بنتي عمرها 45 يوم وما ترضى تشرب الحليب الصناعي ابدا ومهما حاولت اغير المرضعات لكن من دون فايدة .. وغيرت الحليب كمان بعد من دون فايدة .. كنت استخدم ابتاميل كومفورت وجربت حليب نان اتش ايه لكن من دون فايدة مثل ما قلت
والمشكلة انه لازم اروح الجامعة لاني لسة طالبة فهل من طريقة اقدر اعودها على الحليب الصناعي والمرضعة
وهل يمكنني ان اضيع قليل من العسل للحليب لكي يعجبها الطعم ؟؟
والله ماعندي فكرة اختي
وبنتي كانت كذا ماتحب حليب صناعي نهائي
ولازالت وتوني فاطمتها من اسبوع بس
والسبب غير معروف طبعا ماتقبلته من يوم هي صغيرة
والعسل مضر للطفل في أول سنه من حياته لاتضيفيه لها
واكيد البنات بيفيدونك
شوفي اختي جربي وياها حل بسيط جدا اشفطي الحليب من صدرك وحطيه ليها في الرضاعة وخلي احد ثاني غيرك يعطيها اياه لان اذا انتي اللي عطيتيها راح تشم حليبك وترفضه
uppppp
ممكن تحاولين معه أكثر من مره لين تتعدود
ولا غيري له المصاصه مالت الرضاعه فيه مصاصه تكون نفس حلمه الصدر
وهذا شكله
أختي الأحسن أنج تروحين للطبيب …
بلا ما تلعبين بمعدة الجاهل…
حراااام تلعوز…
يمكن يكون فيها شي لا سمح الله!!
الأحسن و عشان ترتاحين تروحين للمستشفى…
ماتشوفين شر…
