أعزائي المتصفحين .. حبيت أنكم تقرون من اللي كتبته في أعز مخلوق عندي على وجه الأرض .. أمي
وصدقوني مهما سوا الواحد مايوفي شي من حق الأمهات .. الله يعطم أجرهم ويطول أعمارهم .. ويرحم اللي وافى منيته منهم ..
وعلى فكره هي باللهجة النجديه بحت
لو للغلى عنوان باقول أمي ……. ولو للحنان دروب باقول أمي
لاعاش مخلوق يكدرتس سمي …… سمي ولتس كلي وروحي ودمي
يمه رضاتس اليوم هو كل همي …… وبرضاتس يمه زال همي وغمي
يازين مقعادس ويازين ملقاس ……. ويازين حكيتس من ذهب مايذمي
وتراب تاطينه أحبه وأغليه ……. ورد(ن) دروبس ياغلا من سكني
بالعون كفيتي ولتس كل تقدير …… أرتاحي أنتي وآمري واستكني
جنة تحت رجلتس ويارب نحظاه …… ياقدرة الله ورد لو بعض همي
كل الكلام اليوم ماظن يافي ……. لو يجتمع كل الشعر فيتس يامي
لو العمر يهدى أبهديتس عمري ……. يفداس عمري وعمر خالي وعمي
قصيدة رائعه عن اجمل مخلوقه واعز انسانه الا وهي تلك الام الحنون
اشكر لك اخى تلك القصيده مع ملاحظة انها بالعاميه
ويصعب على الاخرين فهمها 000
اجمل تحية لك
اديب
