستخدام المترو جدا ممتع ورخيص وسريع بس مايصلح لكل مكان
اتوقع يمكن يكفيك ميزانية 30 الف درهم وممكن اقل
مثل ما قالت الاخت الليرة درهمين ونص واحيانا اكثر حسب الدولار
اسعارهم أغلى منا في التكسي والاكل بس الرخيص عندهم الملابس والفوط والاقطان وطبعا الجودة ممتازة
أنصحك تروحي بورصة وتركبوا التلفريك وجزيرة الاميرات وطبعا المساجد والمتاحف في اسطنبول
وفي مدينة حلوة اسمها يلوى تبعد 40 دقيقة بالعبارة من أسطنبول حلو تسكنوا فيها كم ليلة
الله يوفقكم رحلة ممتعة بأذن الله
ان شاء الله البنات مايقصرون
وسعر الليره ريالين ونصف وتركيا غاليه مو رخيصه
اذا انتي من هواة الطبيعه والهدوء انصحك بقرية كوك شدرا بجوار مدينة يلوا رووووووووووعه فيها حمامات مياه معدنيه تنعش
وروحي بورصه بالباص من يلوا ارخص واجلسي فيها 3 ايام واستانبول خليها في الاخير
وفيه شي لا يطوفك اختي مقابل السوق المصري باستانبول فيه كورنيش عليه مراكب كلها مطاعم تقدم ساندوتش سمك يهبببببببببببببببببل لا يفوتك واشكال المراكب تجنن كنها قديمه ولبسهم بعد قديم
الله يهنيك ويسعدك في سفرتك ويكتب الله لك فيها الراحه قلبوووووو
يعطيكم الف عافية
:thumbs_up::thumbs_up::thumbs_up::thumbs_up::thumb s_up::thumbs_up::thumbs_up::thumbs_up::thumbs_up:: thumbs_up::thumbs_up::thumbs_up::thumbs_up::thumbs _up::thumbs_up::thumbs_up::thumbs_up:
