بنات قطر النشميات ابغي مساعدتكم بذكر الاسعار حتي لو موكانت مظبوطه عطوني تقريبي للسعر الاصلي
امس كنت اشوف اللي باقي لتجهيزي والفلوس الباقيه لقيت نقص فيها وخصوصا اني عفست شوي ميزانيتي وخلاص مابقي عندي غير مبلغ محدد فبغيت اعرف الاسعار عشان اضيف واحذف بعض اللي بكتبهم لكم عشان ميزانيه وماازيد من عندي لان باقيلي فلوس مسكه والشعر والمكياج وبديات وتنانير فمااقدر اخربط اكثر من جذي
فاتمني اللي تعرف الاسعار تذكرلي عشان ارتب الاغراض واحذف اللي بيزيد على الميزانيه
بالنسبه للمكياج
بودرة ماك المظغوطه
بودرة كانبو المظغوطه
اساس كانبو
بودرة حرة بلمعه من ماك
ننتقل للعطور وطبعا دهن العود بالتوله
مسك العروس من القرشي
دهن عود شيماء من اجمل
مكعبات المسك من القرشي
مخلط دهن العود المعتق من اجمل
عود معطر من اجمل
دهن عود قطيف من السيد جنيد
بخور "المراسم من اجمل
دهن عود سيف الهند من اجمل
العطورات طبعا الحجم الصغير
سبارك
اديكت اديكشن
وايت لنن من استي لودر
لانستانت من جيرلان
اتمني تفاعلون معاي عشان احذف وارتب للاسعار المناسبه لي
وبودرة كانيبو المضغوطه مع الاسنفج اعتقد123
اساس كنيبو ماعندي فكره بس اعتقد هو بعد حوالي 100 وشي
بودره حره بلمعه من ماك ماعندي فكره
مسك العروس من القرشي ماعندي فكره
دهن عود شيماء من اجمل ماعندي فكره وانصحج بوصال اييين وب 75 وادري مب جديد جديد بس وايد حلوه الريحه
مكعبات المسك من القرشي المكعب الواحد ب 10
مخلط دهن العود المعتق من اجمل ماعندي فكره
عود معطر من اجمل ماعندي فكره
دهن عود قطيف من السيد جنيد ماعندي فكره
بخور "المراسم من اجمل ماعندي فكره
دهن عود سيف الهند من اجمل ماعندي فكره
سبارك ماعندي فكره
اديكت اديكشن ماعندي فكره
وايت لنن من استي لودر ماعندي فكره
لانستانت من جيرلان ماعندي فكره
ان شاااااااااااااااءالله اكون افدتج بشي على الاقل معنه كله اقول لج ماعندي فكره خخخخخخخخخ
واللففففففف مبرووووووك
ان شاءالله البنات ما يقصرون معاج
واتمني البنات يتفاعلون اكثر لاني بجد محتاجه اعرف الاسعار عشان ارتب الاغراض اللي ابي اشتريها واحذف الباقي
لاني ماراح اشتريهم كلهم بس حابه اعرف الاسعار عشان الارخص اخذهم عشان تطلعلي الاغراض اكثر اتمني فهمتوني
ومشكووورين
بودرة ماك المظغوطه
اعتقد على 145ريال
بودرة كانبو المظغوطه
على 101 ريال
اساس كانبو
على 101 ريال
بودرة حرة بلمعه من ماك
عاتقد على 99ريال لاني من فتره ماخذته ومب متذكره بس مو اكثر من 100ريال
ننتقل للعطور وطبعا دهن العود بالتوله
مسك العروس من القرشي
التوله على 200 ونص توله على 100ريال
دهن عود شيماء من اجمل
ماعندي فكره
مكعبات المسك من القرشي
على 50ريال
مخلط دهن العود المعتق من اجمل
ماعندي فكره
عود معطر من اجمل
اعتقد على 120ريال
دهن عود قطيف من السيد جنيد
ماعرف
بخور "المراسم من اجمل
ماعرف
دهن عود سيف الهند من اجمل
اعتقد على 140ريال او 100ريال
العطورات طبعا الحجم الصغير
سبارك
ماعندي فكره
اديكت اديكشن
اعتقد على 200 وشويه
وايت لنن من استي لودر
اعتقد على 250 وفوق
لانستانت من جيرلان
ماعرف
اتمني تفاعلون معاي عشان احذف وارتب للاسعار المناسبه لي[/QUOTE]
عالعموم ماقصرتي يالغاليه
البنات ما قصروا ،، بس نصيحه البودره الحره مو شرط تكون ماك او غيره من الماركات الكبيره ،، للأسف اللي كانت بماركس آند سبنسر غيروا نوعها
بس شوفي اللي عند ريد ايرث وايد حلوه وما تختلف عن ماك
واذا تبين فيها لمعة ،، يعني مثل اللي تنحط للعرايس ،، اللي فيها لمعه لؤلؤيه او ورديه ،، وتكون قويه ..
