اللي من دبي او تعرف دبي تدخل 2024.

بنات السلام عليكم
أنا ابي منكم مساعدة سريعة انا امي راحت امس لدبي وانا طلبت منها تشتريلي عباية وجلابية يكونو حلوين يعني انا ابي اسواق في دبي تكون اسعارالعبايات والجلابيان فيها معقولة فأنا قلتلها استني شوي وبرد عليكي لان هي بتقعد بس اسبوع اوكي بنات …. بليييز لاتنسوني اسماء الاسواق اوكي

حياها الله في الامارات..
حبيبتي في الشارقه الاسعار افضل عن دبي.. في دبي اسعارها شوي مرتفعه..
عن العبايات حبيبتي في دبي بمركز أبو هيل هو مركز ينباع فيه العبايات وتستطيعين تفصيل ايضا على مقاسك..
عن الجلابيات يعتمد مثل في محل اسمه راجو جنب مركز حمرعين والمحل كبير وفيها كل الاشكال والانواع والالوان..
وعندج محل "اليشمك" في مول الامارات جلابياته راااااااااقيه واسعارهم يعتمد على التطريز..

بالشارقه في شارع اسمه سوق القديم.. فيه محلات للعبي والاكسسوارات والشنط والجلابيات وكل شيييييييي تقريبا باسعار منافسه..

في دبي سوق الوصل اللى قبل مركز المنال فصلت عندهم عبايه مع شيله طقم

طلعت ب 800 والكل سألني عنها لو انتي رحتي مع الوالده يكون افضل

لان الحريم الكبار ذوقهم يختلف عن ذوق البنات

هذا اللى اعرفه لاني مو من دبي .. وروحاتي لها قليله

تحياتي لج حبوبه