واللي تنفع تنحط تحت العين عشان تمسك الشادو اللي يطيح ولما تنفضينها تعطي اضاءه حلوه
عني انا جربت الماركات ،، بس كانت اضاءتها ولمعتها خفيفه ،، بس مري الشاهين او فت ول بتلاقين عندهم انواع من هالبودرات وخصوصاً الشاهين ، اسعارهم حلوه ووايد مرتاحه عليهم
كم شغله ذكرتهم ملاذ الحب حبيت اعدل عليهم
مكعبات مسك القرشي الحبه بـ 10 مب بـ 50
التوله من مسك العروس الحين تنباع بـ 100 وقبل كانت بـ 200 لا تخلينهم يقصون عليج
دهن عود سيف الهند من اجمل ،، اقل شي وبعد طلوع الروح يعطونج بـ 500 اقل من جذي ما يصير
العود المعطر من اجمل في 3 احجام اصغرهم بـ 75 وزادوا سعره شوي ..
بس نصيحه حسيتج وايد زيدتي من دهن العود ..
نصيحه مني خلي دهن عود سيف الهند لليلة العرس والليالي المهمه ..
واخذي دهن العود اسمه بخور خاص من اجمل ،، ينباع ربع توله بـ 75 حلو للأستخدام اليومي ..ريحته قويه بس تروح بسرعه مو بسرعه وايد ،، يعني تبقى نص يوم ،، وهذا كافي للأستخدام اليومي
مسك العروس ،، ولو تحبين بعد تاخذين مخلطين او 3 احس يكفون لا تزيدين .. مع معطر للفرش وبخور للغرفه
وكم كولكشن عطور فرنسيه ،، وخلاص
لا تكثرين ،، ترى هذول بيكفونج فتره مناسبه .. الحين خلي فلوسج للأساسيات وبشهر العسل او بعده اخذي كل اللي ينقصج
قبل ما اروح بقولج اخذي بودرة دهن العود من اجمل رووووووعه وايد قبل تنباع بـ 15 اعتقد الحين وصلت 25 ،، اخذي منها ثنتين وايد بتحبينهم ..
وعن عطور اجمل الفرنسيه شوفي rain drops مع بودرته مثل ريحة كوكو شانيل بالضبط و وصل سعره 40 ريال
وعطر اشراق ريحته شوي شرقي بس روعه كان حول الـ 60 بس الحين يمكن رفعوا سعره شوي
كل واحد مع بودرته والبودره يمكن وصل سعرها 25
اسعارهم حلوه ومناسبه ،، وهي عطور مميزه لا تستقلينها
وعن العطور الفرنسيه اهم شي تاخذين برايفت كولكشن من استي لاودر ..
شوفي عطر سينما لو يعجبج ،، ترى اغلب الرجال يحبونه
واذا انتي مكثره من العطور الشرقيه ماله داعي ديور ادكت لأن بعد رييحته عطور شرقيه ..
شوفي عطر ميريكل من لانكوم ،، ميريكل القديم رووعه خصوصاً مع المسك
والله يتمم لج على خير
وي نسيت اقول ،، خذتي الشادوات و الكحل و المسكارا و الأرواج والبلاشرات ؟؟ مادري حسيتج ركزتي على البودرات اكثر ،، اذا ماخذتي قولي لنا عشان نفيدج
وعن البدلات خلي لهم مبلغ ،، لأنهم يكلفون ،، وشكلي من البدلات مو كلهم ستايل واحد .. وبعد لا تكثرين وايد ،، كل فتره تتغير الموضه ،، وبتملين منهم ،، ويمكن الله يكتب لج تحملين على طول
شنط صنادل اكسسوارات ساعات كله خلصتيه ولا باقي؟؟
جزاكم الله خير خواتي … نفعتوني أنا بعد .. بس عندي إستفسار و يا ليت تساعدوني :
ابغي آخذ مكياج حق العرس و أفكر ما أكثر لأن عندي وااايد لكن ابغي آخذ حاجة حلوة خاصة إن ثاني يوم الصبح باتمكيج بروحي
و أبي مكياج مضمون ,,, يعني أبغي الأشيا الأساسية و اللي تظهرني صج عروس 
